«Կուզեի բոլորիդ հարցի պատասխանը տալ՝ ես քաղցկեղով հիվանդ չեմ». Սեդա Շահնազարյանը՝ իր առողջական վիճակի մասին

«Ուրիշի հոգին» սերիալից եւ «Անուղղելիները» սիթքոմից հայտնի երիտասարդ դերասանուհի Սեդա Շահնազարյանը,ինչպես հայտնել էինք, առողջական խնդիրներով գտնվում էր «Արմենիա» ՀԲԿ-ի վերակենդանացման բաժանմունքում:

Դերասանուհու մայրը՝ Լուսինե Յազիչյանը NEWS.am STYLE-ի հետ զրույցում նշել էր, որ պարզ չէ, թե կոնկրետ ինչն է դարձել Սեդայի ինքնազգացողության վատթարացման պատճառը, բայց հավելել էր, որ աղջիկն արդեն 15 օր է, ինչ հիվանդանոցում է եւ նրանց ֆինանսական օգնություն էր անհրաժեշտ դեղորայքի համար:



Իսկ այսօր արդեն, բարեբախտաբար, լավ լուրեր ունենք: Սեդան Instagram-ի իր միկրոբլոգի հետեւորդներին ներկայացրել է տեղեկատվություն՝ իր առողջական վիճակի մասին: Story բաժնում նա տեղադրել է լուսանկար, որը պարունակում է հետեւյալ գրությունը. «Անչափ շնորհակալ եմ բոլոր այն մարդկանց, ովքեր ինձ օգնել են (միայն նյութականի մասին չէ խոսքը) , ես արդեն տանն եմ ու կուզեի բոլորիդ հարցի պատասխանը տալ՝ ես քաղցկեղով հիվանդ չեմ»: