Անջելինա Ջոլիին արդեն երկրորդ անգամ նկատել են Բելա Հադիդի եւ Սելենա Գոմեսի նախկին ընկերոջ հետ հանդիպման ընթացքում

46-ամյա Անջելիա Ջոլիին, որը դեռ չի կարողանում ավարտին հասցնել ամուսնալուծության գործընթացը Բրեդ Փիթի հետ (որին այժմ մեղադրում է համատեղ բիզնեսոմ իր հատվածը վաճառելուն խանգարելու համար) նկատել են կանադացի 31-ամյա ռեփեր Էյբել Թեսֆայեի հետ արդեն երկրորդ հանդիպման ընթացքում․ ռեփերը հայտնի է The Weeknd բեմական կեղծանվամբ։

Այս ամիս նրանց կրկին նկատել էին ռոմանտիկ ընթրիքի ընթացքում Լոս Անջելեսի ռեստորաններից մեկում։ Նրանք միասին մի քանի ժամ են անցկացրել, ապա հաստատությունն առանձին լքել՝ կասկածներ չհարուցելու համար։ The Sun-ի հաղորդմամբ՝ այս անգամ նրանք միասին մասնավոր համերգի են ներկա եղել։ Դերասանուհու ու երգչի լուսանկարը հրապարակվել է Ինստագրամյան «Deuxmoi» հաշվում։

Հայտնի է նաեւ, որ Ջոլին Էյբելի հետ հսնդիպել է վերջերս Նյու Յորք կատարած այցի ընթացքում։ Նրանք միասին ճաշել էին։ Ինսայդրների խոսքով՝ ռեփերը հուզված է եղել, քանի որ դերասանուհու մեծ երկրպագուն է եւ չի թաքցնում, որ լրջորեն տարված է նրանով։

The Weeknd-ը նախկինում սիրավեպ է մոդել սուպերմոդել Բելա Հադիդի եւ երգչուհի Սելենա Գոմեսի հետ։