Վերջին տարիներին մայրաքաղաքի վաճառասեղաններում հայտնվել է մի շատ օգտակար եւ համեղ մթերք, որը հայերն անտեսում են՝ տեղեկացված չլինելով դրա սննդարության եւ վիտամիններով հարուստ լինելու մասին։ Խոսքը բրոկոլիի մասին է, որը հայտնի էր դեռեւս 2000 տարի առաջ։
Բրոկոլին պարունակում է բջջանյութ, կալիում, ֆոսֆոր, մագնեզիում, երկաթ, ցինկ, մանգան, ծծումբ, վիտամիններ С, В1, В2, В5, В6, РР, Е, К, եւ պրովիտամին А։ Բրոկոլին նաեւ օրգանիզմը հարստացնում է վիտամին РР, U եւ բետա-կարոտինով։ Այն նաեւ լի է հանքային աղերով եւ սպիտակուցներով։ Այս ամեն հետ մեկտեղ այս մթերքը բավականին քիչ կալորիականություն ունի՝ ընդամենը 34 կալորիա 100 գրամում։ Այն նաեւ հիանալիորեն հագեցնում է ախորժակը։
Ի դեպ, ասեմ, որ այս մթերքն ունի նաեւ մեկ այլ առավելություն՝ այն շատ արագ պատրաստվող է։ Պետք է հիշել, որ բրոկոլին չի կարելի երկար եփել, քանի որ այն պետք է պահպանի իր գեղեցիկ կանաչ գունավորումն ու մի քիչ խրթխրթա ատամի տակ։
Այժմ Ձեզ եմ ուզում ներկայացնել բրոկոլիով պատրաստվող ուտեստների մի քանի բաղադրատոմս.
Բրոկոլիով տաք աղցան կապույտ պանրով. անհրաժեշտ են՝ ընկույզ, սոխ, սխտոր, չերի-լոլիկ, Ռոկֆոր պանիր, մի քիչ քերած պարմեզան, կարմիր պղպեղ (եթե ցանկանում եք, որ աղցանը կծու լինի, ապա կարող եք չիլի օգտագործել)։ Սոխն ու սխտորը պետք է կտրատել եւ տապակել ձիթապտղի յուղի մեջ եւ ավելացնել սպիտակ չոր գինի։ Կտրատված պղպեղը պետք է շոգեխաշել 5-7 րոպե։ Բրոկոլին անհրաժեշտ է լվանալ, առանձնացնել ծաղկաբույլերը, եւ 8 րոպե թողնել աղով եռացող ջրի մեջ։ 8 րոպե անց պետք է կաթսան ջրքամել, իսկ բրոկոլիները լցնել աղցանամանի մեջ, ավելացնել կարմիր պղպղեղի, սոխ ու սխտորի զանգվածը, չերի-լոլիկն ու երկու մասի կիսած չիլին։ Ընկույզը պետք է մի փոքր տաքացնել եւ լցնել աղցանի մեջ, ավելացնել քերած պարմեզանը։ Այս ամենը մի լավ խառնելուց հետո վերին շերտի վրա պետք է դնել կտրատած կապույտ պանիրը։
Երկրորդ բաղադրատոմս. կտրատել սոխն ու սխտորը եւ տապակել։ Ավելացնել բրոկոլին եւ լցնել սպիտակ չոր գինի. այս ամենը 5 րոպե շոգեխաշել մարմանդ կրակի վրա։ Ստացված զանգվածին պետք է ավելացնել կտրատված կարմիր պղպեղն ու շամպինիոն սունկը։ Անհրաժեշտ է շոգեխաշել եւս 5 րոպե եւ ավելացնել քերած պարմեզան պանիրն ու ձուն։ Այս հագեցնող ճաշատեսակն արդեն պատրաստ է։ Եթե մսակեր եք, ապա կարող եք նաեւ տավարի միս ավելացնել, սակայն մինչ թավայի մեջ լցնելը պետք է միսը խաշել, կտրատել եւ հետո ավելացնել բանջարեղենի մեջ։
Բրոկոլիով թխվածքաճաշ. բրոկոլին 2 րոպե պետք է եփել, լցնել քամիչի մեջ, որպեսզի ավելորդ ջուրը դուրս գա։ Մոցարելա պանիրը (ի դեպ, մոցարելայի փոխարեն կարող եք տեղական Լոռի պանիր վերցնել), խոզապուխտը եւ սոխը պետք է կտրատել։ Բոլոր մթերքները պետք է միասին լցնել թխվածքաճաշի պատրաստման համար նախատեսված տարայի մեջ, որը նախօրոք պետք է ձիթապտղի յուղով պատել։ Մեկ ձուն անհրաժեշտ է հարել աղացած սեւ պղպեղով եւ հավասարապես լցնել թխվածքաճաշի տարայի մեջ։ 35-45 րոպե եփելուց հետո թխվածքաճաշը ոսկեգույն երագավորում է ստանում։ Ուտեստը պատրաստ է. բարի ախորժակ։
Յուլիա Վարդանյան
Հետևեք NEWS.am STYLE-ին Facebook-ում, Twitter-ում և Instagram-ում
17:13, 8 մայիսի
Ռուսաստանում բանակցություններ են ընթանում այնտեղ Քանյե Ուեսթի համերգը կազմակերպելու շուրջ16:32, 8 մայիսի
Հիսուս Քրիստոսի մանկության մասին սարսափ ֆիլմ կնկարահանվի15:11, 8 մայիսի
Քլոե Քարդաշյանը պատմել է այն խնդիրների մասին, որոնց բախվել է որդու՝ Թաթումի ծնվելուց հետո15:00, 8 մայիսի
«Եվրատեսիլ 2009»-ի հաղթող Ալեքսանդր Ռիբակը Հայաստանի երգը նշել է, որպես իր ֆավորիտ` իր երաժշտական աջակցությունը հայտնելով «Լադանիվա»-ին14:18, 8 մայիսի
Աննա Վինտուրն արգելել է այս երեք մթերքը մատուցել Met Gala-ին14:00, 8 մայիսի
Հայկական էպոսի հերոսը՝ էլ ավելի գունեղ ու ժամանակակից լուծումներով. կայացավ «Սասունցի Դավիթ» կոմիքսի շնորհանդեսը (ֆոտո)13:21, 8 մայիսի
Ինչպես մայիսի 9-ին քվեարկել «Լադանիվա» խմբի օգտին13:17, 8 մայիսի
«Ուենսդեյ» սերիալի երկրորդ եթերաշրջանի նկարահանումները սկսվել են12:34, 8 մայիսի
Ջեսիկա Բիլը Met Gala-ից առաջ 9 կգ աղով լոգանք է ընդունել11:23, 8 մայիսի
Քիմ Քարդաշյանը բացահայտել է Met Gala-ում իր սենսացիոն տեսքի գաղտնիքները10:46, 8 մայիսի
Շակիրան Met Gala-ի after-pary-ին ներկայացել էր ատլասե սպիտակ զգեստով10:17, 8 մայիսի
Meta Gala 2024-ի after-party-ն. «մերկ» հանդերձանքներ եւ վայրի պարեր