• X օգտատերերն ամբողջ աշխարհում հիացած են «Եվրատեսիլ 2024»-ում «Լադանիվայի» դինամիկ և աշխույժ ելույթով

  Գանձ, ապշեցուցիչ է, անհավանական է. այսպես են արձագանքել X-ի օգտատերերը «Եվրատեսիլ 2024»-ում Հայաստանը ներկայացնող «Լադանիվա» խմբի դինամիկ և աշխույժ ելույթին...

• Ինչու՞ է Նիդերլանդների ներկայացուցիչը որակազրկվել «Եվրատեսիլ 2024»-ից

  «Եվրատեսիլ 2024» երգի մրցույթում Նիդերլանդների ներկայացուցիչ Յոսթ Քլայնը որակազրկվել է կին օպերատորի նկատմամբ «սպառնալից շարժումներ» անելու համար․․․

• Do good. Բրյունետը ելույթ ունեցավ Եվրատեսիլ 2023 երգի մրցույթի կիսաեզրափակչում

  Երգչուհին դուրս եկավ բեմ եւ կատարեց իր «Future lover» երգը․․.

• «Ոճերի մենամարտ». Brunett vs Իրու Խեչանովայի

  Առաջին հայացքից «Եվրատեսիլ 2023»-ի երկու մասնակիցների ոճերն առանձնապես չեն տարբերվում․․․

• «Եվրատեսիլ 2023»-ին Հայաստանը կներկայացնի Brunette-ը

  Ես այնքան հպարտ եմ, որ մենք եւս մեկ անգամ կարող ենք աշխարհին ցուցադրել անհավատալի երիտասարդ տաղանդներ...

• Մեծ Բրիտանիայի յոթ քաղաքներ «կմրցեն» «Եվրատեսիլ»-ն ընդունելու իրավունքի համար

  2023 թվականին մրցույթը կանցկացվի Բրիտանիայում՝ անվտանգության նկատառումներից ելնելով․․․

• Պրիգոժինը «Եվրատեսիլի» անցկացման վայրի տեղափոխումն անվանել է «ծաղր ուկրաինացիների նկատմամբ»

  Եվրատեսիլն անվանել է անցյալի մասունք...

• Ռումինիան մտադիր է դատական հայց ներկայացնել «Եվրատեսիլի» կազմակերպիչների դեմ

  Երկիրը մրցույթի կազմակերպիչներին մեղադրել է հանուն Ուկրաինայի հաղթանակի գնահատականները նենգափոխելու համար․․․

«Մանկական Եվրատեսիլում» Հայաստանի ելույթի վերաբերյալ նախնական կանխատեսումները բավականին դրական են։ Այս մասին այսօր՝ նոյեմբերի 12-ին, կայացած մամուլի ասուլիսի ժամանակ նշեց Հայաստանի պատվիրակության ղեկավար Գոհար Գասպարյանը։

«Այս տարի մրցույթին կմասնակցեն 17 երկրներից ժամանած պատվիրակություններ, ինչը վկայում է այն մասին, որ, հակառակ տարածված թյուր կարծիքների, մրցույթի վարկանիշը բարձրացել է»,-ասաց Գոհարը։

«Մանկական Եվրատեսիլին» դրական է տրամադրված նաեւ մեր պատվիրակը՝ 12-ամյա Միկան, որը մրցույթին կներկայանա Ավետ Բարսեղյանի եւ Լիլիթ Նավասարդյանի հեղինակած «Love» երգով։

«Տպավորություններս շատ դրական են։ Այս տարի, վերջապես, երազանքս կատարվեց»,-նշեց մեր մասնակիցը, որը շոուին ներկայանալու է գունեղ եւ պարային բեմադրությամբ։

Խոսելով բեմադրության մանրամասներից՝ պատվիրակության ղեկավար Գոհար Գասպարյանը նշեց. «Կարող եմ միայն ասել, որ բեմում բացի Միկայից կլինեն նաեւ երեք աղջիկներ։ Ինչ վերաբերում է Միկայի հագուստին՝ հեղինակը Արամ Նիկոլյանն է, որը նաեւ աշխատել է Միկայի տեսահոլկովակի կերպարի շուրջ»։

NEWS.am STYLE-ի հարցին, թե ինչ հորիզոնական է սպասում մրցույթից, Միկան պատասխանեց. «Ինձ համար ամենակարեւորը լավ ելույթ ունենալն է, իսկ հորիզոնականը մրցույթի օրը կտեսնենք»։

«Մանկական Եվրատեսիլ 2015»-ը կկայանա նոյեմբերի 21-ին՝ Բուլղարիայի մայրաքաղաք Սոֆիայում։ Այս տարի «Եվրատեսիլում» Հայաստանի միավորները հայտարարելու է նախորդ տարվա մեր մասնակիցը՝ Բեթթին, որը եւս մեր պատվիրակության հետ մեկնելու է Սոֆիա։

Սյունե Առաքելյան

Լուսանկարները՝ Մելինե Տոնոյանի

Հետևեք NEWS.am STYLE-ին Facebook-ում, Twitter-ում և Instagram-ում