Գարիկ Մարտիրոսյանի կնոջը համեմատել են ԱՄՆ Առաջին տիկին Մելանյա Թրամփի հետ
11:31 15 նոյեմբերի, 2016Վերջերս Գարիկ Մարտիրոսյանի կինը՝ Ժաննա Լեւնան, հաճախ է հայտնվում մեր ուշադրության կենտրոնում։ Հավանաբար պատճառն այն է, որ նրա Instagram-ի էջին հետեւում են մոտ 78.5 հազար օգտատեր, եւ երկու երեխաների մայրիկը ամեն օր փորձում է հետաքրքիր գրառումներ, լուսանկարներ եւ հոլովակներ տեղադրել։
Երեկ Ժաննան անկեղծացել էր եւ պատմել, թե որտեղ է հանդիպել 42-ամյա շոումենին եւ գտել լավ ընկերներ։ Իսկ հիմա հայտնել է, որ իրեն նմանեցրել են ԱՄՆ Առաջին տիկին Մելանյա Թրամփին.
«Երբ Ֆրանսիայում նախագահական ընտրություններ էին, ինձ համեմատում էին Առաջին տիկին Կառլա Բրունիի հետ։ ԱՄՆ-ում ընտրություններից հետո, սկսեցին խոսել իմ եւ Մելանյա Թրամփի նմանության մասին։ Ես՝ որպես Մերձմոսկվայում 1000մ2 հողատարածքի Առաջին տիկին, շոյված եմ այդ համեմատությունից։ Չէ որ ինձ, Կառլային եւ Մելանյային միավորում է ոչ միայն գեղեցիկ այտոսկրերն ու աչքերը, այլեւ հայտնի ամուսին ունենալու փաստը։ Այնպես որ, միշտ պետք է առաջ շարժվել։ Մանավանդ, որ իմ հարեւանը վաճառում է իր 1000մ2 հողատարածքը։ Եվ եթե ինձ հաջողվի հաղթել գինը սակարկելու դեբատը, ես կմեծացնեմ իմ ազդեցությունը»,- գրել է Ժաննան։
Ի դեպ, օգտատերերը միանգամից նշել են, որ ընտրություններում մեծ սիրով կքվեարկեն Գարիկի եւ Ժաննայի օգտին։