• «Խաչմերուկներ» միջազգային փառատոնը հատեց եզրագիծը

  «Խաչմերուկներ․ ժամանակակից երաժշտության օրեր Հայաստանում» միջազգային փառատոնը հատեց եզրագիծը...

• Կապուչինոյի փորձարկում՝ Երեւանում. փնտրում ենք համեղ սուրճ

  Երեւանն իր յուրահատուկ մթնոլորտով եւ սուրճի հարուստ մշակույթով լայն ասպարեզ է՝ անուշաբույր ըմպելիքի սիրահարների համար բազմաթիվ առաջարկներով․․․

• «Հովեր» երգչախմբի առաջիկա համերգը նվիրված է Հակոբ Հակոբյանի 100-ամյակին

  Կամերային երաժշտության ազգային կենտրոնի, Երեւանի ժամանակակից արվեստի թանգարանի եւ «Հովեր» պետական կամերային երգչախմբի համատեղ ջանքերով…

• «Պետք է կարողանանք լսել, որ չմնանք «փահլեւան»–ի կարգավիճակում»․ Ռաֆայել Երանոսյանի նոր մոնոներկայացման պրեմիերան (Ֆոտո)

  Դերասան, հումորիստ Ռաֆայել Երանոսյանը հանդես է գալիս արդեն 3-րդ մոնոներկայացմամբ․․․

• Հայկական հարսանիքի ավանդույթների հետքերով․ «7 օր, 7 գիշեր» ֆիլմի պրեմիերան՝ Երեւանում

  Արտահանել հայկական մշակույթն ու հայկական հարսանիքի ավանդույթը՝ այլ երկրներ․ այս մասին է նոր՝ «7 օր, 7 գիշեր» ֆիլմը...

• «Եվրատեսիլ 2024»-ում Ֆրանսիայի ներկայացուցչի արխիվային լուսանկարը Երեւանում՝ հայկական տարազով․ երգիչը մասնակցել է Շառլ Ազնավուրին նվիրված համերգին

  «Եվրատեսիլ 2024»-ում Ֆրանսիան ներկայացնող Սլիմանն իր «Mon amour» երգով սիրվեց հայ հեռուստադիտղի կողմից, իսկ մեր ազգային ժյուրին նրան շնորհեց ամենաբարձր՝ 12 միավորը...

• «Հրաշալի երեկո է լինելու»․ Անդրեա Մորիկոնեի ուղերձը՝ Երեւանում Էնիո Մորիկոնեի հեղինակային ծրագրին նվիրված համերգին ընդառաջ

  Օսկարակիր կոմպոզիտորի գլուխգործոցները կհնչեն Roma Sinfonietta նվագախմբի կատարմամբ, նրա որդու՝ դիրիժոր՝ Անդրեա Մորիկոնեի ղեկավարությամբ...

• Նախաճաշ Երեւանում՝ մինչեւ 10 դոլար հասնող մենյուով

  Երեւանի խիտ զարկերակում, որտեղ օրը սկսվում է փողոցների հանդարտ ու դանդաղ զարթոնքով, երբեմն ուզում ես նախաճաշել ինչ-որ հարմարավետ հաստատությունում՝ լսելով հաճելի երաժշտություն եւ ներշնչելով եփած սուրճի թարմ բույրը․․․

Ես ռուսաստանյան հեռուստաալիքներ չեմ դիտում. խնայում եմ նյարդերս։ Սակայն Համացանցում պատահաբար տեսնելով Գյումրիի բնակչուհու՝ Անդրեյ Մալախովի «Пусть говорят» հաղորդմանը վերաբերող նամակը՝ որոշեցի մի կողմ թողնել իմ հակակրանքը եւ դիտել ռուսաստանյան ժամանակակից հեռուստատեսության այս «գլուխգործոցը»։ Լինելով 15 տարվա աշխատանքային փորձ ունեցող լրագրող՝ ինձ թվում էր, որ բացահայտ եւ լկտի ցինիզմի դրսեւորումներով ինձ այլեւս չեն զարմացնի, քանի որ տարիների ընթացքում արդեն իմունիտետ եմ ձեռք բերել։ Սակայն ռուսաստանյան «Առաջին ալիքը» վաղուց արդեն սահմանել է ցինիզմի եւ կեղծ քարոզչության համաշխարհային բոլոր ռեկորդները։ Այս հեռուստաալիքը վստահաբար կարող է հավակնել ամենաէժան, պոռնոգրաֆիայի երանգներով, բացահայտ «դեղին» հեռուստաընկերությունների վարկանիշային աղյուսակի առաջին տեղին։ Իսկ «Пусть говорят» հաղորդումը նախատեսված է միջին վիճակագրական «быдло»-ի համար։ Հենց այդպիսինն են նաեւ դրա հաղորդավարը, հյուրերը եւ հանդիսատեսը։

«Առաջին ալիքը», որը նախընտրեց լռել Գյումիրում գազանաբար կատարված դաժան ողբերգության մասին, հունվարի 14-ին՝ սպանվածների հոգեհանգստի օրը, եթեր է հեռարձակում մի հաղորդում, որտեղ հայերին ներկայացնում են որպես սարերից իջած վայրենիների։

Մալախովը շատ սիրալիր ձայնով բարբառում է Կրասնոդարի երկրամասում հայերի միջեւ ծագած վիճաբանության մասին։ Ոմն Զավեն պաշտպանել է ռուս ընկերուհուն իր հայրենակիցներից, ինչի արդյունքում վիճաբանություն է սկսվել, որն էլ վերածվի է կռվի։ Ոստիկանների լեզվով ասած՝ «бытовуха» (կենցաղային վեճ)։ Բայց այս հասարակ փողոցային վիճաբանությունից ի՜նչ ուռճացված շոու էր կազմակերպել Մալախովը, եւ այս ներկայացման բոլոր հերոսները պարզապես գարշանք էին առաջացնում։ «Վայրենի» հայերին քննադատում էին «քաղաքակիրթ» ռուսները, ամոթանք եւ խորհուրդներ տալիս։ Եվ այս ամենը եթեր է հեռարձակվում Գյումրիում կատարված ողբերգության ֆոնի վրա։ Հանդիսատեսի շարքերում նստած մի կին վրդովված բացականչում է. «Հայեր, մի՞թե չեք ամաչում»։ Եվ ստանում պատասխանը՝ «ինչի՞ համար»։ Մի խոսքով, այս «ներկայացման» իմաստն ու նպատակը պարզից էլ պարզ էր. «ինչ սովորել այս  կովկասյան վայրենիներից. նրանք անգամ նորմալ ռուսերեն չեն կարողանում խոսել»։ Ահա հենց սա էր այս ամբողջ «շոուի» ենթատեքստը։ Ռուսաստանցիներին (բնականաբար, բացառապես սլավոնական ծագում ունեցողներին) ենթագիտակցաբար, կաթիլ առ կաթիլ փորձում են ներշնչել իրենց «գերազանցության» մասին՝ բացահայտ ռասիզմ հրահրելով եւ առանց ամաչելու ֆաշիզմ քարոզելով։ Եվ այս ամենը շատ ավելի հեշտ է անել «быдло» հեռուստաընկերության ոճով, քանի որ «быдло»-ն ունակ չէ մտածել, այն կենդանու նման խժռում է ամեն ինչ՝ լինի դա հնդկաձավար, թե ֆուա գրա։ Ավելին, Ռուսաստանում ֆուա-գրա ուտելն արդեն իսկ հայրենասիրական չէ։

Շատ հետաքրքիր է, «Առաջին ալիքի» ղեկավարությունը չի՞ ամաչում նման բացահայտ ցինիզմի եւ հակահայկական քարոզչության համար, չե՞ք ամաչում ձեր զինվորի համար, ով կրակել է քնած ընտանիքի, այդ թվում՝ երկու փոքրիկ երեխաների վրա։ Ո՞չ, խիղճ անունով ոչինչ չի՞ շարժվում այնտեղ՝ ձեր ներսում։ Մի՞թե Մալախովը չի ամաչում ոչ պրոֆեսիոնալ աշխատանքի համար, մի՞թե նրան դուր է գալիս «быдло»-ի կուռք լինելը։

Իսկ Մալախովի պատասխանը շատ հակիճ էր. «Եթերի հեռարձակման օրը պատահաբար էր համընկել. տվյալ հաղորդումը հեռուստացանցում եղել է դեռեւս 10.01.15-ին»։

Մալախովի ներողությունն ու պնդումները, որ եթերը «պատահաբար» էր համընկել, ոչ մի գրոշի արժեք չունեն։ Հաշվի առնելով այն փաստը, որ սպանությունը կատարվել է հունվարի 12-ին՝ ցանկության դեպքում կարելի էր հետաձգել հեռարձակումը։

Իսկ մյուս կողմից մեղավոր ենք նաեւ մենք. ավելի ճիշտ՝ մեր ղեկավարները։ Հենց նրանք են թույլ տվել եւ շարունակում են թույլ տալ ուրիշներին նվաստացնել սեփական ազգին՝ տալով «Տհաճ էր, բայց...» ոճի երկարաշունչ բացատրություններ։

Յուլիա Վարդանյան

Հետևեք NEWS.am STYLE-ին Facebook-ում, Twitter-ում և Instagram-ում