Երգիչ Ջասթին Բիբերի ու մոդել Հեյլի Բոլդուինի նշանադրությունից հետո շատերը շունչները պահած սպասում էին Սելենա Գոմեսի արձագանքին: Կային ենթադրություններ այն մասին, որ երգչուհու համար դա կարող է մեծ հարված լինել:
Բայց արի ու տես, որ Սելենան զարմացրեց բոլորին: Այն բանից հետո, երբ Բիբերը հաստատեց սպասվող հարսանիքի մասին լուրերը, Սելենային նկատեցին Նյու Յորքում՝ զբոսանքի ժամանակ, որի ողջ ընթացքում 25-ամյա երգչուհու դեմքից չէր հեռանում պայծառ ժպիտը:
Սելենան ներկայացել է սպորտային ոճում ու բավականին վստահ է զգացել իրեն: Երգչուհու աչքերը թաքնված են եղել արեւային ակնոցի ետեւում, սակայն նրա ժպիտը անկեղծ է թվացել:
Դե ինչ, երեւում է Սելենային վերջապես հաջողվել է անցյալի գիրկն ուղարկել իրեն այդքան տառապանք պատճառած դրամատիկ սերը:
Աղբյուրը՝ Daily Mail
Լուսանկարները՝ SplashNews, Getty