«Միսս Ճապոնիա» մրցույթի արտասահմանյան ծագում ունեցող հաղթողը հրաժարվել է իր տիտղոսից այն բանից հետո, երբ թերթերից մեկը գրել է ամուսնացած տղամարդու հետ նրա սիրավեպի մասին, հաղորդում է BI-ն։
26-ամյա մոդել Քերոլայն Շիինոն դարձել է եվրոպական ծագումով առաջին կինը, ով հաղթել է հունվարի 22-ին կայացած գեղեցկության ազգային մրցույթում։ Նա ծնվել է Ուկրաինայի Տերնոպոլ քաղաքում եւ Ճապոնիայի քաղաքացի է դարձել 2022 թվականին՝ հինգ տարեկանում մայրիկի հետ երկիր տեղափոխվելուց հետո, երբ մայրն ամուսնացել է ճապոնացու հետ։
Շիինոյի հաղթանակը հակասություններ է առաջացրել սոցցանցերի օգտատերերի շրջանում:
Ոմանք մրցույթի կազմակերպիչներին մեղադրել են ազգը «սպիտակեցնելու» մեջ։ Մյուսները ենթադրել, որ Շիինոյի հաղթանակը կարող է առիթ հանդիսանալ վիճարկելու ավանդական գաղափարներն այն մասին, թե ինչ է նշանակում լինել ճապոնացի:
Այնուամենայնիվ, Շիինոյի ժառանգության մասին խոսակցությունները կտրուկ դադարեցին, երբ նա հայտարարեց իր տիտղոսից հրաժարվելու մտադրության մասին: Սա տեղի է ունեցել այն բանից հետո, երբ տեղական տաբլոիդ Shukan Bunshun-ը հայտնել է, որ նա հարաբերությունների մեջ է ամուսնացած տղամարդու հետ:
Ինչպես հաղորդում է BBC-ն, «Միսս Ճապոնիա» ասոցիացիան սկզբում պաշտպանել է Շիինոյին եւ ասել, որ նա չգիտեր, որ տղամարդն ամուսնացած է: Բայց հետո հրաժարվել է նախորդ հայտարարությունից՝ ասելով, որ մոդելը խոստովանել է, որ հենց սկզբից իմացել է, որ իր սիրելին ամուսնացած է։
Շիինոն ասել է, որ հրաժարվում է իր կոչումից եւ զղջում է իր պատճառած «հսկայական անախորժությունների» եւ իրեն աջակցողներին հիասթափեցնելու համար:
Ինչպես նշում է The Japan Times-ը, մոդելը քննադատության է ենթարկվել որոշ մարդկանց կողմից, ովքեր պնդում են, որ նա չի ներկայացնում «իսկական ճապոնական գեղեցկությունը», ինչը «Միսս Ճապոնիա» ասոցիացիայի նպատակն է:
Մինչդեռ մյուսները հետաքրքրված էին՝ արդյոք Շիինոն չի՞ խոչընդոտում ավանդական ճապոնական գեղեցկության չափանիշների առաջմղմանը:
«Եթե «Միսս Ճապոնիա» մրցույթը հիմնված է գեղեցկության հայեցակարգի վրա, ես անձամբ կցանկանայի, որ այն հիմնված լիներ ճապոնական գեղեցկության չափանիշների վրա»,-X-ում գրել է պատմաբան Հիրո Յամաշիտան:
Կա նաեւ մշակութային ինքնության խնդիր։ Թեեւ Շիինոն Ճապոնիայում ավելի քան 20 տարի է ապրել, նա նշել է, որ իրեն քաղաքացի չի զգացել, մինչեւ չի հաղթել մրցույթում:
Իր ողջույնի խոսքում մոդելն ասել է, որ կային «ռասայական խոչընդոտներ» եւ «դժվար էր ընդունվել որպես ճապոնուհի»:
Հետևեք NEWS.am STYLE-ին Facebook-ում, Twitter-ում և Instagram-ում
21:11, 8 մայիսի
Աշխարհի նախկին ամենահարուստ մարդը` Ուորեն Բաֆեթ. «Հաջողությունը փողի մեջ չէ, այլ նրանում է, որ սիրված լինեք նրանց կողմից, ում ցանկանում եք սիրել»20:26, 8 մայիսի
Սիլվեստր Ստալոնեի ժամացույցները կհայտնվեն աճուրդում, այդ թվում՝ նրա հավաքածուի «սուրբ գրաալը»19:27, 8 մայիսի
Նյու Յորքի Times Square-ը գլխավորում է աշխարհի ամենավատ զբոսաշրջային վայրերի ցուցակը17:13, 8 մայիսի
Ռուսաստանում բանակցություններ են ընթանում այնտեղ Քանյե Ուեսթի համերգը կազմակերպելու շուրջ16:32, 8 մայիսի
Հիսուս Քրիստոսի մանկության մասին սարսափ ֆիլմ կնկարահանվի15:11, 8 մայիսի
Քլոե Քարդաշյանը պատմել է այն խնդիրների մասին, որոնց բախվել է որդու՝ Թաթումի ծնվելուց հետո15:00, 8 մայիսի
«Եվրատեսիլ 2009»-ի հաղթող Ալեքսանդր Ռիբակը Հայաստանի երգը նշել է, որպես իր ֆավորիտ` իր երաժշտական աջակցությունը հայտնելով «Լադանիվա»-ին14:18, 8 մայիսի
Աննա Վինտուրն արգելել է այս երեք մթերքը մատուցել Met Gala-ին14:00, 8 մայիսի
Հայկական էպոսի հերոսը՝ էլ ավելի գունեղ ու ժամանակակից լուծումներով. կայացավ «Սասունցի Դավիթ» կոմիքսի շնորհանդեսը (ֆոտո)13:21, 8 մայիսի
Ինչպես մայիսի 9-ին քվեարկել «Լադանիվա» խմբի օգտին13:17, 8 մայիսի
«Ուենսդեյ» սերիալի երկրորդ եթերաշրջանի նկարահանումները սկսվել են12:34, 8 մայիսի
Ջեսիկա Բիլը Met Gala-ից առաջ 9 կգ աղով լոգանք է ընդունել