• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Դերասանուհի, երգչուհի Իվետա Եդիգարյանը, ով երկար ժամանակ է, ինչ բնակություն էր հաստատել ԱՄՆ-ում, վերադարձել է Հայրենիք: NEWS.am STYLE-ը զրուցել է նրա հետ իր ներկայիս գործունեության, ամուսնուց բաժանվելու, ամերիկյան կյանքի եւ երազանքների մասին:

Ողջույն, Իվետա: Ե՞րբ եք վերադարձել Հայաստան եւ ինչու՞:

Հայաստան եմ վերադարձել ամռանը, կարճ ժամանակով էի եկել եւ ոչ մնալու մտադրությամբ, սակայն թղթաբանական ինչ-ինչ խնդիրներ առաջացան, եւ ստիպված մնացի:

Այժմ ինչո՞վ եք զբաղված այստեղ:

Այստեղ երգում եմ ակումբներում եւ ռեստորաններում:

Իսկ ցանկություն չկա՞ նոր երգերով, տեսահոլովակներով կամ դերերով վերադառնալ շոու-բիզնես:

Ցանկություն, իհարկե, կա: Մոտ մեկ ամսից հնարավոր է սերիալում խաղալու առաջարկ ստանամ, բացի այդ հանդես կգամ Գոռ Վարդանյանի նոր ֆիլմում: Իսկ ինչ վերաբերում է երգելուն, ապա ցանկությունը շատ մեծ է: Բավականին շատ մտահղացումներ ունեմ, որոնց իրագործումը ֆինանսական հարցերի հետ է կապված: Ես գտնում եմ, որ սխալ է տարվա մեջ մեկ տեսահոլովակ նկարահանելը: Եթե մեկը նկարահանեցիր, ապա պետք է դա շարունակական լինի: Երբ ԱՄՆ-ում էի, այնտեղ նորմալ էի վաստակում: Այնտեղ էլ երգում էի ակումբներում եւ ռեստորաններում եւ կարող էի ինձ թույլ տալ մեկից ավելի տեսահոլովակ նկարահանել: Բացի այդ, այնտեղ առաջընթացի հնարավորություն կա, իսկ այստեղ պարզապես դոփում ես տեղում:

Այդ դեպքում, ո՞րն էր Հայաստան վերադառնալու պատճառը:

Գիտեք, ես իմ Հայրենիքը շատ եմ սիրում, կարոտը խեղդում է: Այժմ ես երկու քարի արանքում եմ՝ եթե այստեղ էլ այնպիսի պայմաններ լինեն, այնքան գումար վաստակես, որ բավականացնի քո կարիքները հոգալուն, ապա ես չեմ գնա, բայց այսօր մեր երկրի սոցիալական վիճակն այլ է: Ես տեսնում եմ, որ մարդկանց ձեռքը գումար չկա, ինչը ազդում է նաեւ արտիստների աշխատանքի վրա:

Ձեր դուստրը Ձեզ հե՞տ է, թե՞ Ձեր ծնողների մոտ՝ ԱՄՆ-ում:

Ոչ, ինձ հետ է: Նա յոթ տարեկան է եւ ԱՄՆ-ում դպրոց էր հաճախում, սակայն հիմա այստեղ է դպրոց գնում: Ճիշտն ասած, ես չէի ցանկանա, որ դուստրս մեծանար ամերիկյան մթնոլորտում, քանի որ, ամեն դեպքում, այստեղի դաստիարակությունն ուրիշ է:

Այժմ նրան միայնակ եք մեծացնում: Որքա՞ն ժամանակ է, ինչ ամուսնալուծվել եք եւ, արդյոք, երեխայի հայրն օգնում է Ձեզ նրա խնամքի հարցում:

Ամուսնալուծել ենք մոտ երեք տարի առաջ: Աղջկաս ինքս եմ մեծացնում, ոչ մի ակնկալիք չունեմ իրենից, հույսս միշտ ինձ վրա եմ դնում: Լինում է, որ հանդիպում են երեխայի հետ, գնում զբոսանքի, բայց աղջիկս ավելի շատ ինձ հետ է կապված:

Իսկ ցանկություն չկա՞ կրկին ընտանիք կազմելու, կամ միգուցե արդեն գտե՞լ եք Ձեր կեսին:

Դեռ չեմ գտել, բայց ես դեմ չեմ կրկին ընտանիք կազմելուն, պարզապես այս ասպարեզում մարդկանց հավատալը դժվար է, քանի որ շատերը փորձում են քեզ հետ ուղղակի շփվել: Ինձ համար կարեւոր է, որ իմ կողքին լինի խելացի, աշխատասեր, գրատետ մարդ, ով ինձ թիկունք կլինի: Բացարձակ չեմ կարեւորում ֆինանսականը: Ինձ համար կարեւոր է, որ նա լինի վստահելի մարդ, ընդունի ինձ այնպիսին, ինչպիսին ես կամ, որ մենք միասին ստեղծենք ամեն բան, եւ որ փոխադարձ հարգանք լինի, քանի որ ես հասկացել եմ, որ կոնկրետ ինձ մոտ դրանք այնպիսի բաներ չեն, որ ժամանակի հետ լինեն, ես պետք է դա միանգամից զգամ, ինձ մոտ պետք է այդ ռոմանտիզմը, սիրահարվածությունը լինի:

Այս պահին ի՞նչի մասին եք երազում:

Դեռ մանկուց կարիերայի հետ կապված ես մեկ մեծ երազանք եմ ունեցել՝ նկարահանվել գեղարվեստական ֆիլմում, խաղալ բարդ՝ միանգամայն ինձ հակառակ կերպար: Նաեւ երազում եմ խաղալ արտասահմանյան ֆիլմերում: Դա շատ մեծ երազանք է: Ինձ հետաքրքիր է՝ կկարողանա՞մ, արդյոք, խաղալ այս կամ այն դերը, որովհետեւ երբ տարիներ շարունակ չես զբաղվում քո գործով, հետ ես վարժվում, իսկ ես մասնագիտությամբ առաջին հերթին դերասանուհի եմ, կարոտում եմ դերասանի գործունեությունը:

Ինչ վերաբերում է ցանկություններին, ապա դրանք են՝ զբաղվել սիրած գործով եւ ունենալ լավ ընտանիք: Ամեն ինչ կյանքում ժամանակավոր է: Կարող է գալ մի պահ, որ, որպես արտիստ, դու պահանջարկ չունենաս, բայց ունենաս քեզ սիրող մարդիկ, ովքեր քո կողքին կլինեն միշտ: Ես սարսափում եմ միայնությունից:

Զրուցեց՝ Շուշան Շատիկյանը

Հետևեք NEWS.am STYLE-ին Facebook-ում, Twitter-ում և Instagram-ում