«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Վահե Թիլբյանը` «Եվրատեսիլ 2016»-ին իր մասնակցության եւ ամուսնության վերաբերյալ խոսակցությունների մասին. NEWS.am STYLE Exclusive

21:06, 5 հոկտեմբերի

Վահե Թիլբյանի Հայաստան կատարած այցելությունը բուռն քննարկումների առիթ հանդիսացավ: Արդյո՞ք երգիչն այստեղ է կրկին  «Եվրատեսիլին» մասնակցելու, թե՞ ամուսնանալու նպատակով: Այս և մի շարք այլ հարցերի շուրջ NEWS.am STYLE-ը բացառիկ հարցազրույց ունեցավ Վահեի հետ:

-Վահե, ասում են` այստեղ եք, որպեսզի կրկին մասնակցեք «Եվրատեսիլին»: Ինչպե՞ս կմեկնաբանեք այս խոսակցությունները:

 

-Ոչ, իսկապես, այս տարի «Եվրատեսիլ» մեկնելու նպատակ չկա: Այս խոսակցությունները եղան այն պատճառով, որ այստեղ եմ մեր այս տարվա ներկայացուցչին բացահայտելու շրջանում: Այստեղ եկել եմ երաժշտական ծրագրեր իրականացնելու համար, ունեմ երաժիշտ ընկերներ և կան շատերը, ում հետ կցանկանայի կապ հաստատել: Եվ, իհարկե, ցանկանում եմ ևս մեկ անգամ Հայաստանը տեսնել: Մանավանդ «Եվրատեսիլից» հետո որոշել եմ գոնե տարին մեկ անգամ գամ այստեղ: Նույնիսկ, Հայաստան տեղափոխվելու միտք կա…

-Իսկ, առհասարակ, կա՞ ցանկություն ևս մեկ անգամ «Եվրատեսիլում» ներկայանալու:

-Այո, ես նման ցանկություն ունեմ: Ես միշտ էլ սիրել եմ «Եվրատեսիլը», փոքրուց դիտել եմ: Ուղիղ հեռարձակմամբ չէինք կարող դիտել, քանի որ Եթովպիայում այն չի հեռարձակվում, բայց ձայնագրված տարբերակով միշտ դիտել եմ: Կցանկանայի կրկին ներկայացնել Հայաստանն այդ մրցույթում:

 

-Վահե, ի՞նչ տվեց Ձեզ «Եվրատեսիլին» մասնակցությունը:

-Նախ` դա ինձ համար մեծ նվեր էր, երկրորդ` շատ բաներ սովորեցի, երկար ժամանակ մնացի Հայաստանում: Այստեղ ձայնագրեցինք երգն ու նկարահանեցինք տեսահոլովակը: Այն, որ մոտ մեկ ամիս մնացի Հայաստանում, ինձ համար շատ կարևոր էր: Սփյուռքում բնակվող հայի համար այդ զգացումը շատ խորն է: Եվ երրորդ` ես, չունենալով երաժշտական կրթություն, շատ բաներ սովորեցի այդ ընթացքում:

 

-Ինչպե՞ս կգնահատեք Genealogy-ի ելույթը մրցույթում:

-Մենք շատ լավ ելույթ ունեցանք: Բոլորս էլ շատ ուրախ էինք և հուզված: 16-րդ հորիզոնականը զբաղեցրինք, բայց ավելի բարձր հորիզոնական էինք ակնկալում: Բայց դա էլ` ոչինչ…Ես սպասում էի, որ պետք է լինենք առաջին տասնյակի մեջ:

-Իսկ կապ կա՞ Genealogy-ի մյուս անդամների հետ:

-Այո, մանավանդ, սոցիալական ցանցերի միջոցով հաճախ ենք շփվում միմյանց հետ: Հատկապես, Թամարի և Ստեֆանիի հետ հեռախոսով էլ ենք շփվում:       Երբեմն, նույնիսկ, երաժշտական թեմաներով չենք զրուցում, շփվում ենք մեր ընկերությունը պահպանելու համար: Չէի սպասում, որ այդքան կարճ ժամանակահատվածում այդպես կմտերմանայինք:

-Կհիշե՞ք որևէ հետաքրքիր դեպք, որը Ձեզ հետ պատահել է «Եվրատեսիլի» ընթացքում:

-Շատ դեպքեր կան…Մանավանդ, երբ հյուրանոցից ինչ-որ տեղ էինք գնում… Փորձերի ժամանակ էլ շատ էինք ծիծաղում: Այդ պահերը միշտ կարոտում եմ: Ոչ միայն եզրափակիչ համերգն էր հիշարժան, այլև այդ ամբողջ ընթացքը: Իսկապես, լավ ժամանակ ենք անցկացրել, հատկապես, երբ բեմից տեսնում էինք հայկական դրոշները…

-Հոկտեմբերի 13-ին արդեն պաշտոնապես կհայտարարվի, թե ով է այս տարի Հայաստանը ներկայացնելու «Եվրատեսիլին»: Ֆավորիտների թվում են` Իվետա Մուկուչյանը, Աթենա Մանուկյանը, Սիրուշոն և Աստղիկ Սաֆարյանը: Հետաքրքիր է` Դուք ո՞ւմ կցանկանայիք տեսնել` որպես այս տարվա Հայաստանի ներկայացուցիչ:

-Իհարկե, ես Սիրուշոյի շատ մեծ երկրպագուն եմ: Կնախընտրեի, որ նա գնար…Բայց մյուս կողմից էլ կարևոր է, որ նոր արտիստներից մեկը գնա, որպեսզի Եվրոպային և աշխարհին ցույց տանք, որ այլ տաղանդավոր մասնակիցներ էլ ունենք: Ասում են` այս տարվա մեր ներկայացուցիչը իգական սեռի է: Վստահ եմ, որ տաղանդավոր երգչուհի է մեկնելու…

 

-Խոսակցություններ կան, թե այստեղ եք գտնվում ամուսնության նպատակով: Կա՞ որևէ հայուհի, ո՞ւմ հաջողվել է գրավել Ձեր սիրտը:

-Չեմ կարող ասել` այո, կամ ոչ… Կա նման հայուհի, բայց դեռ ամուսնության մասին վաղ է մտածելը:

-Եվ վերջում, կցանկանայինք իմանալ` ի՞նչ խորհրդով կկիսվեիք մեր այս տարվա մասնակցի հետ:

-Շատ կարևոր է կեղծավոր չլինելը: Պետք է այս գործին նվիրվել ամբողջ սրտով և հոգով: Ուրախ եմ, որ ինձ ասում են, որ բոլորի հետ անկեղծ եմ: Ես այդպիսին եմ` եթե լավ չեմ զգում, ասում եմ, եթե ուրախ եմ, այդ մասին էլ եմ ասում: Կարծում եմ` երգիչ-երգչուհիները պետք է այդպիսին լինեն, որպեսզի մարդիկ ճանաչեն իրենց: Հպարտ պետք է լինես քո ինքնությամբ:

 

Սյունե Առաքելյան

Լուսանկարները՝ Արսեն Սարգսյանի և Մելինե Տոնոյանի

Նկարահանումն իրականացվել է «Տապաստանում»


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search