Ինչո՞ւ են ժամանակի ընթացքում միմյանց սիրող մարդկանց զգացմունքները փոխվում: Հաճախ կանայք դժգոհում են իրենց ամուսիններից ու ճակատագրից: Նրանք չեն սիրում կողակիցներին, բայց, չգիտես ինչու, շարունակում են այդ հարաբերությունները, տառապում սեփական անբավարարվածությունից, սակայն ոչինչ փոխել չեն ուզում:
Ինչո՞ւ են կանայք հարաբերություններ սկսում այն տղամարդու հետ, ում հանդեպ զգացմունքներ չունեն:
Առաջին պատճառ. միայնության վախ
Միայնակ մնալու, որեւէ մեկին պետք չլինելու վախը կարող է վաղ մանկությունից ձեւավորվել: Պատճառները բազմաթիվ են. ծնողները բաժանվել են, հայրը գնացել է ոչ միայն ընտանիքից, այլեւ իր կյանքից, մայրը նրան լքել է կամ քիչ ժամանակ է հատկացրել՝ ավելի շատ զբաղվելով փոքր երեխաներով, աշխատանքով եւ այլն: Մեծանալով՝ աղջիկը ենթագիտակցորեն լքված լինելու վախ է ունենում, եւ որպեսզի խուսափի դրանից, պատրաստ է հարաբերություններ սկսել ցանկացած տղամարդու հետ, ում կհանդիպի կյանքում:
Այս բոլոր վախերը հանգեցնում են ինքնագնահատականի նվազմանը, ինչի արդյունքում դժվար է հավատալ, որ ինքն ավելիին է արժանի: Արդյունքում նա չի փնտրելու իր երազանքների տղամարդուն (այդ կերպարի բացակայության հետեւանքով): Նա պատրաստ է իր հանդեպ ուշադրություն ցուցաբերած առաջին իսկ տղամարդուն նվիրել իր սիրտը:
Երբ սկսում եք գիտակցել, որ ձեր զուգընկերոջ հանդեպ որեւէ զգացմունք չունեք, այլ նրա հետ ապրելով փորձում եք խուսափել միայնությունից ու ամեն ինչ հանդուրժում եք, ապա պետք է հասկանաք, որ այդ միայն ձեր կյանքն է եւ միայն դուք իրավունք ունեք տնօրինել այն: Եվ եթե ձեզ ինչ-որ բան դուր չի գալիս, կարող եք ամեն ինչ փոխել: Եվ առաջին հերթին պետք է ձեր ինքնագնահատականը բարձրացնեք:
Երկրորդ պատճառ. իմ ընկերներն ու ծնողները հիանում են նրանով
Հարազատների եւ մտերիմների երջանկության մասին հոգ տանելով՝ մենք հաճախ մոռանում ենք մեր մասին: Ինչ-որ բան անելով, անընդհատ հետ նայելով ու շրջապատի կարծիքը լսելով՝ դուք նրանց ձեռքն եք հանձնում ձեր երջանկությունը, իսկ ձեզ դատապարտում եք առանց սիրո կյանքի: Այդ հատկապես կարեւոր է, եթե հարցը ձեր անձնական հարաբերություններին է վերաբերվում:
Պետք է իմանաք, որ զուգընկեր ընտրելիս դո՛ւք պետք է նրա հետ ապրեք, այլ ոչ թե ձեր մայրը կամ լավագույն ընկերուհին: Վախենալով, որ ձեր ընտրությունը չի երաշխավորվի մտերիմ մարդկանց կողմից՝ ինքներդ ձեզ հարցնում եք. ի՞նչ կլինի, եթե ինքնուրույն որոշում կայացնեք: Ձեր հարաբերությունները կվատանան: Այդ դեպքում ստացվում է, որ ոչ ոք ձեզ չի սիրել: Եթե դուք նրանց համար թանկ եք, ապա պետք է հարգեն ձեր ընտրությունը, ընդունեն ձեր որոշումը՝ անկախ նրանից, այդ նրանց դուր է գալիս, թե՝ ոչ: Մարդիկ եսասեր են, ժամանակն է, որպեսզի դուք էլ ձեռք բերեք այդ որակը եւ սկսեք հոգ տանել ձեր մասին:
Երրորդ պատճառ. կախվածություն
Ցավոք՝ մենք ապրում ենք հասարակության մեջ, իսկ այդ նշանակում է, որ բոլորը միմյանցից այս կամ այն պատճառով կախվածության մեջ են: Կախվածությունը կարող է լինել գործնական, ֆինանսական, կեցության վայրի, սեռական եւ այլն: Եթե դուք թույլ եք տալիս տղամարդուն, ով ձեզ հաճելի չէ, վճարել ձեր փոխարեն, ապա նա սկսում է տնօրինել ձեր կյանքը: Դուք նրա համար առարկա եք դառնում, որը նա գնել է: Եթե ձեր ընտրությունը գիտակցված է, ապա դուք ստանում եք այն, ինչին ձգտում էիք: Ավելի վատ է, երբ հանգամանքներն են ստիպում կանանց նման հարաբերությունների զոհ դառնալ:
