Ըստ երեւույթին Բիլ Քոսբիին վերաբերող սկանդալը դեռ հեռու է եզրափակիչ փուլից:
78-ամյա ամերիկացի կատակերգուն, դերասանը, ռեժիսորը, պրոդյուսերը, սցենարի հեղինակը, երաժիշտն ու քաղաքական ակտիվիստը խոստովանել է, որ ինքը սեռական ոտնձգություններ է կատարել այն կանանց նկատմամբ, որոնք նրան անցած տարի դատի էին տվել:
TMZ -ը գրում է, որ Քոսբին պայմանագիր ուներ ինչ-որ գործակալության հետ, որը նրան կանանց էր «մատակարարում»՝ շաբաթական վեցական կին, որոնց կատակերգուն հաբեր էր տալիս, խմացնում ու հետո նրանց հետ սեքսով զբաղվում:
Նույնն է խոստովանել նաեւ Քոսբին, որը նաեւ նշել է, որ շատ կանանց ինքը գումար է վճարել լռության համար:
Առաջին՝ Անդրեա Կոնստանդի գործով (աղջիկը անչափահաս էր, երբ Բիլը նրա հետ սեռական հարաբերություն է ունեցել) լսումները կսկսվեն այսօր Փենսիլվանիա նահանգում: