Քայլի Ջեններն ու Թրեւիս Սքոթը մտադիր են ամուսնանալ

Դեռ չի հանդարտվել Քայլի Ջեների, Թրեւիս Սքոթի ու Նիկի Մինաժի շուրջ ծագած սկանդալը, երբ համացանցում հայտնվեց հերթական նորությունը Քիմ Քարդաշյանի կրտսեր քրոջ մասին։

Ռեալիթի շոուի 21-ամյա աստղը, որն այս տարվա ձմռանը իր 26-ամյա ընկեր՝ ռեփեր Թրեւիս Սքոթին դուստր պարգեւեց՝ Սթորմի անունով, մտադիր է ամուսնանալ։

Entertainment Tonight-ի ինսայդերները հայտնում են, որ թեեւ զույգն այդ հարցում չի շտապում, սակայն աստղերը մտորում են առաջիկայում հարսանիքի շուրջ։ «Քայլին ու Թրեւիսն անբաժան են, իսկ սերն իրենց դստեր նկատմամբ միայն ամրացրել է նրանց զգացմունքները։ Քայլիի մայրը՝ Քրիս Ջեները, ինչպես եւ Քայլիի քույրերը հավանություն են տալիս նրա ընտրությանը, քանի որ կարծում են, որ Թրեւիսն իսկապես սիրում է նրան։ Քայլին մշտապես անում է այն, ինչ ցանկանում է, իսկ ընտանիքը սատարում է նրան իր ընտրությունների հարցում։

Ինչ վերաբերում է Թրեւիսին, ապա դստեր ծնունդը միայն ամրացրեց ընտանիք կազմելու նրա ցանկությունը։ Թրեւիսն ամեն ինչ անում է, որ հասցնի զբաղվել ե՛ւ կարիերայով, ե՛ւ Քայլիի ու դստեր հետ հարաբերություններով»,-նշում են աղբյուրները՝ հավելելով, որ զույգն արդեն պլանավորում է՝ որտեղ եւ երբ անցկացնել հարսանիքը։ Պարբերականի տվյալներով՝ խոսքը հաջորդ տարվա ամռան մասին է։

Լուսանկարները՝ Backgrid, WireImage