Հեռուստաաստղ եւ ձեռնարկատեր Քիմ Քարդաշյանը ներկայացրել է ներքնազգեստի ապրանքանիշի նոր անվանումը, որը նա ստիպված է եղել փոխել ճապոնացիների զայրույթի պատճառով։ Նա այս մասին հայտնել է Instagram-յան էջում։
Посмотреть эту публикацию в Instagram
Kimono-ի փոխարեն ապրանքանիշն այժմ անվանվում է SKIMS։ Այն պաշտոնապես կթողարկվի սեպտեմբերի 10-ին։
«Իմ երկրպագուներն ու հետեւորդներն ինձ ոգեշնչում են։ Նրանց կարծիքները միշտ հետադարձ կապ են ապահովում, որին ես լսում եմ։ Այդ պատճառով ես երախտապարտ եմ նրանց, որ նրանք կիսվել են նոր ապրանքանիշի անվան հետ կապված իրենց գաղափարներով։ Երկար մտորումներից եւ քննարկումներից հետո ես ուրախ եմ ձեզ ներկայացնել SKIMS Solutionwear-ը»,- լուսանկարը մակագրել է նա։
Այս ամռանն աստղը ներկայացրել էր ձգող ներքնազգեստի հավաքածուն՝ Կիմոնո։ Անվանումը, սակայն, զայրացրել էր Ճապոնիայի բնակիչներին։ Դժգոհների շարքում էր նաեւ Կիոտոյի քաղաքապետ Դաիսակու Կադոկավան։ Նա Քիմ Քարդաշյանին պաշտոնական նամակ էր ուղարկել, որում խնդրել էր վերանվանել ապրանքանիշը, ինչպես նաեւ նրան Ճապոնիա էր հրավիրել՝ տեսնելու երկրի գեղեցկությունն ու ծանոթանալու մշակույթին։