Աշխարհահռչակ հայ մատնահարդար Ջեսիկա Վարդուղյանը` հոլիվուդյան աստղերի հետ աշխատելու եւ այս աշնան նորաձեւ գույների մասին
17:03 24 սեպտեմբերի, 2016Պետք է բաց լինել նորամուծությունների առջեւ եւ հավատալ սեփական ուժերին` սա է աշխարհահռչակ հայուհի, Jessica հանրահայտ բրենդի եւ աշխարհի մեգապոլիսներում եղունգների մասնագիտական խնամքի կենտրոնների հիմնադիր Ջեսիկա Վարդուղյանի հաջողության գաղտնիքը:
Հոլիվուդյան աստղերին եւ հայտնի քաղաքական գործիչներին սպասարկող հայուհին հաճախ է գալիս Հայաստան: Այս անգամ Ջեսիկան այստեղ է, որպեսզի իր փորձով կիսվի հայ մատնահարդարների հետ.
«Երկու տարին մեկ այցելում եմ Հայաստան: Արդեն 16 անգամ եղել եմ այստեղ: Գիտեմ, որ մատնահարդարման արվեստն այստեղ շատ տարածված է: Ցանկանում եմ իմ փորձով կիսվել հայ աջիկների հետ: Նրանց օգնելն ինձ համար շատ կարեւոր է: Բացի այդ` ինձ Հայաստանի հետ կապում են իմ արմատները»:
Արքայադուստր Դիանա, Ջուլիա Ռոբերթս, Սքարլեթ Յոհանսոն, Ջեսիկա Ալբա, Էշթոն Քաթչեր` նրանք միայն կեսն են այն հայտնի մարդկանց, որոնք եղել են Ջեսիկայի մշտական այցելուները: Տիկին Ջեսիկայից հետաքրքրվեցինք` արդյո՞ք հեշտ էր աշխատել աշխարհահռչակ աստղերի հետ.
«Նրանց հետ աշխատելը շատ հեշտ էր: Չգիտեմ` որքանով է հեշտ հայ կանանց հետ աշխատելը, բայց սովորաբար այն հայտնիները, որոնց սպասարկել եմ, միշտ շատ բարեհամբույր ու շնորհակալ են եղել: Նրանցից ոչ մեկի հետ երբեւէ խնդիր չեմ ունեցել»:
Մատնահարդարման մեջ բազմաթիվ նորամուծություններով հանդես եկած հայուհուց հետաքրքրվեցինք նաեւ, թե որ երանգների լաքերն են նորաձեւ այս աշնանը.
«Այս աշնանը նորաձեւ են մուգ գույները: Աշունը, առհասարակ, ենթադրում է գույներ: Այդ գույների մեջ ընտրեք մուգ երանգները»:
Սյունե Առաքելյան