Հայտնի բրիտանացի բլոգեր, աճպարար Լուկա Գալոնեն անդրադարձել է Ադրբեջանի կողմից Հայաստանի սահմանին սկսած պատերազմին։ Իստագրամյան իր էջի Story բաժնում բլոգերն իր աջակցությունն է հայտնել Հայաստանին ու հայերին՝ կոչ անելով միջազգային մամուլին լուսաբանել իրավիճակի մասին։
«Ելնելով այն նորություններից, որոնք լսում եմ՝ իմ մտքերն ու աղոթքները Հայաստանում ապրող ընկերներիս հետ են։ Ցավակցություններս ու աղոթքներս զոհվածների ընտանիքներին։ Չգիտեմ՝ որքանով է միջազգային մամուլը լուսաբանում այս իրադարձությունները, բայց արժե ուսումնասիրել իրավիճակը հենց ձեզ համար»,-գրել է Գալոնեն։
Աճպարարը վերջին տարիներին հաճախ է լինում Հայաստանում։ Երեւանում նա, նույնիսկ, գրասենյակ է բացել։ Ամիսներ առաջ՝ NEWS.am STYLE-ի հետ զրույցում Գալոնեն իր ջերմ վերաբերմունքն էր արտահայտել հայերի նկատմամբ ու նշել, որ Հայաստանը եւս իր տունն է։