Երեւանի նեղ փողոցներում ու աշխույժ հրապարակներում ավելի գայթակղիչ բան չեք գտնի, քան այս պարզ, բայց համեղ փողոցային սնունդը՝ շաուրման։ Ինչո՞վ է այն առանձնահատուկ փողոցային սննդի այլ ուտեստների շարքում: Նախ՝ իր պարզության շնորհիվ: Մսի կտորներ, թարմ բանջարեղեն, սոուսներ՝ այս ամենը՝ փաթաթված լավաշով, եւ համեղ շաուրման պատրաստ է վայելքի համար: Սա իդեալական տարբերակ է նրանց համար, ովքեր ցանկանում են խորտիկ ուտել քաղաքային կյանքի արագ տեմպի մեջ:
Բացի այդ, Երեւանում շաուրման հասանելի է գրեթե բոլոր անկյուններում։ Մետրոյից դուրս գալով կամ քաղաքի կենտրոնով քայլելիս, հավանաբար կհանդիպեք բազմաթիվ վայրերի, որտեղ կարող եք գնել այն։ Էլ չասած գնի մասին, որը բավական մատչելի է համարվում փողոցային այսպիսի հագեցնող ճաշատեսակի համար։ Իհարկե, չնայած դրա տարածվածությանը, իսկապես լավ եւ համեղ շաուրմա գտնելը բավական դժվար է։ Դա պայմանավորված է նրանով, որ այն կարող է տարբեր լինել՝ կախված այն բանից, թե որտեղ է այն պատրաստվում, խոհարարի փորձի մակարդակից եւ, իհարկե, օգտագործվող բաղադրիչներից:
Ուսումնասիրում ենք առաջարկներ՝ ինչպես տեղական հայտնի ֆավորիտներից, այնպես էլ ավելի աննկատ վայրերից:
«Թումանյան» շաուրմա
Թերեւս սա այն եզակի վայրերից մեկն է, որն անքակտելիորեն կապված է Երեւանում շաուրմա ուտելու մտքի հետ:
Այստեղ ամենագլխավոր պլյուսը շաուրմայի հազվագյուտ եւ ճիշտ մատուցումն է, ինչի շնորհիվ միջուկը լավաշից դուրս չի ընկնում։ Օգտագործվում է թարմ բանջարեղեն եւ խոտաբույսեր, շաուրմայի միսը եփվում է արդյունավետ եւ հյութալի, բայց համի մեջ գերիշխող տարր չի դառնում։ Այն լավ է միաձուլվում այլ բաղադրիչների հետ՝ չխանգարելով դրանց համին:
Առանձնահատուկ հիշատակման է արժանի նաեւ տափակ հացը, որում մատուցում են շաուրմա։ Այն յուղոտ չէ եւ պահպանում է ճաշատեսակի ամբողջականությունը, թեեւ դրա հյուսվածքը կարող է մի փոքր ավելի փափուկ լինել, քան նախընտրում են այս ուտեստի որոշ սիրահարներ:
Կարելի է ասել, որ այստեղի շաուրման շատ լավ տարբերակ է նրանց համար, ովքեր փնտրում են որակյալ ուտեստ՝ առանց ավելորդ գաստրոնոմիական ֆլորայի։
Հաստատության միջին հաշիվը մեկ անձի համար կազմում է 1200- 2100 դրամ:
«Նարեկ» թոնրաուն
Դեռեւս ոչ այնքան նշանավոր այս վայրի շաուրման հետաքրքիր տարբերակ է նրանց համար, ովքեր փնտրում են գաստրոնոմիական նոր բացահայտումներ՝ մատչելի գնով։ Այն Երեւանում շաուրմաների մեջ միջին գնից ցածր է, մատուցվում է ամբողջովին փակ վիճակում եւ չափերով հեշտությամբ կարող է կշտացնել մեկ մեծահասակի։
