• Դավաճանություն՝ քնած ժամանակ. ի՞նչ են նշանակում անհավատարմության մասին երազները

  Ամուսնուն/կնոջը դավաճանելը ոմանց համար մղձավանջային սցենար է…

• Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել

  Հետազոտությունը, որը հրապարակվել է Economic Behavior & Organization ամսագրում, փորձել է պարզել, թե ինչպես է կնոջ արտաքինն ազդում մյուսների բարոյական վարքագծի վրա․․․

• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

• Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն

  Սեքսի դեպքում գեղեցկությունը հաճախ կենտրոնական տեղ է զբաղեցնում․․․

• Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով

  Կալիֆորնիայում բնակվող անգլիացին տարված է ամուսնացած կանանց՝ հատկապես իր բիզնես գործընկերների եւ ընկերների կանանց հետ սեքսով…

• Միջնադարյան առեղծվածային ձեռագիրը կարող է լինել սեքսի հնագույն ձեռնարկ

  Տարօրինակ նկարներով միջնադարյան ձեռագիրը կարող է լինել սեքսի մասին շատ հնագույն ձեռնարկ կամ գոնե դրա մի մասը․․․

• Forbes. Սեքսը՝ գեներատիվ արհեստական ​​ինտելեկտի դարում

  Սեքսը եւ տեխնոլոգիաները վաղուց փոխկապակցված են. միլիոնավոր մարդիկ օգտագործում են ծանոթությունների հավելվածներ՝ զուգընկերներ գտնելու համար․․․

• Տղամարդիկ, ովքեր սոցցանցերում վիրավորակամ մեկնաբանություններ են գրում կանանց, բարդութավորված կնատյացներ են

  Տղամարդիկ, ովքեր սոցցանցերում նողկալի մեկնաբանություններ եւ վիրավորանքներ են գրում կանանց հասցեին, բարդութավորված անբաններ են․․․

Գաղտնիք չէ, որ հայ «մաչո տղամարդկանցից» քչերն ունեն մարզական կազմվածք։ Հայ տղամարդիկ գերադասում են ունենալ փոր, քան «կուբիկներով» որովայն, իսկ փորի չափը երբեմն այնքան տպավորիչ է լինում, որ «խավարում» է իր տիրոջը։ Չնայած առողջ ապրելակերպի քարոզչությանը, տեղացիներից շատերը դեռ կարծում են, որ դուրս ցցված փորը տղամարդկության նշան է: Այնուամենայնիվ, փոր ունեցողները պետք է տեղյակ լինեն, որ դա ոչ միայն վնասակար է իրենց առողջության համար, այլեւ կարող է ազդել սեռական կյանքի որակի վրա։

Մասնավորապես, ավելորդ քաշը նվազեցնում է լիբիդոն։ 30 տարեկանից հետո տղամարդու օրգանիզմում տեստոստերոնի մակարդակը սկսում է նվազել տարեկան միջինը 1%-ով։ Արական սեռական հորմոնի վրա ամենաբացասական ազդեցությունը պայմանավորված է ավելորդ քաշով եւ նյութափոխանակության սինդրոմով: Արյան մեջ տեստոստերոնի մակարդակի նվազումը սովորաբար արտահայտվում է որպես լիբիդոյի եւ սեռական ֆունկցիայի թուլացում։ Սա ուղեկցվում է մտավոր եւ ֆիզիկական ակտիվության նվազմամբ, դեպրեսիայով, քնի խանգարումներով, ինչպես նաեւ՝ մկանների եւ հոդերի ցավերով։ Բացի այդ, տեստոստերոնը ազդում է սրտի առողջության, հիշողության եւ շատ այլ ցուցանիշների վրա, որոնք ապահովում են տղամարդու ընդհանուր բարեկեցությունը։

Համաձայն British Journal of Urology International (BJUI) ամսագրում հրապարակված հետազոտության, որին մասնակցել է 409 տղամարդ, պարզվել է, որ ամենամեծ գոտկատեղով տղամարդկանց 74,5 տոկոսը հայտնել է էրեկտիլ դիսֆունկցիայի մասին՝ համեմատած միջին խմբի տղամարդկանց 50 տոկոսի եւ 32 տոկոսի հետ, որոնք ունեն ավելի փոքր իրան։ Սերմնաժայթքման հետ կապված խնդիրները եղել են նույն ձեւով` համապատասխանաբար 65 տոկոս, 40 տոկոս եւ 21 տոկոս:

2012 թվականին Թուրքիայի Կայսերիի Էրջիես համալսարանի ուսումնասիրության համաձայն՝ փորով տղամարդիկ երեք անգամ ավելի դիմացկուն են անկողնում, քան նիհար տղաները: Միջինում նրանք կարողանում են դիմանալ 7,3 րոպե, իսկ ավելի նիհար տղամարդիկ՝ ընդամենը 2 րոպե։ Պատճառն այն է, որ գեր տղամարդկանց մոտ ավելի շատ էստրադիոլ կա՝ կանացի սեռական հորմոն, որը կարող է ճնշել նրանց՝ արագ օրգազմի հասնելու ունակությունը։

Այնուամենայնիվ, «գարեջրի փորը» մեծապես չի ազդում տղամարդկանց գրավչության վրա: Շատ կանայք սիրում են այդպիսի տղամարդկանց, քանի որ նրանք ենթագիտակցորեն կապում են նրանց իրենց հոր հետ։ Այս մարմնի տեսակի համար նույնիսկ գոյություն ունի սահմանում՝ «dad bod» (բառացիորեն թարգմանվում է որպես «հայրիկի մարմին»):

DailyMail.com-ը վերլուծել է մի քանի գրախոսական հետազոտություններ, որոնք ուսումնասիրել են տղամարդու իդեալական մարմնի տեսակը (ըստ կանանց):

Հետազոտությունը ցույց է տվել, որ թեեւ կանայք նախընտրում են ավելի իրատեսական կազմվածք, քան հոլիվուդյան կերպարներինն է, նրանք, այնուամենայնիվ, ցանկանում են տեսնել մի փոքր ավելի ձիգ մարմին:

Կան բազմաթիվ տեսություններ այն մասին, թե ինչու են կանայք նախընտրում մարմնի տարբեր ձեւեր, բայց ենթադրվում է, որ կանայք մեծ մկանները կապում են ուժի, առողջության եւ պաշտպանության հետ:

Յեյլի համալսարանի պրոֆեսորը պնդում է, որ որոշ կանայք ընտրում են «dad bod» ունեցող տղամարդկանց, քանի որ նրանց մարմնի տեսակը ցույց է տալիս, որ տղամարդը լավ հայր կլինի:

Այնուամենայնիվ, կանայք չեն սիրում շատ մկաններ կամ շատ ճարպեր: Նրանք գերադասում են այդ ամենի մեջտեղում գտնվող կազմվածքը:

Հետևեք NEWS.am STYLE-ին Facebook-ում, Twitter-ում և Instagram-ում