Ցանկացած իրավիճակից միշտ էլ ելք կա, բայց քչերն են ցանկանում այդ տեսնել: Եթե ցանկանում եք փոխել ձեր կյանքը, ինքներդ ձեզ համար որոշեք, թե ինչումն է կայանում այդ կախվածությունը: Փող: Աշխատանք գտեք, որը թույլ կտա նյութական անկախություն ձեռք բերել: Բնակության վայր: Կրկին պետք է աշխատանք գտնեք, որը ձեզ թույլ կտա բնակարան վարձել: Ընդհանուր գործ: Ընդլայնեք ձեր պարտականությունները կամ պարզապես տարանջատեք բիզնեսը: Բնության մեջ հավասարության օրենք կա. մի տեղում կորցնում եք, մյուսում՝ ստանում ավելին:
Հիշեք, չէ՞ որ մանկության տարիներին երազել եք ինչ-որ բանի մասին: Գուցե ժամանակն է այն իրականացնել, այլ ոչ թե սպասել, որ ձեր փոխարեն այդ մեկ ուրիշն անի:
Չորրորդ պատճառ. վրեժ սիրելիից
Վրեժ լուծելու ցանկությունը բավական ծանրակշիռ փաստարկ է, որպեսզի փչացնեք ոչ միայն ձեր, այլեւ ուրիշի կյանքը: Դուք ո՛չ առաջինն եք, ո՛չ էլ վերջինը, ում սիրտը կոտրել են եւ ցավ պատճառել, սակայն արդյո՞ք այդ առիթ է, որպեսզի հետագայում նույնպես փչացնեք ձեր կյանքը եւ ինքներդ ձեզ զրկեք երջանկությունից: Գուցե ձեր սիրելին գիտակցել է սխալները եւ պատրաստ է շտկել ամեն ինչ, սակայն դուք համառորեն չեք ցանկանում ո՛չ ձեզ, եւ ո՛չ էլ նրան տալ այդ հնարավորությունը եւ շարունակում եք ապրել այն մարդու հետ, ում չեք սիրում: Սա այն դեպքն է, երբ միայնությունը լավագույն ընկերն է: Դուք ժամանակ կունենաք հասկանալու, թե ինչ եք ուզում այս կյանքում:
Ժամանակը բուժում է ցանկացած վերք: Եվ երբ դուք պատրաստ կլինեք հանդիպել նոր սիրուն, այն անպայման կգա:
Հինգերորդ պատճառ. միայնակ լինելը նորաձեւ չէ
Այդ հնարել են կանայք, ովքեր դժբախտ են ամուսնության մեջ: Այդպիսով նրանք փորձում են արդարացնել իրենց սխալները: Անկախ եւ իր ուժերի վրա վստահ կինը հիմա հարգանք է վայելում: Այդպիսի կանայք գիտեն իրենց գինը եւ պատրաստ են սպասել իրենց իրական տղամարդուն:
Սովորեք սիրել եւ վստահել նախ ինքներդ ձեզ: Միայնությունը միշտ չէ, որ վատ է:
Նյութը` man-woman.com.ua կայքի
Հետևեք NEWS.am STYLE-ին Facebook-ում, Twitter-ում և Instagram-ում
23:18, 8 մայիսի
Շամպայն, 24 կարատանոց ոսկուց խնամքի միջոցներ եւ 100,000 դոլարի շքեղություն. հանգստացեք Դուբայի լավագույն հանգստավայրում22:24, 8 մայիսի
Մայքլ Դուգլասը համեմատել է սեքսուալ տեսարանների նկարահանումները իր ծաղկման ժամանակների հետ. «Ես անցել եմ այն տարիքից, երբ պետք է անհանգստանայի»21:11, 8 մայիսի
Աշխարհի նախկին ամենահարուստ մարդը` Ուորեն Բաֆեթ. «Հաջողությունը փողի մեջ չէ, այլ նրանում է, որ սիրված լինեք նրանց կողմից, ում ցանկանում եք սիրել»20:26, 8 մայիսի
Սիլվեստր Ստալոնեի ժամացույցները կհայտնվեն աճուրդում, այդ թվում՝ նրա հավաքածուի «սուրբ գրաալը»19:27, 8 մայիսի
Նյու Յորքի Times Square-ը գլխավորում է աշխարհի ամենավատ զբոսաշրջային վայրերի ցուցակը17:13, 8 մայիսի
Ռուսաստանում բանակցություններ են ընթանում այնտեղ Քանյե Ուեսթի համերգը կազմակերպելու շուրջ16:32, 8 մայիսի
Հիսուս Քրիստոսի մանկության մասին սարսափ ֆիլմ կնկարահանվի15:11, 8 մայիսի
Քլոե Քարդաշյանը պատմել է այն խնդիրների մասին, որոնց բախվել է որդու՝ Թաթումի ծնվելուց հետո15:00, 8 մայիսի
«Եվրատեսիլ 2009»-ի հաղթող Ալեքսանդր Ռիբակը Հայաստանի երգը նշել է, որպես իր ֆավորիտ` իր երաժշտական աջակցությունը հայտնելով «Լադանիվա»-ին14:18, 8 մայիսի
Աննա Վինտուրն արգելել է այս երեք մթերքը մատուցել Met Gala-ին14:00, 8 մայիսի
Հայկական էպոսի հերոսը՝ էլ ավելի գունեղ ու ժամանակակից լուծումներով. կայացավ «Սասունցի Դավիթ» կոմիքսի շնորհանդեսը (ֆոտո)13:21, 8 մայիսի
Ինչպես մայիսի 9-ին քվեարկել «Լադանիվա» խմբի օգտին