Քիմ Քարդաշյանի ավագ քույրը, ինչպես եւ նրանց ողջ ընտանիքը, մշտապես գտնվում է ուշադրության կենտրոնում: Նրանք աշխարհին թելադրում են նորաձեւություն, զարմացնում են իրենց սեքսուալ կերպարներով ու պարզապես վարում են կյանք, որը հետաքրքիր է գրեթե բոլորին:
Ինչպես հայտնի է, Քորթնին սիրավեպ ունի 25-ամյա մոդել Յունես Բենջիմի հետ։ Պապարացիները նրանց պարբերաբար բռնացնում են Իտալիայում հանգիստը վայելելու ընթացքում:
Այս անգամ Քորթնիին տեսել են 8-ամյա որդու՝ Մեյսոնի ու 5-ամյա դստեր՝ Պենելոպեի հետ:
Զբոսանքի ընթացքում հայուհին պաղպաղակ է վայելել: 39-ամյա Քորթնին իր ընտրած հանդերձանքով ընդգծել է մարմնի գեղեցիկ կառուցվածքը: Դեղին, ծաղկավոր հանդերձանքի մաս կազմող կիսատաբատը շեշտել է նրա բարակ իրանը ու սլացիկ ոտքերը:
Ամառային այս կերպարը բավականին թեթեւ է ու, կարծես, խոսում է այն մասին, որ Քորթնին չի մոռանում, որ հանգստի ժամանակ շատ կարեւոր է հարմարավետությունը:
Հիշեցնենք, որ ավելի վաղ Keeping Up with The Kardashians ռեալիթի շոուի նոր եթերաշրջանի պրոմո թիզերում Քորթնին հայտնել էր, որ հոգնել է Քարդաշյան լինելուց։ «Ես միշտ սթրեսի մեջ եմ գտնվում, որովհետեւ ես Քարդաշյան եմ, ինձ հետեւում են, լրտեսում, ես հոգնել եմ, չեմ ուզում այլեւս այդ ազգանունը կրել»,- ասել էր տեսահոլովակում Քորթնին:
Աղբյուրը՝ Daily Mail
Լուսանկարներ՝ Backgrid