• Ծաղկունք»-ի 10-ամյակը՝ Մոսկվայում․ երկու մեծամասշտաբ համերգային ծրագիր՝ մեկ հարթակում

  Հոկտեմբերի 25-ին Ռուսաստանի Դաշնության Մոսկվա քաղաքում կայացավ «Ծաղկունք» միջազգային 10-րդ հոբելյանական փառատոնը…

• Մոնա Լիզայի դեմքի ևս մեկ առեղծված․ գիտնականները բացահայտել են հոնքերի և թարթիչների բացակայության հնարավոր պատճառը

  Մոնա Լիզայի խորհրդավոր ժպիտը դարեր շարունակ հուզել է մարդկանց երևակայությունը, սակայն այժմ հետազոտողների ուշադրությունը գրավել է Լեոնարդո դա Վինչիի հայտնի դիմանկարի մեկ այլ առանձնահատկություն…

• Առաջին կինը, որը ստեղծում էր էրոտիկ նկարներ. Վերածննդի դարաշրջանի նկարչուհի Լավինիա Ֆոնտանայի պատմությունը

  Իր կենդանության օրոք նա համարվում էր տաղանդավոր դիմանկարիչ, որին վարձում էին ազդեցիկ կարդինալները, իսկ նրա նկարները զարդարում էին իտալական ազնվականության տները․․․

• Հայաստանի «Քարերի սիմֆոնիան» վերածվել է ֆանտաստիկ աշխարհի. 3D նկարիչը ստեղծել է բնական հուշարձանի թվային տարբերակը

  Հայկական «Քարերի սիմֆոնիան» ոգեշնչել է եռաչափ նկարիչ Արթուր Արթինյանին ստեղծել ֆանտաստիկ թվային տարածք՝ մոնումենտալ բազալտե սյուներով, ոսկե խորհրդանիշներով և կրակե դարպասներով․․․

• Գնված 30 դոլարով, վաճառված 1.3 միլիոն դոլարով. մոռացված նկարը դարձել է աճուրդի սենսացիա  

  Երբեմն իսկական գանձը թանգարանի կամ էլիտար պատկերասրահի կարիք չունի. հնաոճ իրերի բակում պատահական զբոսանքը բավական է: Ահա թե ինչպես է ամերիկացի նկարչուհի Գերտրուդ Աբերքրոմբիի փոքրիկ նկարը հայտնվել գնորդի ձեռքում, որը դրա համար վճարել է ընդամենը 30 դոլար: Մի քանի ամիս անց աշխատանքը աճուրդում վաճառվել է անհավանական 1.3 միլիոն դոլարով՝ սահմանելով համաշխարհային ռեկորդ նկարչուհու համար...

• 20,000 ֆունտ ստերլինգ արժողությամբ «Մադոննայի կրծկալը» կարող էր այրել երեխաներին. անսովոր քանդակները ստիպված են եղել թաքցնել արևից

  20,000 ֆունտ արժողությամբ արտասովոր գեղարվեստական ​​ինստալյացիան, որը տեղացիները համեմատում են Մադոննայի խորհրդանշական կոն կրծկալի հետ, ստիպված են եղել տեղափոխել այն բողոքներից հետո, որ մետաղական կառուցվածքը արևի տակ կարող էին այրել երեխաներին, հայտնում է Daily Mail-ը․․․

• Ռիմա Պիպոյանը՝ Գդանսկի միջազգային պարի փառատոնի ժյուրիի կազմում․ հայկական ժամանակակից պարը՝ միջազգային բեմում

  Սեպտեմբերի 12–20-ը Լեհաստանում անցկացվեց Գդանսկի ամենամյա միջազգային պարի 18-րդ փառատոնը, որի շրջանակում սեպտեմբերի 14–17-ը տեղի ունեցավ ժամանակակից պարի մենապարերի միջազգային մրցույթը...

