Օրերս երգչուհի Մարտան երկրպագուներին ու մտերիմներին ներկայացավ իր առաջին մենահամերգով: Համերգի մանրամասներին NEWS.am STYLE-ն արդեն անդրադարձել է տեսանյութերի եւ ֆոտոռեպորտաժի տեսքով:
Երգչուհին կատարեց արդեն հայտնի դարձած իր cover-ները, եղան նաեւ պրեմիերաներ եւ զուգերգներ՝ Գրիգոր Կյոկչյանի, Կարեն Սեւակ դուետի, Նորայր Գաբոյանի, Հայկ Կարապետյանի, Ռուսլան Էլյազյանի, ինչպես նաեւ Էրիկ Կարապետյանի, Ֆելիքս Խաչատրյանի եւ Արթուր Գրիգորյանի հետ: Բեմում ելույթ ունեցան նաեւ Երգի պետական թատրոնի խումբն ու Մարտայի աշակերտները:
Եղավ նաեւ անակնկալ՝ Ֆելիքս Խաչատրյանի հետ նոր դուետի տեսքով: Երգը կոչվում է «Մարտա»:
Անդրադառնալով հատուկ իր համար գրված երգին, երգչուհին նշեց.
«Երգը Ֆելիքսը վաղուց էր գրել, պարզապես անընդհատ չէր ստացվում այն ձայնագրել: Կարծում եմ՝ հարմար էր հենց այս համերգին այն ներկայացնել»:
NEWS.am STYLE-ը ներկայացնում է Մարտայի եւ Ֆելիքսի զուգերգի տեսանյութը:
Սյունե Առաքելյան