Mirror. Ուիթնի Հյուսթոնի աղջիկը բացել է աչքերը

15:02   12 փետրվարի, 2015

Ուիթնի Հյուսթոնի 21-ամյա դստեր՝ Բոբի Քրիստինայի դստեր առողջական վիճակը բարելավվում է։ Երեկ ԶԼՄները հայտնել էին, որ Ուիթնի Հյուսթոնի 21-ամյա դստեր՝ Բոբի Քրիստինա Բրաունի հարազատները որոշել են անջատել նրան կենսապահովման սարքից։ Հարազատները ցանկացել են այդ քայլին դիմել հենց երեկ՝ Ուիթնի Հյուսթոնի մահվան օրը (2012թ-ի փետրվարի 11)։ Սակայն մի քանի ժամ անց Հյուսթոնների փաստաբանը հերքել է այս նորությունը։

Բրիտանական Mirror-ը գրել է, որ Բոբի Քրիստինայի հորաքույրը՝ Լեոլան, զարմանալի մի նորություն է հայտնել։ Նա հայտարարել է, որ աղջիկը բացել է աչքերը, եւ նշել, որ Բոբին անպայման ապաքինվելու է՝ անկած մյուսների կարծիքից եւ այն ամենից, ինչ գրում են Համացանցում։

Հիշեցնենք, որ Ոստիկանությունը քրեական գործ է հարուցել Ուիթնի Հյուսթոնի դստեր ընկերոջ՝ Նիք Գորդոնի դեմ։ Ոստիկանությունը հայտնել է, որ Բոբի Քրիստինայի մարմնի վրա մարմնական վնասվածքներ են եղել, որոնք աղջիկը ստացել է մինչեւ ուշաթափվելը։ Միակ կասկածյալը նրա ընկերն է, քանի որ վերջին շրջանում Բոբիի եւ Գորդոնի հարաբերություններն այնքան էլ լավ չեն եղել։

ԶԼՄները հայտնել են, որ մարմնական վնասվածքներ են եղել 21-ամյա Քրիստինայի երեսի՝ հատկապես բերանի շրջանում եւ մարմնի վրա։ Ավելին, հարազատները նշում են, որ երբ գտել են ուշաթափված Բոբիին, ամուսինն իրեն շատ տարօրինակ է դրսեւորել։ Ուստի, ոստիկաններն այժմ նրան են կասկածում այս հանցագործության մեջ։ Լուրեր են պտտվում, որ Նիք Գորդոնը ծեծել է աղջկան, քանի որ նա մշտապես ստվերում է զգացել իրեն Բոբի Քրիստինայի կողքին։

Նաեւ վերջերս պարզվել էր, որ Նիք Գորդոնը խնդիրներ ունի օրենքի հետ կապված. հունվարին նա ձերբակալվել էր թմրանյութեր պահելու եւ վաճառելու համար։ Համացանցում նաեւ լուրեր էին պտտվում, որ Նիքն ու Մաքս Լոմասը իրենց անմիջական մասնակցություն ունեն Ուիթնի Հյուսթոնի դստեր հետ կատարված միջադեպի մեջ։ Ենթադրվում էր, որ Քրիստինան թմրանյութերի մեծ չափաբաժին է օգտագործել, ինչից հետո Գորդոնն ու Լոմասը աղջկան  տարել են լոգարան՝ փորձելով ուշքի բերել նրան, սակայն չի հաջողվել։



© NEWS.am STYLE