• Վան Գոգը՝ 180 միլիոն դոլարով, իսկ Սեզանը՝ 120 միլիոնով. Sotheby's-ը աճուրդի է հանում լեգենդար հավաքածուն

  Այս աշնանը Sotheby's-ը Նյու Յորքում աճուրդի կհանի Վինսենթ վան Գոգի հազվագյուտ նկարը, որը գրեթե կես դար չի ցուցադրվել…

Նոյեմբերի 6-16 ընկած ժամանակաշրջանում Երևանում կկայանա Լոս- Անջելեսցի նկարիչ Սամվել Սաղաթելյանի (Սամա Սագա) ENTER THROUGH THE SMOKE SHOP («ՄՈՒՏՔԸ ՍԻԳԱՐԵՏԻ ԽԱՆՈՒԹԻՑ») ցուցահանդեսը: Այն կանցկացվի Էլեկտրոնիկ սիգարետների խանութում: Մշտապես տարբերվող և սկանդալային աշխատանքներ ներկայացնող նկարիչը NEWS.am STYLE-ի հետ զրուցեց ցուցահանդեսի և այնտեղ ներկայացվելիք թեմաների մասին, ինչպես նաև տրամադրեց մի քանի էքսկլյուզիվ նկար:

-Պարոն Սաղաթելյան, առաջիկայում հանդես եք գալու ցուցահանդեսով:Կխոսե՞ք այդ մասին: Ո՞րն է լինելու հիմնական թեման և ուղղվածությունը: 

-Ցուցահանդեսը կոչվում է «ՄՈՒՏՔԸ ՍԻԳԱՐԵՏԻ ԽԱՆՈՒԹԻՑ»: Այն ներկայացնում է «ՀԱՅՓ Փոփ Ափ» (HAYPE Pop UP) ցուցասրահը՝ հանձինս Աննա Կ. Գարգարյանի և Շառլոտ Պաուլին Կարասլանյանի։ Սա իմ նոր շարքերից է, որի վրա սկսել էի աշխատել դեռ 2012 թվականից, և իրենից ներկայացնում է բազմալեզու անձնական և քաղաքական պրոտեստի ազդանշան - աշխատանքներ, որոնք Street Art ին բնորոշ տեսակ կարելի է համարել: Այստեղ հայերեն և անգլերեն արտահայտությունների խառնուրդը գրաֆիկական կոնստրուկտիվ ձևով է արտահայտված` օգտագործելով հիմնականում փողոցային պրոտեստի այնպիսի տարածված նյութ, ինչպիսին ստվարաթուղթն է։ Թեմաները սերն է, սեքսը և քաղաքականությունը, իսկ լեզվի մեջ օգտագործված են հաև հայհոյանքներ, որոնք մեր լեքսիկոնի անբաժան մասն են։

-Որտե՞ք եք անցկացնելու ցուցահանդեսը:

-Առաջին անգամ այս շարքը ցուցադրեցի Բևեռլի Հիլզի «Գարբուշյան» պատկերասրահում, բայց Էլեկտրիկ Երևանի դեպքերից հետո ցանկություն առաջացավ ցուցադրել Երևանում, և «ՀԱՅՓ Փոփ Ափ» ցուցասրահը պատրաստակամությամբ հանձն առավ կազմակերպումը։ Ցուցահանդեսը անցկացվելու է ոչ ինստիտուցիոն վայրում: Որպես ալտերնատիվ տարածք ընտրվեց Երևանի համար անսովոր մի տեղ՝ էլեկտրոնային սիգարետների խանութի ետին սենյակը, ինչը փողոցային արվեստին (Street Art) ին բնորոշ մոտեցում է, հատկապես, որ նման խանութը ինքնին Երևանի նման «ծխող» քաղաքի համար ալտերնատիվ երևույթ է։ Իսկ վերնագիրն էլ կարծես հակառակն է` հայտնի արվեստագետ Բանքսիի մասին ֆիլմի «Exit through The Gift Shop» (Ելք Նվերների Խանութից) - «ENTER THROUGH THE SMOKE SHOP» ( «ՄՈՒՏՔԸ ՍԻԳԱՐԵՏԻ ԽԱՆՈՒԹԻՑ»)։ Այնտեղ ԵԼՔՆ է, այստեղ ՄՈՒՏՔԸ։ Տարածքը սիրով տրամադրեց խանութի տնօրեն, ազգությամբ ֆրանսիացի Քրիստոֆ Մաուրին (Christophe Maury):

