Ծանոթացեք՝ Հունան Խաչատրյանն է. պրիմադոննա Ալլա Պուգաչովայի ամենահայտնի հայազգի երկրպագուն։ Տարիներ առաջ սերը Պուգաչովայի հանդեպ նրան տարավ Մոսկվա, ուր այժմ նա զբաղվում է երգով եւ դերասանական արվեստով։ Նկարահանվում է ֆիլմերում («Цыганский барон», «Трое в коме») եւ զբաղվում պրոդյուսինգով։ NEWS.am STYLE-ի հետ զրույցում Հունանը պատմում է Պուգաչովայի հանդեպ իր մեծ սիրո, Մոսկվա մեկնելու եւ այնտեղ իր գործունեության մասին։
«Երբ լսեցի նրա «Առլեկինո» երգը, զարմացա, որ կինը մեկ երգի մեջ կարող է դնել եւ´ ծիծաղ, եւ՛ լաց ու այդ ամենը ներկայացնել այնպիսի պրոֆեսիոնալությամբ, որ մարդ կարող է միայն ապշել: Այդ պահից սկսեցի հետաքրքրվել նրա արվեստով»,-պատմում է Հունանը։ Նրա խոսքով՝ մի ժամանակ այնքան տարված է եղել պրիմադոննայով, որ իր գրեթե բոլոր հագուստների վրա «Ալլա Պուգաչովա» էր գրված: «Երբ գնում էի հանգստանալու, նրա լուսանկարները եւ ձայնագրություները իմ հետ տանում էի»,-նշում է նա՝ հավելելով, որ իրեն հաջողվել է ձեռք բերել Պուգաչովայի իրերից մի քանիսը։
«Հիմա ինձ մոտ է նրա հովհարը՝ կարմիր փետուրներով, որը նա օգտագործել է «Դորոգոյ» տեսահոլովակում: Ունեմ նաեւ մի վերնազգեստ, որը Պուգաչովան կրել է ամանօրյա հանդիպումների ժամանակ: Այն ինձ նվիրել է Վալերի Լեոնտիեւը: Այն հիմա ինձ մոտ է գտնվում մի բաժակի հետ միասին, որի վրա մնացել է Ալլայի շրթներկը: Դրանք ինձ համար շատ հաճելի նվերներ են, բայց, իհարկե, ամենակարեւորը իմ սերն է դեպի Ալլա Պուգաչովան»,-ասում է Հունանը եւ հավելում. «Ես իմ սիրտը դրել եմ տուփի մեջ ու նվիրել նրան»։
Հունանի խոսքով՝ իրեն դեռ բախտ չի վիճակվել զրուցել պրիմադոննայի հետ, առիթներ եղել են, սակայն չի մոտեցել եւ չի հայտնել Պուգաչովային իր մեծ սիրո մասին։ Ասում է՝ ուզում է նրան զարմացնել։ «Իմ ֆրանսահայ ընկերոջ հետ միասին մի երգ ենք պատրաստում: Նա նաեւ Ալլայի մի քանի երգերի հեղինակն է: Շուտով գալու է Հայաստան, եւ մենք նրա երգերի վերնագրերով մի երգ ենք ձայնագրելու, որպեսզի մեր առաջին հանդիպման ընթացքում ցույց տամ երգչուհուն: Ես գիտեմ, որ կզարմացնեմ, իսկ թե դա ինչպես եմ անելու, գիտեմ միայն ես»:
Նարե Մովսիսյան
Հետևեք NEWS.am STYLE-ին Facebook-ում, Twitter-ում և Instagram-ում
23:05, 1 մայիսի
Ինստասամկան պատմել է ֆիլերներից հետո առաջացած առողջական խնդիրների մասին22:31, 1 մայիսի
Երկար սեւ զգեստ, առատ աքսեսուարներ. «Միսս Աշխարհ Արմենիա 2021» Միրնա Բզդիգյանի նոր ֆոտոշարքը21:15, 1 մայիսի
Նրբակազմ Մալենան՝ նոր՝ «գունատ վարդագույն» կերպարում20:40, 1 մայիսի
Արհեստական ինտելեկտի նոր սահմանները. «Մահվան հաշվիչը» սարսափելի ճշգրտությամբ կանխատեսում է, թե որքան ժամանակ է ձեզ մնացել ապրելու19:19, 1 մայիսի
Wine Story. Գինու միտումներ 2024. ի՞նչ են խմելու գինու սիրահարները17:05, 1 մայիսի
«Հատուկ դասարան»-ից հայտնի Արաքսյա Խաչատրյանը սպասում է առաջնեկին16:12, 1 մայիսի
Franck Muller-ը եւ S.T. Dupont-ը ներկայացրել են Master Lighter կրակայրիչը15:27, 1 մայիսի
Իրինա Շեյքը մերկացել է Marc Jacobs-ի գովազդային արշավի համար14:05, 1 մայիսի
Դերասանուհի Ջուլիա Եղշատյանն ու ամուսինը սպասում են իրենց առաջնեկին13:16, 1 մայիսի
Թոմ Քրուզը «շոյված է» այն մտքից, որ Իրինա Շեյքը հետաքրքրված է իրենով, բայց այս «առաքելությունն անհնարին է»12:22, 1 մայիսի
«Հնդկական հարսանեկան դիմահարդարում»՝ նոր թրենդ Tiktok-ում եւ Instagram-ում. Գոհար Ավեստյանը ներկայացրել է իր տարբերակը11:57, 1 մայիսի
Դիտա ֆոն Թիզը ապացուցում է, որ ժամանակն իր հանդեպ անզոր է