Երբեք չէի մտածի, որ համաշխարհային քաղաքականությունը կարող է երրորդ ավելորդը դառնալ ամուսնական հարաբերություններում։ Սակայն հեռավոր Ուկրաինայում տեղի ունեցող դեպքերը ցույց տվեցին, որ կյանքը կարող է անսպասելի եւ տհաճ անակնկալներ մատուցել։ Քաղաքականությունը հանկարծ խցկվեց մեր ամուսնական կյանք։ Շատերը կմտածեն, որ ես չափազանցնում եմ, բայց ավաղ, այս աղետի մասշտաբները օրեցօր ավելի ու ավելի են մեծանում։ Ուկրաինական դեպքերի գրեթե հենց սկզբից ինձ «նստացրեցին» սեռական դիետայի՝ չնայած իմ դժգոհություններին ու խռովությանը։
Իմ ամուսինը միշտ էլ հետաքրքրվել է քաղաքականությամբ, սակայն չափի մեջ։ Ուկրաինական ճգնաժամը նրան պարզապես խենթացրել է։ Նա անընդհատ թերթ է կարդում, լուրերին հետեւում, ինտերնետում կարդում դրան վերաբերող հոդվածները։ Այնպիսի տպավորություն է, որ նա ապրում է ոչ թե Հայաստանում, այլ Ուկրաինայում։ Տանը բոլոր խոսակցությունները բացառապես Ռուսաստանի եւ Ուկրաինայի մասին են։ Իրավիճակն էլ ավելի է բարդանում այն հանգամանքի պատճառով, որ իմ ամուսինը, ինչպես հիմա ասում են, Ռուսատանի կողմնակից է, իսկ ամուսնուս եղբայրը՝ ընդհակառակը։ Քաղաքական բարձրաձայն քննարկումները, սովորական երեւույթ են դարձել մեր տանը։ Երբեմն նույնիսկ ինձ թվում է, որ շուտով հարազատ եղբայրները իրար կսպանեն, կամ նյարդային խանգարումներով կհայտնվեն հիվանդանոցում։ Իմ ամուսինը անգամ անկողնում մտածում է այդ անիծյալ Ուկրաինայի մասին։ Ոչինչ չի ազդում. ինչքան եմ փորձել նրան հանգստացնել, խելքի բերել. անօգուտ է։ Մենք գրեթե սեռական կյանք չունենք։ ես արդեն խելագարվում եմ։ Սկզբում փորձեցի նրա հետ խոսել, հետո գայթակղել. չէ՞ որ ես նորմալ, առողջ կին եմ։ Պատկերացրեք լողասենյակից լրիվ մերկ դուրս եմ գալիս, եւ ոչ մի ռեակցիա, քանի որ թարմ նորություններ են հրապարակվել։ Երբեք չէի կարող պատկերացնել, որ իմ եւ ամուսնուս միջեւ կարող է կանգնել Ուկրաինան։ Մենք այնտեղ նույնիսկ ծանոթ կամ բարեկամ չունենք։ Իսկ իմ փաստարկներին նա պատասխանում է, որ ես ոչինչ չեմ հասկանում։ Ինչ էլ, որ այնտեղ կատարվի, մի բան կարող եմ ասել, եթե այսպես շարունակվի, իմ համբերության բաժակը կարող է լցվել. այն արդեն համարյա մինչեւ վերջ լցված է։
