Դատարանը մերժել է պոռնոդերասանուհի Սթորմի Դենիելսի հայցն ընդդեմ Թրամփի

13:04   16 հոկտեմբերի, 2018

ԱՄՆ նախագահ Դոնալդ Թրամփի ու նրա նախկին սիրուհիների միջեւ պատերազմը դեռ շարունակվում է։ Նրանց մեջ բացառապես դերասանուհիներ, մոդելներ, պոռնոդերասանուհիներ եւ սկսնակ երգչուհիներ են։

Պոռնոդերասանուհի Սթորմի Դենիելսը, ով պնդում է, որ Թրամփը իր հետ կապ է ունեցել Մելանիայի հետ ամուսնացած ժամանակ, հետո վճարել է լռության համար, ապա դատարանում տարել է առաջին պարտությունը։

TMZ-ը հայտնում է, որ ԱՄՆ դատարանը մերժել է Դենիելսի հայցն ընդդեմ ԱՄՆ նախագահ Դոնալդ Թրամփի։

Ըստ ամենայնի Դենիելսը պետք է փոխհատուցի Թրամփի դատական ծախսերը։

Մարտ ամսին Դենիելսը պատմել էր, որ նրան սպառնացել են Թրամփի հետ ինտիմ հարաբերությունների մասին ինֆորմացիա հրապարակելու փորձի համար։ Իբրեւ թե կապը եղել է հեռւոտաշոուին մասնակցելու վճարը։  Պարուհին պնդում է, որ ամեն ինչ տեղի է ունեցել 2006 թ․-ին՝ փոխադարձ համաձայնությամբ։

Հինգ տարի անց նա համաձայնել է հրապարակային պատմել Թրամփի հետ կապի մասին լրագրողներից մեկին 15 հազար դոլարով, ինչից հետո նա եւ նրա դուստրը սպառնալիքներ են ստացել։ Դենիելսը հրապարակել է այն մարդու լուսանկարը, ով ամենայն հավանականությամբ իրեն սպառնացող անձն է  եղել։ Թրամփն էլ իր թվիթերում է այն հրապարակել, որին կից գրել է․ «նկար, որն արվել է տարիներ անց գոյություն չունեցող մարդու դեմքով»։

Դենիելսին դուր չի եկել նախագահի արձագանքը, քանի որ «կամ նա գիտեր սպառնալիքների մասին, կամ գաղափար չուներ դրանց մասին»։ Դատարանը սահմանել է, որ Թրամփի թվիթերյան արտահայտությունը վերաբերում է հռետորական չափազանցություն էր եւ պաշտպանվում է ԱՄՆ Սահմանադրությամբ՝ ազատ խոսքի մասին օրենքով։

Դենիելսի փաստաբան Մայքլ Ավենատին դատարանի որոշման դեպ բողոք կներկայացնի։



© NEWS.am STYLE