Հայտնի ամերիկացի երգչուհի եւ դերասանուհի Շերը (Շերիլին Սարգսյան) եւ բեմի մեկ այլ աստղ Լանա Դել Ռեյը երգել են ռուսաստանյան «Անժի» ֆուտբոլային ակումբի սեփականատեր, գործարար Սուլեյման Քերիմովի ամանորյա կորպորատիվ երեկույթի ժամանակ: Երեկույթը տեղի է ունեցել Մոսկվայում, «Եվրոպեյսկի» առեւտրային համալիրում:

Ինչպես հաղորդում է newsru.com-ը, բացի Շերից հյուրերին զբաղեցրել է նաեւ ամերիկյան պոռնոաստղ Չելսի Չարմսը, ով 24-կիլոգրամանոց սիլիկոնե կուրծք ունի: Չարմսի գլխավոր համարը եղել է այն, որ նա իր կրծքով սկսել է կոտրել ձմերուկներն ու գարեջրի շշերը:

66-ամյա Շերը Մոսկվա է ժամանել իր ելույթից 3 օր առաջ եւ հասցրել է Մեծ թատրոնում դիտել «Սառցե լիճը»: Իր Twitter-ում երգչուհին գրել է. «Որքան հրաշալի էր: Պրիմա բալետի պարուհին շքեղ ու հիասքանչ էր: Նա պարզապես կուրացած էր»:

Շերը հյուրերին 10 հիթերից բաղկացած շլացուցիչ շոու է ներկայացրել, նույնքան անգամ էլ փոխել է հագուստը:

Հետևեք NEWS.am STYLE-ին Facebook-ում, Twitter-ում և Instagram-ում