Հայտնի շոումեն Գարիկ Մարտիրոսյանն ուշադրությամբ հետեւում է Արցախում զարգացող իրադարձություններին՝ կտրուկ արձագանքելով դրանց։ Արցախում պատերազմի հենց առաջին օրը նա Instagram-ում կոչ էր արել դադարեցնել ռազմական գործողությունները՝ ընդգծելով, որ հայերը միայն խաղաղություն են ցանկանում։ Հայաստանի ու Արցախի մասին ցավով է գրում նաեւ նրա կինը՝ գրող, հաղորդավարուհի Ժաննա Լեւինա-Մարտիրոսյանը՝ անկեղծորեն ապրումակցելով ամուսնու հայրենիքի ցավին։
Մի քանի րոպե առաջ Մարտիրոսյանն Instagram-ում նոր գրառում է արել. «Ուշադրություն։ Դիմում եմ բոլոր մարդկանց, ում համար միեւնույն չէ հայերի ու աշխարհի ճակատագիրը։ Ադրբեջանը շարունակում է հայերի սպանել։ Այս րոպեներին պատերազմ է ընթանում։ Կանգ առեք։ Ալիեւի հանցավոր ռեժիմը «հողերի վերադարձ» նշանաբաններով մեր ազգին ստիպում է մահացու կռվի գնալ։ Հայերի դեմ պատերազմում են թուրքերն ու Սիրիայից ահաբեկիչները (սա արդեն պաշտոնապես ապացուցված է), որոնք ներգրավվել են Ադրբեջանի իշխանությունների կողմից։
View this post on Instagram
Մենք խաղաղության կողմնակից ենք։ Բայց։ Հայերը պաշտպանել են ու պաշտպանելու են իրենց կյանքն ու տունը մինչեւ վերջ։ Սա երկու երկրների կոնֆլիկտ չէ։ Սա խայտառակ մահացու ագրեսիա է խաղաղ բնակչության դեմ։ Մեզ ստիպում են կռվել։ Դադարեցրեք պատերազմը։ Սա աղետ է։ Բոլորի համար։ Կանգնեցրեք ագրեսիան։ Չի կարելի լռել»։