Այնուամենայնիվ, պետք է նշել մեկ թերություն՝ այս վայրում շաուրման կարող է մի փոքր չոր թվալ՝ անհավասարակշիռ սոուսի պատճառով: Միջուկի մեջ շատ բաղադրիչներ կան, որոնք ճաշատեսակը հարուստ են դարձնում, բայց սոուսը, ցավոք, այնքան հյութալի չէ, որքան ցանկալի կլիներ:
Եթե սոուսի հետ կապված խնդիրը լուծվի, ապա այս վայրը կարող է իսկական հայտնագործություն դառնալ անուշաբույր եւ հագեցած շաուրմայի սիրահարների համար։
Հաստատության միջին հաշիվը մեկ անձի համար կազմում է 1200- 1800 դրամ։
Արտաշի մոտ
Այս հաստատության շաուրման ունի իր առանձնահատկություններն ու նրբությունները, որոնք արժե հաշվի առնել:
Սկսենք դրական կողմերից, որոնցից մեկը, թերեւս, շաուրմայի չափաբաժինն է՝ իր գնի համեմատ այն բավական մեծ է ու հարուստ։ Այն պարունակում է առատ միս, որը հյութալի է եւ թարմ: Սակայն պետք է նշել, որ միջուկի բաղադրիչների մեծ մասը տապակած կարտոֆիլն է, որը փոքր-ինչ ընդհատում է մյուս բաղադրիչների համը, սակայն ամեն ինչ փրկում է համեմատաբար հյութալի ու հարուստ սոուսը։
Լավաշը, որում մատուցվում է շաուրման, փափուկ եւ թարմ է, բայց խրթխրթան ուտեստների սիրահարներին կարող է այս մատուցումը մի փոքր հում թվալ:
Շաուրման այստեղ ավելի շատ հիշեցնում է հայկական բրդուճի տարբերակ՝ ավելի խիտ եւ բազմազան միջուկով, բայց էժան եւ առատ կերակուրի համար սա ամենակարեւորն է:
Հաստատության միջին հաշիվը մեկ անձի համար կազմում է 1500- 2100 դրամ:
Հետևեք NEWS.am STYLE-ին Facebook-ում, Twitter-ում և Instagram-ում
11:31, 25 մայիսի
«Ազգային երգիչ 2»-ի մեծ համերգը, Սամվելի նոր երգը, ու մասնակիցներն՝ իրենց նոր բենդի մասին (VIDEO)10:52, 25 մայիսի
Հոլիվուդյան հայտնի դերասան Ջո Մանգանիելոն Հայաստանում է10:30, 25 մայիսի
Էլիզաբեթ Հերլին Christian Dior-ի ներքնազգեստով ցուցադրել է իր՝ տարիքին հակասող կազմվածքը09:00, 25 մայիսի
ՄԱՅԻՍԻ 25-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:11, 24 մայիսի
Քելլի Ռոուլենդը հիացրել է ոսկյա կրծկալով նոր լուսանկարներով22:21, 24 մայիսի
Համակարգչային հանճարը, ով մահացել է լեյկոզից, Հռոմի պապ Ֆրանցիսկոսի կողմից կճանաչվի առաջին միլենիալ սուրբը21:25, 24 մայիսի
Բելլա Հադիդը Կաննի 77-րդ կինոփառատոնի անվիճելի աստղն է. մոդելի երեք նորաձև կերպարները՝ ֆրանսիական Ռիվիերայում20:16, 24 մայիսի
Նյույորքցի նկարիչը ստեղծել է Hermès Birkin-ի հսկայական պայուսակ, որի վրա կարելի է պառկել19:23, 24 մայիսի
Ավստրալիայի ամենահարուստ կնոջը դուր չի եկել նրա դիմանկարը. Նա պահանջել է այն հանել ցուցահանդեսից16:12, 24 մայիսի
Դեմի Մուրը՝ Loewe-ի ցնցող զգեստով15:23, 24 մայիսի
Սթիվեն Սփիլբերգի նոր ֆիլմը էկրան կբարձրանա 2026 թվականին14:37, 24 մայիսի
Աշխարհի ամենաթանկ փետուրը Նոր Զելանդիայում կայացած աճուրդում վաճառվել է 28400 դոլարով