Արամ MP3-ի «Not alone» երգը շարունակում է «պայթեցնել» «Եվրատեսիլ»-ի Youtube-յան ալիքը: Տեսահոլովակն օրեցօր աննախադեպ ցուցանիշներ է գրանցում: Բացի այդ, բուքմեյքերական հայտնի William Hill գրասենյակն արդեն սահմանել է «Եվրատեսիլ» մրցույթի իր գործակիցները: Արամ MP3-ն «Not alone» երգով ամենաբարձր՝ 2.10 գործակցի է հավակնում:
NEWS.am STYLE-ը ներկայացնում է, թե ինչպես են ընթացել «Not alone» տեսահոլովակի նկարահանումները:
Հիշեցնենք, որ երգի հեղինակն Արամ MP3-ին է, խոսքերինը՝ Գարիկ Պապոյանը, գործիքավորումը կատարել է Լիլիթ Նավասարդյանը, իսկ տեսահոլովակի ռեժիսորը Գրիգոր Գասպարյանն է: Վերջինը մեզ հետ զրույցում պատմեց, թե ինչպես է ստացել առաջարկը եւ ինչպես է ընթացել նկարահանումը. «Առաջարկը հետաքրքրեց միանգամից, քանի որ երգն ինձ շատ դուր եկավ: Չնայած որ քիչ ժամանակ ունեի, որոշեցի նկարել: Միանգամից պատկերացրի, թե ինչ է պետք նկարել: Տեսահոլովակում ամենակարեւորը դերասանների եւ Արամի էմոցիաներն արտահայտելն է: Ասեմ, որ Արամի հետ շատ հեշտ է աշխատելը: Նա, բացի տեսահոլովակում նկարահանվելուց, մեզ հետ միասին մասնակցել է թե՛ դերասաների, թե՛ ավտոմեքենաների ընտրությանը եւ այլ աշխատանքներին»:
Տեսահոլովակը նկարահանվել է երկու օրվա ընթացքում. առաջին օրը՝ Արամ MP3-ի, իսկ երկրորդ օրը՝ դերասանների մասնակցությամբ հատվածները:
«Not alone»-ի մեջ կա շատ էմոցիա: Այն չունի կրկներգ եւ ֆիլմային ձեւաչափով է կառուցված, այսինքն կա խնդիր, խնդրի լուծում: Երգը լսելուց հետո մարդկանց մոտ դրական նստվածք է մնում: Օգտագործել ենք լարային եւ փողային գործիքներ, էլեկտրոնային բիթ: Բավականին շատ ենք աշխատել այս երգի վրա, քանի որ ցանկանում էինք, որ այն լինի անթերի եւ բացթողումներ չլինեին: Ցանկացած նոտա շատ կարեւոր էր թե՛ ոկալի եւ թե՛ գործիքավորման մեջ»,- ասաց Արամը MP3-ին՝ ավելացնելով. «Շատ շնորհակալ եմ Գրիգոր Գասպարյանին, որ համաձայնեց աշխատել մեզ հետ: Նա շատ պրոֆեսիոնալ անձնավորություն է: Բացի այս, նրա հետ շատ հեշտ է աշխատել: Լինելով մեր լավ ընկերը, միանգամից հասկանում է, թե ինչ է մեզ պետք»:
Երգի բնորոշող 3 բառերն են՝ «պայքարի´ր հանուն սիրո»: «Not alone»-ի խորհուրդը այն է, որ տարիների ընթացքում ձեռք բերվածը շատ հեշտ է կորցնելը: Այն պետք է պարզապես կարողանալ պահել:
«Երգի մեջ ընդհանրապես ագրեսիա չկա: Երգի առանձնահատկություններից է, որ այն ո՛չ տարիք է հարցնում, ո՛չ ազգություն: Այս խնդիրը բոլոր մարդկանց մոտ կա: Երգն այնքան էներգիա ունի իր մեջ, որ որոշեցինք այն անպայման ներկայացնել Եվրոպային: Իրականում ստացել ենք այն, ինչ ուզում էինք»,- ասաց Արամը:
Տեսահոլովակում Արամի MP3-ի եւ դերասանների ոճով զբաղվել է նկարիչ-մոդելավորող Արամ Նիկոլյանը:
«Իմ կարծիքով, Արամ MP3-ի տեսքը ստացված կարող ենք համարել, քանի որ այն համապատասխանում է ե՛ւ Արամի կերպարին, ե՛ւ երգի բովանդակությանը: Հագուստը մոդելավորել եմ «Not alone» երգի ներքո: Թե՛ կաշին եւ թե՛ հագուստի վրայի աքսեսուարները այս տարի արդիական են»,- ասաց Արամ Նիկոլյանը:
Արամ MP3-ին, խոսելով իր արտաքինի մասին, ասաց. «Հիանալի աշխատանք է կատարել Նիկոլյանը: Երբ առաջին անգամ տեսա, երկար ժամանակ բերանս բաց էր մնացել (ծիծաղում է)»:
Հիշեցնենք, որ տեսահոլովակը youtube-ում ավելի քան 1միլիոն 300 հազար դիտում ունի:
Միացեք Արամ MP3-ի պաշտոնական էջերին սոցցանցերում`
Facebook.com Official
Twitter.com Official Page
Instagram.com Official Page
Լրագրող՝ Մելինե Տոնոյան
Լուսանկարիչ՝ Արսեն Սարգսյան
Հետևեք NEWS.am STYLE-ին Facebook-ում, Twitter-ում և Instagram-ում
23:18, 6 մայիսի
Daily Express-ը՝ Կիմ Չեն Ընի սեռական կյանքի մասին. 25 կույսերից բաղկացած «Հաճույքների ջոկատ» եւ ուղեկցորդուհիներով լի գնացք22:20, 6 մայիսի
Իտալական ծովափնյա քաղաքը նախատեսում է «մերկ» հարսանիքներ կազմակերպել20:33, 6 մայիսի
Snob. Դիլիջանը, թերեւս, Հայաստանի ամենահանգիստ քաղաքն է19:46, 6 մայիսի
«Imperial Orchestra»-ն Երեւանին զգացմունքների կայսրություն կնվիրի16:25, 6 մայիսի
Պիեռ Յովանովիչը եւ Քրիստիան Լուբուտենը ստեղծել են Red-Bottom աթոռների յուրահատուկ հավաքածու15:06, 6 մայիսի
Քորթնի Քարդաշյանը խոստովանել է, որ ծննդաբերությունից երեք ամիս անց «պատրաստ չի եղել» կիպ զգեստով ֆոտոշարքին14:20, 6 մայիսի
Զենդայան, Ջենիֆեր Լոպեսը եւ Սիեննա Միլլերը՝ Met Gala-ին ընդառաջ կազմակերպված ընթրիքին13:55, 6 մայիսի
Միխայիլ Գալուստյանը 14 կգ նիհարել է՝ հրաժարվելով խորովածից13:16, 6 մայիսի
Նիկոլաս Քեյջի որդուն մեղադրել են սեփական մորը ծեծելու մեջ12:33, 6 մայիսի
Իտալացի մոդելը պնդում է, որ իրեն հեռացրել են 2024 թ-ի Met Gala-ում աշխատանքից, քանի որ ինքն արտաքնապես գերազանցել է Քայլի Ջեններին11:23, 6 մայիսի
Բեյոնսեն ցուցադրել է իր համարձակ կերպարը՝ մերկացնելով հետույքը10:59, 6 մայիսի
Մադոննան պատմություն է կերտում՝ Ռիոյում իր վերջին համերգին ներգրավելով 1,6 միլիոն երկրպագուների