Հասմիկ Կարապետյանն արխիվային լուսանկարներ է հրապարակել

Հասմիկ Կարապետյանը հիշել է անցյալը: Ներկայում Կանադայում գտնվող երգչուհին Instagram-ում մի քանի նոր լուսանկար է հրապարակել իր արխիվից:

Հիշեցնենք, որ Հասմիկ Կարապետյանն իր ընտանիքի հետ տեղափոխվել է Կանադա:  NEWS.am STYLE-ի հետ բացառիկ զրույցում երգչուհին խոսել էր տեղափոխման պատճառների եւ Հայաստանը կարոտելու մասին.

«Երբ տարիներ առաջ ինձ հարցրեցին, թե ինչ է ինձ համար հայրենիքը, ինչ եմ զգում Հայաստան ասելիս, ասացի, որ չեմ կարող սպառիչ պատասխան տալ, քանի որ ինքս էլ չեմ հասկանում՝ ինչ եմ զգում։ Իհարկե, համերգային ծրագրերով կարճ ժամանակով բացակայել եմ երկրից, բայց ոչինչ չեմ զգացել։ Ինչքան մեծանում ես ու ինչքան երկար ես բացակայում հայրենիքից, միայն այդ ժամանակ ես հասկանում, որ հայրենիքը մոր նման մի անփոխարինելի հասկացողություն է։ Ես արդեն 40 տարեկանում լիարժեք զգացի եւ հասկացա, թե ինչ կարեւոր բան է յուրաքանչյուր մարդու համար իր հայրենիքը։ Երբ կանգնում ես հայրենի հողին, միանշանակ զգացումներդ փոխվում են»,- ասել է երգչուհին։