Այնուամենայնիվ, տղամարդիկ շատ տարօրինակ էակներ են։ Այնպիսի տպավորություն է , որ նրանք ինչ-որ առիթ են փնտրում ամեն ինչ ավելի բարդացնելու եւ խճճելու համար։ Եվ այս ամենն այնպիսի եռանդով են անում, որ սկսում ես նախանձել։Երբ ես նայում եմ, թե ինչպես է իմ ամուսինը մեկնաբանում նորությունները կամ իր տեսակետը հայտնում եղբոր հետ վիճելու ժամանակ, ցանկություն է առաջանում, որ նա այդ եռանդն ու էներգիան մեկ այլ տեղ օգտագործի։ Իսկ ամենազարմանալին այն է, որ այս ամենը չի կարող շարունակվել ու սահմանափակվել քննարկումներով եւ ջղաձգումներով։ Իմ ամուսինը հիմար չէ, եւ նա պետք է հասկանա, որ իր անհանգստությունն ու վրդովմունքը մի գրոշի արժեք չունեն։ Նա ոչ արքա է, ոչ էլ աստված, որ կարողանա աշխարհը փոխել։ Ընդ որում, նա մոռանում է, որ նա միգուցե եւ արքա եւ աստված է իր կնոջ ու ընտանիքի համար, ովքեր կարոտում եւ տառապում են, որ նա իր նախապատվությունը տալիս է քաղաքականության խարդավանքներին։ Սա՞ է պակասում նման տղամարդկանց։ Ի՞նչն է պակասում իմ ամուսնուն։ Նա ունի լավ ընտանիք, գեղեցիկ եւ խելացի կին, լավ աշխատանք։ Էլ ի՞նչ է հարկավոր մարդուն երջանիկ լինելու համար։ Ինչու՞ թունավորել սեփական կյանքն ու զրկվել հաճույքներից։ Ես չեմ հասկանում։ Ոչ, վախենամ, որ հենց տղամարդիկ ոչինչ չեն հասկանում... Կարծում եմ, որ պետք է նրան ընտրության առաջ կանցնեցնել՝ կամ ես, կամ Ուկրաինան։
Վարդուհի Օ.
Հետևեք NEWS.am STYLE-ին Facebook-ում, Twitter-ում և Instagram-ում
23:18, 6 մայիսի
Daily Express-ը՝ Կիմ Չեն Ընի սեռական կյանքի մասին. 25 կույսերից բաղկացած «Հաճույքների ջոկատ» եւ ուղեկցորդուհիներով լի գնացք22:20, 6 մայիսի
Իտալական ծովափնյա քաղաքը նախատեսում է «մերկ» հարսանիքներ կազմակերպել20:33, 6 մայիսի
Snob. Դիլիջանը, թերեւս, Հայաստանի ամենահանգիստ քաղաքն է19:46, 6 մայիսի
«Imperial Orchestra»-ն Երեւանին զգացմունքների կայսրություն կնվիրի16:25, 6 մայիսի
Պիեռ Յովանովիչը եւ Քրիստիան Լուբուտենը ստեղծել են Red-Bottom աթոռների յուրահատուկ հավաքածու15:06, 6 մայիսի
Քորթնի Քարդաշյանը խոստովանել է, որ ծննդաբերությունից երեք ամիս անց «պատրաստ չի եղել» կիպ զգեստով ֆոտոշարքին14:20, 6 մայիսի
Զենդայան, Ջենիֆեր Լոպեսը եւ Սիեննա Միլլերը՝ Met Gala-ին ընդառաջ կազմակերպված ընթրիքին13:55, 6 մայիսի
Միխայիլ Գալուստյանը 14 կգ նիհարել է՝ հրաժարվելով խորովածից13:16, 6 մայիսի
Նիկոլաս Քեյջի որդուն մեղադրել են սեփական մորը ծեծելու մեջ12:33, 6 մայիսի
Իտալացի մոդելը պնդում է, որ իրեն հեռացրել են 2024 թ-ի Met Gala-ում աշխատանքից, քանի որ ինքն արտաքնապես գերազանցել է Քայլի Ջեններին11:23, 6 մայիսի
Բեյոնսեն ցուցադրել է իր համարձակ կերպարը՝ մերկացնելով հետույքը10:59, 6 մայիսի
Մադոննան պատմություն է կերտում՝ Ռիոյում իր վերջին համերգին ներգրավելով 1,6 միլիոն երկրպագուների