• «Այն նույնիսկ չի ծածկում պտուկը». Ինֆլուենսերը ծաղրում է Քիմ Քարդաշյանի Skims միկրոսկոպիկ բոդին

  Քիմ Քարդաշյանի ապրանքանիշը պնդում է, որ հավաքածուն նախատեսված է տարբեր մարմնի տեսակների համար և հասանելի է XXS-ից մինչև 3X չափսերով․․․

• Քորթնի Քարդաշյանն ու Թրևիս Բարքերը պատմել են, թե ինչ սարսափելի վիրահատություն է տարել իրենց որդին ծնվելուց առաջ

  Քորթնի Քարդաշյանը և Թրևիս Բարքերը առաջին անգամ մանրամասն խոսել են հղիության ծանր բարդության մասին, որի պատճառով վիրահատություն էր պահանջվել իրենց որդու՝ Ռոքիի ծնվելուց առաջ…

• «Դու իմ լավագույն ընկերուհին էիր». Քիմ Քարդաշյանի հուզիչ հրաժեշտը իր սիրելի տատիկին

  Քրիս Ջենների մոր՝ Մերի Ջո «Էմ Ջեյ» Շենոնի մահից հետո Քիմ Քարդաշյանը նույնպես հուզիչ գրառում է արել…

• Քարդաշյանների ընտանիքը սգում է Քրիս Ջենների մոր մահը

  Քարդաշյանների ընտանիքը խորը կորուստ է ապրում…

• Քարդաշյանների թիկնապահը մահացել է ավտովթարի հետևանքով

  Քարդաշյան ընտանիքի երկարամյա թիկնապահ Մեյսոն Հեյնսը մահացել է ճանապարհատրանսպորտային պատահարի հետևանքով…

• Քիմ Քարդաշյանը ցույց է տվել, թե ինչպես է Լյուիս Հեմիլթոնը ժամանակ անցկացնում իր երեխաների հետ

  Թվում է, թե Քիմ Քարդաշյանի և Ֆորմուլա 1-ի յոթակի չեմպիոն Լյուիս Հեմիլթոնի հարաբերությունները լուրջ են դառնում…

• Ի՞նչ է անում Քիմ Քարդաշյանի նախկին ամուսինը՝ իրենց աղմկահարույց ամուսնալուծությունից 15 տարի անց

  Քիմ Քարդաշյանի և Քրիս Հեմֆրիսի աղմկահարույց ամուսնալուծությունից անցել է գրեթե 15 տարի, իսկ ամուսնությունը տևել էր ընդամենը 72 օր…

• Քլոե Քարդաշյանը ծննդյան օրվա առթիվ կիսվել է եղբոր՝ Ռոբի հետ արված հազվագյուտ լուսանկարներով

  Ռոբ Քարդաշյանը, ով տարիներ շարունակ գաղտնի է պահել իր գործունեությունը, որոշ ժամանակ անց առաջին անգամ հայտնվել է նոր ընտանեկան լուսանկարներում...

2016 թվականը Քարդաշյան-Ջեներ գերդաստանի համար իրադարձություններով հարուստ տարի էր, բայց ամենանշանակալին դարձավ Փարիզում Քիմ Քարդաշյանին կողոպտելը, ինչը, կարծես, մեկընդմիշտ փոխեց Քիմին: Հիմա հայուհին չի երեւում տեսախցիկների առջեւ եւ սոցցանցերում ի ցույց չի դնում իր հարստությունը:

Եվ այսպես՝ վերադառնանք դարի կողոպուտին: Քիմ Քարդաշյանը քույրերի՝ Քորթնիի եւ Քենդալի, ինչպես նաեւ իր թիկնապահ Պասկալ Դյուվյեի հետ Փարիզ մեկնեց՝ Նորաձեւության շաբաթվա առիթով:

Առաջին իսկ օրերին Քիմն ուկրաինացի սկանդալային լրագրող Վիտալի Սեդյուկի զոհը դարձավ, որ նետվեց Քիմի հետույքը համբուրելու, երբ հայուհին գնում էր Balmain-ի ցուցադրությանը:

Բայց այն, ինչ տեղի ունեցավ հոկտեմբերի 3-ի գիշերը, երկար կհիշեն ե՛ւ Քիմը, ե՛ւ ֆրանսիական ոստիկանությունը:

Լրատվական գործակալությունների առաջին տեղեկությունը հաստատեց, որ երկու զինված անձիք Քիմին պատանդ են պահում փարիզյան հյուրանոցում:

Սակայն հետագայում հայտնի դարձավ, որ Քիմ Քարդաշյանին կողոպտել են ոստիկանական համազգեստով 5 զինված անձիք:

Եվ եթե նախ հաղորդվում էր, որ Քիմին լոգարանում փակած եւ հեծանիվներով փախուստի դիմած գողերն իրենց հետ 15 մլն դոլարի թանկարժեք զարդեր են տարել, ավելի ուշ պարզվեց, որ խոսքը, ամեն դեպքում, 6-7 մլն դոլարի մասին է:

Աստիճանաբար ուրվագծվեց նաեւ կողոպուտի սցենարը:

Փարիզում գտնվելու ամբողջ ընթացքում անհայտ անձինք հետեւել են Քիմին:

Հայուհին իջեւանել էր Փարիզի էլիտար շրջաններից մեկում գտնվող հյուրանոցում, մինչդեռ Քենդալն ու Քորթնին այլ հյուրանոցում էին:

Ի դեպ՝ Քիմի հյուրանոցն այնքան էլ հյուրանոց չէ, այլ 9 բնակարանով շենք: Ժամանակին այնտեղ իջեւանել են Զլատան Իբրահիմովիչը, Փրինսը, Մադոննան, Լեոնարդո դի Կապրիոն:

Կողոպուտի գիշերը Քենդալն ու Քորթնին, ինչպես նաեւ Քիմի թիկնապահ Պասկալ Դյուվյեն փարիզյան գիշերային ակումբներից մեկում են եղել, իսկ Քիմը նախընտրել է հյուրանոցի իր համարում մնալ:

Դիմակավորված հինգ անձիք հյուրանոցի դռան զանգն են տվել, որը, ինչպես հետագայում պարզվեց, անվտանգության ծառայություն չունի, եւ ատրճանակով սպառնալով դռնապանին՝ նրան ստիպել են ցույց տալ, թե որն է հայուհու համարը:

Դռնապանը բացել է Քիմի սենյակի դուռը, եւ հանցագործները վախեցրել են հանկարծակիի եկած Քիմին, նրանից խլել հեռախոսը, 4 մլն դոլար արժողությամբ ամուսնական մատանին, առձեռն գումարը, հետո կապկպել աստղին եւ փակել լոգասենյակում:

Օգնություն է կանչել Քիմի ընկերուհին, որը վերեւի հարկում է բնակվել:

Մինչ ոստիկանությունը դեպքի վայր է ժամանել, հանցագործները փախուստի են դիմել, իսկ լրատվամիջոցները՝ մեկը մյուսի հետեւից վարկածներ առաջ քաշել. Քիմն ինքն է կազմակերպել կողոպուտը, ներքին աղբյուրները դավաճանել են Քիմին, գործին մասնակից է նաեւ հայուհու թիկնապահը:

Եվ մինչ Փարիզի քաղաքապետն ամեն կերպ աջակցում էր Քիմին, հայտնի դարձան կասկածյալների անուններ, որոնց թվում նշվում էր սերբ գողերի Pink Panther հայտնի բանդան:

Ամեն դեպքում, ֆրանսիական ոստիկանությունը մինչեւ հիմա որոնում է գողերին՝ մատնանշելով, որ հանցագործների համար դժվար կլինի Եվրոպայում իրացնել գողոնը, սակայն ո՛չ հանցագործներին, ո՛չ թանկարժեք իրերը գտնել առայժմ չի հաջողվել:

Իսկ Քիմն ԱՄՆ վերադարձավ, որոշ ժամանակ հանրությանը չէր ներկայանում, նրան տեսան միայն Քանյե Ուեսթի համերգին: Նա նաեւ հեռացավ սոցցանցերից եւ չի մասնակցում միջոցառումների, որոնց սովորաբար ներկա էր լինում:

Հետաքրքիր է, թե ինչպիսին կլինի հաջորդ տարին Քիմի համար, որը, կարծես, որոշել է կտրուկ փոխել իր իմիջը:

Հետևեք NEWS.am STYLE-ին Facebook-ում, Twitter-ում և Instagram-ում