 -Ի՞նչն է եղել այս ցուցահանդեսի ոգեշնչման աղբյուրը:

-Արվեստի ստեղծման մեջ որոշակի «հանցանք» կա. առանց այն գործելու չի ստեղծվում նորը, բայց հանցանքի այն տեսակն է, որով ոչ մեկին չես վնասում։ Զանազան ցույցերի ժամանակ ինքնաբուխ ստեղծված պրոտեստի ազդանշանները միշտ հետաքրքրել են ինձ իրենց անկեղծությամբ և սրությամբ։ Որոշակի ոգեշնչում ստացա Լոս Անջելեսի OCCUPY LA-ից և դեռ այն ժամանակ իմ քաղաքական գործերով մասնակցեցի ցուցահանդեսի ։ Իսկ այս շարքի հիմքում ընկած է մի կողմից անձնական սիրային խառը իրավիճակներից արտահայտվելու պահանջը և մյուս կողմից էլ` քաղաքական համատարած աբսուրդա-գրոտեսկա-կոռումպացված իրականությունը, որը ներքին պրոտեստի պահանջ է առաջացնում, ինչը հաճախ վերածվում է հայհոյանքի` անզորության զգացումից։ Ներքին պրոտեստի արտահայտման ամենատարածված և, կարող եմ ասել, բարձրահունչ ձևերից է հայհոյանքը, որը հաճախ պոռթկում է անզորության զգացումից, բայց դա, ըստ էության, սեքսուալ ակտի արտահայտում է։ Ես այդ ամենը տեղափոխում եմ արվեստի լեզվի և տալով դրան փայլ, հումոր, ինչ որ տեղ տոնականություն և կոնստրուկտիվ ճարտարապետական ստրուկտուրալ դիզայն, այն ի վերջո դուրս է գալիս անզորության սահմաններից և անզոր զոհի դիրքից արված հայհոյանքի նշանակությունից վերածվում է արվեստի ազատության, որն էլ ակտուալանալով հանգում է սիրո ակտի։ Պետք է ասեմ, որ վերջին շրջանի Էլեկտրիկ Երևանի դեպքերը լրացուցիչ ոգեշնչում էր, քանի որ նոր որակի ժողովուրդ ի հայտ եկավ և այս ցուցահանդեսը հուսով եմ` նոր հնչողություն կստանա։

-Դուք ստեղծել եք արվեստ թե՛ կարտոֆիլից, թե՛ ծխախոտից… Հետաքրքիր է` այս ցուցահանդեսի ժամանակ է՞լ են ներկայացվելու յուրահատուկ հումքից պատրաստված աշխատանքներ:

-Հիմնական հումքը հանդիսանում է փաթեթավորման մեծ արկղերից վերցրած ստվարաթուղթը, ինչը շատ համապատասխանում է պրոտեստի դուրս եկած մարդկանց ընտրած նյութին։ Նաև օգտագործել եմ ակրիլիկ և փայլեր, որոնք հիմնականում օգտագործում են զանազան ձեռքի աշխատանքներում, հիմնականում մանկական….

-Ցուցահանդեսին ներկայացվելիք աշխատանքներից կա՞ որևիցե մեկը, որը կառանձնացնեիք, և ինչո՞ւ:

-Կառանձնացնեի, օրինակ, ՍԵՐSOS (փրկեք սերը), «LOVE IS ELECTRIC Է», «OLLYGARCHYՔԱՔ»…Էլի կան, իհարկե….բոլորի մեջ էլ կա ինչ-որ ակտուալություն, և դժվար է առանձնացնել որևիցե մեկը:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում