Յոթ մահացու մեղքերի մասին բոլորը գիտեն։ Իսկ ինչպե՞ս են դրանք ազդում ընտանեկան կյանքի վրա։ Եկեք փորձենք զերծ մնալ այս մեղքերից եւ պահպանենք ընտանիքի երջանկությունն ու անդորրը։
1. Բղջախոհություն
Բղջախոհությունը սեռական անսանձ ցանկությունն է, որն այսօր բավականին տարածված հարց է։ Բղջախոհությունը կարող է խարխլել ամուսնության հիմքերը։ Ուստի, ամուսինները պետք է առողջ սեռական կյանք վարեն եւ բավարարված լինեն։ Եթե զույգի հարաբերություններում սեքսի պակաս կա, ուրեմն պետք է կիսվել սեռական պատկերացումներով եւ ցանկություններով՝ երջանիկ ամուսնական կյանք վայելելու համար։
2. Ծուլություն
Ծուլությունն անտարբերության քույրն է եւ հարաբերություններում չպետք է անտարբերություն ու ծուլություն լինի։ Ամուսիններից ամեն մեկն իր ուսերին դրված պարտավորությունները պետք է ուրախությամբ կատարի։ Ավելին, պետք է նաեւ ժամանակ հատկացնի զուգընկերոջ համար, կիսվի նրա հետ, լսի նրան, զգա, թե ինչ է ցանկանում։ Հիշեք, որ աշխատանքային ծանր օրվանից հետո ձեր ընտրյալը կարեկցանքի կարիք է զգում։
3. Որկրամոլություն
Որկրամոլությունը վնասակար է ոչ միայն օրգանիզմի համար, այլեւ հարաբերությունների հետագա ընթացքի։ Այսկերպ դուք կորցնում եք ձեր հարգանքը եւ ցավ պատճառում զուգընկերոջը, որը հուսահատվում է, քանի որ չի կարող պայքարել ձեր այս թուլության դեմ։
4. Բարկություն
Բարկությունը եւ դրա արտահայտման մյուս ձեւերը (կատաղություն, ատելություն եւ այլն) նույնպես կարող են բացասական ազդեցություն ունենալ զույգերի հարաբերությունների վրա։ Ամուսինները պետք է համբերատար լինեն, չէ որ բոլորն էլ կարող են սխալվել։ Կյանքին պետք է հումորի տեսանկյունից դիտարկել։ Իրականում ամեն ինչ այդքան վատ չէ, պարզապես հարկավոր է խորը շունչ քաշել եւ առաջ անցնել։
5. Նախանձ
Բավականին վնասակար եւ վտանգավոր սովորություն, որից տառապում է զուգընկերը։ Նախանձ մարդը ոչ միայն ցանկանում է հասնել նրան, ինչը դիմացինը ունի, այլ զրկել նրան այդ ամենից։ Տվյալ պարագայում փոխադարձ հարգանքը մոռացության է մատնվում եւ ընտանիքի երջանկությունն ու անդորրը խաթարվում է։
6. Ագահություն
Ագահությունը նույնպես յոթ մահացու մեղքերից է։ Եթե ընտանիքում զույգերից միայն մեկն է գումար աշխատում, ուրեմն հենց նա էլ ղեկավարում է ընտանեկան բյուջեն։ Իսկ երբ զույգերից երկուսն էլ վաստակում են, սկսում են վերահսկել զուգընկերոջ ծախսերը։ Սակայն ընտանեկան հարաբերությունները երջանիկ կլինեն այն ամուսինները, որոն չեն կենտրոնանում նյութականի վրա։
7. Գոռոզություն
Գոռոզությունը բոլոր մեղքերից ամենամեծն է։ Ոմանք այն համարում են թշնամանքի մի տեսակ։ Գոռոզ մարդը երբեք ներողություն չի խնդրի, ինչը ամուսնական հարաբերություններում կարող է քայքայող ազդեցություն ունենալ։ Ամուսնությունը չի կարող երջանիկ լինել, եթե զուգընկերները պատրաստ չեն փոխզիջման գնալ, ներել, սիրել եւ հարգել միմյանց։ Պետք է սիրելի կին եւ ամուսին ու մտերիմ ընկեր լինել կյանքի ուղեկցի համար։
Աղբյուրը՝ 7 deadly sins in marriage via Клубер
Հետևեք NEWS.am STYLE-ին Facebook-ում, Twitter-ում և Instagram-ում
12:20, 17 մայիսի
«Մեգալոպոլիս»-ի դեբյուտը Կաննում ուղեկցվել է 7-րոպեանոց հոտնկայս ծափահարություններով11:28, 17 մայիսի
«Լադանիվա»-ն ներկայացրել է «Արարատ» հայտնի երգն՝ իր մեկնաբանությամբ (VIDEO)10:05, 17 մայիսի
Մոսկվայում անհետացել է «Папины дочки» հեռուստասերիալի դերասանը09:00, 17 մայիսի
ՄԱՅԻՍԻ 17-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:20, 16 մայիսի
Հայազգի երգչուհի Մարիամ Մերաբովան կոչ է արել ռուսներին չներել Պուգաչովային, որն իրենց ստրուկ է անվանել22:28, 16 մայիսի
Մերիլ Սթրիփը հիշել է, թե ինչպես է նկարահանել վտանգավոր սեքսուալ տեսարանում21:29, 16 մայիսի
«Նոր Ալիք 2024» միջազգային երգի մրցույթում Հայաստանը կներկայացնի Անահիտ Հակոբյանը21:09, 16 մայիսի
HerMine Dialog-ը՝ բացօթյա ձեւաչափով․ երեւանյան բեմում կներկայացվեն հայկական մթերքներով ուտեստներ20:28, 16 մայիսի
InTouch. Աֆլեքն ու Լոպեսը երկու տարվա ամուսնությունից հետո պատրաստվում են ամուսնալուծվել19:04, 16 մայիսի
Ալեքսանդր Դուլին. «Ես անսահման ուրախ եմ Հայաստան վերադառնալու համար»16:12, 16 մայիսի
Բրիթնի Սփիրսի հուզիչ խոստովանությունն իր ընտանիքի մասին՝ տարիներ շարունակվող թշնամանքի ֆոնին15:24, 16 մայիսի
Երգչուհի Վալերիան բացատրել է Բուզովայի կյանքում տղամարդու բացակայության պատճառը