Քայլի Ջենների Mercedes Benz G-Class-ը վաճառքի է հանվել
12:18 13 օգոստոսի, 2016Երեւում է, որ Քայլի Ջենների բոյֆրենդ Ռեփեր Tyga–ին հաջողվել է փչացնել ընկերուհու ծննդյան օրը: Հայտնի է, որ օգոստոսի 10-ին Քայլիի 19 տարին է լրացել եւ աղջիկն այդ իրադարձությունը նշել է Բահամյան կղզիներում` ընկերուհիների եւ Tyga-ի հետ: Վերջինիս հայտնությունն ընդհանրապես ոչ մի կերպ չի կապվում տրամաբանություն բառի հետ, որովհետեւ երաժիշտը Մալիբուում 2011 թվականին իր վարձակալած տան տիրոջը 480 հազար դոլար է պարտք: Երգիչը հանգիստ Բահամյան կղզիներ է մեկնել այն օրը, երբ Լոս Անջելեսի դատարանը նրա կալանավորելու օրդեր է տվել (այնպես որ, ռեփերին «հաղթական վերադարձ» է սպասում):
Միաժամանակ, կղզի մեկնելուց մի քանի օր առաջ, ռեփերը, որը պնդում է, թե սնանկ է, Քայլի Ջեններին 200 դոլարով Mercedes Maybach էր նվիրել։ Դա աննկատ չի անցել, որովհետեւ տան տերը, որի հետ դատվում է երգիչը, դատական գործ է սկսել` չվճարված պարտքի դիմաց Քայլիից այդ մեքենան խլելու նպատակով:
Իսկ այսօր հայտնի է դարձել, որ Քայլին վաճառքի է հանել Mercedes Benz G-Class G63 AMG-ն, որը եւս նրան ռեփերն է նվիրել: Երեւում է` Քայլին որոշել է փրկել իր բոյֆրենդին, որի պահվածքի մասին Քարդաշյանների ընտանիքն արդեն հայտնել է իր կարծիքը:
TMZ-ն գրում է, որ մեքենան տարել են Newport Coast Auto դիլերային ընկերություն, որը մեքենան վաճառքի է հանել 145 հազար դոլար մեկնարկային գնով:
Առայժմ այլ ընկերությունների մոտ այդ մեքենայի գինը տատանվում է 121 – 129 հազար դոլարի սահմաններում:
