• Միշլենի երկու աստղ ունեցող շեֆ-խոհարար Ֆլորենս Դալիանի գաստրո շոուն «Հայրիկ» Seven Visions Hotels, The Dvin ռեստորանում (ֆոտո/վիդեո)

  42 տարեկանում նա աշխատել է Հոնկոնգի, Շանհայի եւ Լատինական Ամերիկայի լավագույն ռեստորաններում․․․

• Քորթնի Քարդաշյանն իր ընտանիքի համար հայկական ավանդական ընթրիք է կազմակերպել (ֆոտո/վիդեո)

  Ընտանեկան ընթրիք, հայկական ուտեստներ․․․

• Պատրաստում ենք սուրբծննդյան սեղանի գլխավոր կերակրատեսակները

  Հունվարի 6-ին Հայ Առաքելական Սբ. Եկեղեցին տոնում է Հիսուս Քրիստոսի ծնունդը...

• «Ֆանտաստիկ քառյակ». առողջության համար առավել օգտակար խոտաբույսեր եւ համեմունքներ

  Այս խոտաբույսերը եւ համեմունքներն ունեն հակաբորբոքային, հակաքաղցկեղային, հակամանրէային, հակաշաքարախտային ազդեցություն․․․

• Որոնք են սուրբծննդյան սեղանի գլխավոր կերակրատեսակները

  Հունվարի 6-ին Հայ Առաքելական Սբ. Եկեղեցին տոնում է Հիսուս Քրիստոսի ծնունդը․․․

• Վանիլաբույր ամառային համտես-երեկո` ԶԼՄ ներկայացուցիչների ու բլոգերների համար (ֆոտո)

  Ֆրանսիական ամենահայտնի դեսերտներից «Փարիզ բրեստ»-ի հեղինակը ֆրանսիացի հրուշակագործ Լուի Դյուրանդն է...

• Երեւանի ամենաքաղցր խորհրդանիշի հետքերով. «Գրանատուս» (ֆոտոռեպորտաժ)

  Գրանատուսի համն ու որակը գայթակղել են ոչ միայն մեր համաքաղաքացիներին, այլեւ քաղցրասեր զբոսաշրջիկներին...

• Ինչպես պատրաստել մրգային ժելե

  Տորթ ժելեի պատրաստման եղանակը․․․

Բալը շատ օգտակար հատապտուղ է եւ անպայման դրանով պետք է մուրաբա պատրաստել՝ որպես ձմռան պաշար։ Եթե Դուք բալի մուրաբա դեռ չեք պատրաստել, ապա պահը բաց մի թողեք եւ սկսեք։

Բալի մուրաբան անհավանական օգտակար եւ համեղ է։ Շատ տնտեսուհիներ այն տարբեր ձեւերով են պատրաստում, ինչը զարմանալի չէ։ Ինչքան շատ մուրաբա, այնքան շատ կարծիքներ ու պատրաստման եղանակներ, այնպես չէ՞։ Մենք կարողացել ենք հավաքել ամենահամեղ եւ յուրահատուկ բաղադրատոմսերը բալի մուրաբա պատրաստելու համար եւ մեծ ուրախությամբ կիսվում ենք Ձեզ հետ։

Առաջ ընկնելով ասենք, որ բալն ինքնին շատ օգտակար հատապտուղ է, այդ պատճառով դրանից մուրաբա չպատրաստելը պարզապես անմտություն է։ Այն կարելի պատրաստել եւ կորիզով, եւ առանց դրա՝ պարզապես պետք է ավելացնել ջուր, շաքարավազ եւ այլ մրգեր ու հատապտուղներ։ Ձմռանը առանց կորիզի բալի մուրաբան հիանալի բաղադրիչ կարող է լինել բալով տորթ պատրաստելու համար։ 

Բալի մուրաբա պատրաստելու յուրահատկությունները

Ինչպես արդեն նշել ենք, բալի մուրաբայի պատրաստման եղանակը նույն է, ինչ ցանկացած կորիզավոր հատապտղի մուրաբայինը։ Նման մուրաբաները լինում են երկու տեսակի՝ կորիզավոր եւ առանց կորիզի։ Անկասկած, կորիզները հանելու համար մեծ համբերատարություն է պետք, կամ էլ հատուկ սարք, որը արագ կհեռացնի կորիզները։ Ընդունված է այն կարծիքը, որ առանց կորիզի բալի մուրաբան ավելի համեղ եւ բուրավետ է։ Ինչպիսին էլ որ լինի առաջարկում ենք մի քանի հետաքրքիր բաղադրատոմսեր։

Բալի մուրաբայի օգտակար հատկությունները

Պարզվում է, որ բալի մուրաբան ոչ միայն համեղ է, այլեւ անհավանականորեն շատ օգտակար է։ Բալը ինքնին՝ այդ թվում նաեւ մուրաբան, բարելավում է սիրտ-անոթային համակարգի աշխատանքը եւ նվազեցնում հիվանդությունների առաջացման վտանգը։ Բալի կանոնավոր օգտագործումը օրգանիզմը մաքրում է ճարպային կուտակումներից, նվազեցնում խոլեստերինի մակարդակը եւ մեղմում պոդագրայի եւ ռադիկուլիտի հետեւանքով առաջացած ցավերը։ Բալի մուրաբան նաեւ հակաբորբոքային միջոց է։ Ինչպես ազնվամորու մուրաբան, այնպես է բալինը շատ օգտակար է մրսածության ժամանակ։

Կորիզներով բալի մուրաբա

Կորիզներով բալի մուրաբա պատրաստելու համար Ձեզ անհրաժեշտ են ընդամենը երկու բաղադրիչ՝ բալ եւ շաքարավազ։ Դրանք օգտագործվում են 1:1 չափաբաժինով։ Բալը լցնում եք ջրի մեջ եւ թողնում մի որոշ ժամանակ։1կգ շաքարավազի համար անհրաժեշտ է մեկ բաժակ ջուր։ Պետք է շաքարավազի վրա ջուր լցնել եւ օշարակ պատրաստել, բայց այնպես, որ շաքարը լիովին լուծվի։ Հետո եռացած օշարակի մեջ լցնում եք բալը, իսկ վառարանն անջատում։ Ստացված զանգվածը պետք է թողնել 6 ժամ, իսկ իդեալական կլինի եթե այն մնա 8 ժամ։ Հետո քաղցր օշարակը եւ բալը առանձնացնում եք, օշարակը եռման աստիճանի հասցնում, եւս մեկ անգամ լցնում բալը եւ նորից եռացնում։ Հետո կրկին անջատում եք վառարանը եւ սպասում մի քանի ժամ։
Երրորդ՝ վերջին, փուլում մուրաբան եռացնում եք մարմանդ կրակի վրա եւ սպասում մինչեւ պատրաստ լինելը։ Իսկ ինչպե՞ս հասկանալ, որ մուրաբան պատրաստ է։ Շատ հեշտությամբ. այն պետք է հոսի։ Հետո պատրաստված մուրաբան լցնում եք ապակե տարաների մեջ, պահածոյացնում դրանք եւ թողնում, որ մուրաբան սառչի ու պահում նկուղում կամ պահոցներում եւ սպասում ձմռան գալուն։ Իհարկե, կարելի է նաեւ ավելի շուտ բացել, ո՞վ է Ձեզ արգելում։ 

Հինգ րոպեանոց, առանց կորիզի բալի մուրաբա

Առանց կորիզի բալի մուրաբա պատրաստելու համար անհրաժեշտ է 1,7 կգ. բալ եւ 700-800գր. շաքարավազ։ Լվանում եք բալը, հանում կորիզները։ Բալը լցնում եք շաքարավազի մեջ եւ խառնում։ Պետք է սպասել մի որոշ ժամանակ, որ հյութը դուրս գա։ Այնուհետեւ, բալը դնում եք մարմանդ կրակի վրա եւ սպասում մինչ եռման աստիճանի հասնելը՝ խառնելով ժամանակ առ ժամանակ։ Եռալուց հետո, պետք է 5 րոպե եփել՝ առաջացած փրփուրը հեռացնելու համար։ Այնուհետեւ, հանում եք այն վառարանի վրայից եւ թողնում 5 րոպե, որպեսզի մի փոքր զովանա։ Այս նույն գործընթացը կրկնում ենք եւս մեկ անգամ եւ երրորդ անգամ եռալուց հետո լցնում ստերիլ տարաների մեջ եւ փակում մետաղական կափարիչներով։ Թողեք, որ տարաներում առկա  մուրաբան զովանա եւ պահեք մի մեկուսի վայրում՝ որպես ձմռան պաշար։
Այժմ պա՞րզ էր, թե ինչու է այս բաղադրատոմսը կոչվում հինգ րոպեանոց։ Մուրաբան եփում են մի քանի անգամ հինգ-հինգ րոպեներով։

Աղբյուրը՝ Vegetarian.ru

Հետևեք NEWS.am STYLE-ին Facebook-ում, Twitter-ում և Instagram-ում