Փարիզի Նորաձեւության շաբաթվա վերջին օրը Նորաձեւության այս տան համար իր դեբյուտային հավաքածուն է ներկայացրել Նիկոլա Գեսկյերը, ով նախկինում ղեկավարում էր Balenciaga ապրանքանիշը:
«Այսօր նոր օր է, կարեւոր օր»,- աշուն-ձմեռ 2014/15 սեզոնի ցուցադրության հրավիրատոմսերի վրա գրել էր Գեսկյերը: Հավանաբար, մեր օրերի ամենատաղանդավոր ու պահանջված դիզայներներից մեկը գիտեր, որ Louis Vuitton-ի համար իր առաջին հավաքածուն դառնալու է ֆրանսիական լեգենդար ապրանքանիշի նոր ուղենիշը:
Այն, ինչ Louis Vuitton-ի համար ստեղծել էր Մարկ Ջեյքոբսը, կմնա գլամուրային նորաձեւության սիրահարների հիշողության մեջ: Հիմա Louis Vuitton-ից աղջիկը նոր, թարմ ու երիտասար է դարձել, որն իրենից վանում է սեքսուալությունը, փայլն ու հանդգնությունը: Գեսկյերը ներկայացրել է բավական երիտասարդ հավաքածու՝ հարուստ կարճ, ուղիղ շրջազգեստներով, բարձր գոտկատեղով տաբատներով ու կաշվե բոմբերներով:
Ընդհանրապես սպորտային թեման այս հավաքածուում կարմիր գծի նման է անցնում, բայց Գեսկյերը մանրուքների նկատմամբ իր սիրով street-style-ը մեծ քաղաքների փողոցներից ոչ միայն բեմ է բարձրացրել, այլեւ հիանալի համադրել է սպորտայինն ու կանացիությունը: Եթե կաշվե պիջակներ ու բոմբերներ, ապա միայն նեղ թեւերով եւ ուղիղ ձեւվածով, եթե կարճ շրջազգեստ, ապա տակից սպիտակ դասական վերնաշապիկ կամ բարձր օձիքով բրդյա կամ մետաքսե սվիտեր:
Խոսելով նոր շարքի ոգու մասին՝ հարկ է նաեւ նշել կաշվի ու թավշի գերակշռության մասին: Ամերիկայի հնաբնակների ազգային ու ծաղկավոր նախշերը՝ վրայից կարված գրպաններնով ու օձիքներով, թավշե կիսաճտքավոր կոշիկներն ու աղյուսագույն կարճ կիսաշրջազգեստները հիշեցնում էին XX դարի կեսերի վեսթերնը, բայց այս ամենը՝ կրկին նրբաճաշակ մատուցմամբ:
Balenciaga տան նախկին ստեղծագործական տնօրենը չէր կարող շրջանցել իր համար սովորական ֆուտուրիստական գաղափարները: Այս ձեռագիրը կարելի էր նկատել կաշվի ու մետաքսի համադրությամբ զգեստներում եւ, իհարկե հայտնի մեծ թեւերը, որոնք գերակշռում էին Նիկոլայի նախկին աշխատանքներում:
Հավաքածուն հաջողված էր: Այն անցյալի ու ներկայի ռետրո-գույների հիանալի համադրություն էր:
Գրիգոր Ավետիսյան
Հետևեք NEWS.am STYLE-ին Facebook-ում, Twitter-ում և Instagram-ում
23:35, 21 մայիսի
Կաննում կայացել է Վաչե Թովմասյանի մասնակցությամբ «Անորա» ամերիկյան ֆիլմի ցուցադրությունը23:24, 21 մայիսի
Մարտին Սկորսեզեն դստեր հետ հայտնվել է TikTok-ի հումորային տեսանյութում22:29, 21 մայիսի
Ամերիկուհին, ով պնդում է, որ ամուսնացել եւ բաժանվել է ուրվականից, այժմ որդեգրել է «դիվահար» ծաղրածուի21:04, 21 մայիսի
Wine Story. Ոչ ալկոհոլային գինիներ՝ այս տարվա թրենդը20:24, 21 մայիսի
Անահիտ Սիմոնյանի համարձակ զգեստն ու Ադելի «Easy on me» երգի cover-ը՝ երգչուհու մեկնաբանությամբ (ֆոտո/վիդեո)19:22, 21 մայիսի
«Կարիբյան ծովի ծովահենների» պրոդյուսերը ցանկանում է վերադարձնել Ջոնի Դեփին16:25, 21 մայիսի
Մադոննան հարգանքի տուրք է մատուցել իր «հավերժական մուսա» Ֆրիդա Կալոյին15:23, 21 մայիսի
Jimmy Choo-ն ներկայացրել է Մոխրոտի «բյուրեղյա կոշիկները», որոնց արժեքը 4200 եվրո է14:37, 21 մայիսի
Սքարլեթ Յոհանսոնը ցնցված է արհեստական ինտելեկտի chatbot-ից, որն իր ձայնի նմանակումն է13:50, 21 մայիսի
«Ակվամեն»-ի աստղ Ջեյսոն Մոմոան նոր սեր է գտել13:16, 21 մայիսի
Նիհարած Քրիստինա Ագիլերային կասկածում են Օզեմպիկ օգտագործելու մեջ12:10, 21 մայիսի
Yerevan Gastronomic Days. Հայաստանը՝ համաշխարհային մակարդակի գաստրոնոմիական հարթակ