Քիմ Քարդաշյանին կողոպտելու գործով Փարիզում 16 մարդ է ձերբակալվել
12:31 9 հունվարի, 2017Անցյալ տարվա հոկտեմբերին Փարիզի Նորաձեւության շաբաթվա ընթացքում Ֆրանսիայի մայրաքաղաքում Քիմ Քարդաշյանին կողոպտեցին՝ հայուհուն զրկելով շուրջ 9 մլն դոլար արժողությամբ թանկարժեք զարդերից:
Կատարվածի տարբեր վարկածներ առաջ քաշվեցին, բայց ֆրանսիական ոստիկանությունը մամուլին հետաքրքրող մանրամասներ չներկայացրեց:
Այսօր առավոտյան, սակայն, Փարիզում առնվազն 16 մարդ է ձերբակալվել, որոնց կասկածում են ռեալիթի շոուի աստղին կողոպտելու մեջ:
Ոստիկանությունն առավոտյան ժամը 6-ից հատուկ գործողություն է սկսել երեք քաղաքներում՝ Փարիզում, Նիսում եւ Ռուանում: Ձերբակալվածներն անապահով շրջանների բնակիչներ են, ինչպես նաեւ գնչուներ, որոնք կրկնահանցագործ են որակում:
Աղբյուրը՝ Gala.fr