Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Էվա Խաչատրյանը` «Ֆուլ Հաուս»-ում նկարահանվելու եւ իր կերպարի մասին

12:08, 28 նոյեմբերի

Թատրոնի եւ կինոյի դերասանուհի Էվա Խաչատրյանն իր էկրանային կարիերան սկսել է «Եղբայրներ» հեռուստասերիալից: Հեռուստադիտողն այսօր էվային առավել ճանաչում է` որպես «Ֆուլ Հաուսի» Նորա: NEWS.am STYLE-ի հետ զրույցում էվան խոսեց ոչ միայն «Ֆուլ Հաուս»-ում նկարահանվելու եւ Նորայի կերպարի, այլեւ իր դերասանական ուղու եւ նախասիրությունների մասին:

-էվա, երբվանի՞ց հասկացաք, որ հենց դերասանական ուղին պետք է ընտրեք:

-Դա, պարզապես, այդպես էլ պետք է լիներ: Ես փոքրուց եմ այդպես ապրել: Դա ինձ հետ մեծացել է, մասնագիտացել, թրծվել, ամուր հիմք ստացել եւ արտահայտվել էկրանին ու թատրոնում:

-Ինչպիսի՞ն է եղել Ձեր ճանապարհը դեպի կինո:

-Հետաքրքիր, հագեցած, ուրախ, սիրով լի…Նկարահանվել սկսել եմ հենց ուսանողական տարիներից: Ամեն ինչ սկսվեց «Եղբայրներ» հեռուստասերիալից եւ տարածվեց:

-Խաղում եք նաեւ Երեւանի Կամերային թատրոնում. Ձեզ ավելի հոգեհարազատ է թատրո՞նը, թե՞ կինոն:

-Թատրոնն ու կինոն, իրականում, շատ տարբեր են եւ, միեւնույն ժամանակ, շատ նման: Ինձ երկու տեղում էլ զգում եմ հագեցած եւ ապահով: Կարեւոր է, որ երկու տեղում էլ լինես անկեղծ եւ իրական, բայց ոչ չափազանց իսկական (բառիս ոչ բուն իմաստով):) Մենք, պարզապես, մեր կինոն եւ հեռուստասերիալները վերածում ենք մի խաղի` ոչ իրական եւ ոչ սուտ, դրա համար դրանք կորցնում են իրենց իսկականությունը ու դառնում կենցաղ:

-Ինչպե՞ս ստացաք «Ֆուլ Հաուսում» Նորային մարմնավորելու առաջարկը:

-Առաջարկը ստացա սիթքոմի ռեժիսոր Կարեն Ամյանից: Այդպես գնացի Նորայի դերի համար փորձին, հաջորդ օրն իմացա, որ ընտրվել եմ այդ դերի համար եւ արդեն սկսեցինք աշխատել:

-Նորան իր էությամբ, կարծես թե,  բացասական կերպար է. հե՞շտ է նրան մարմնավորելը:

-Նորան, իրականում, ոչ բացասական է, ոչ էլ դրական…Նա հումորային կերպար է, որը մտնում է կեղծ խաղի մեջ, բայց իրական սուր արտահայտված բացասական կերպար չէ: Փողի մոլուցքով տառապող կին, բայց մատուցված է հումորով:

-Առհասարակ, ինչպիսի՞ կերպարների եք նախընտրում մարմնավորել` Ձեր խառնվածքին մո՞տ, թե՞ ընդհակառակը:

-Ես նախընտրած կերպարներ չունեմ: Դերասանը չպիտի կոնկրետ ու ստատիկ նախընտրած կերպարներ ունենա իրեն մոտ կամ հեռու: Կերպարը պետք է ստեղծել, ստեղծագործել եւ աշխատել. կապ չունի` դա ֆիլմ է, սերիալ, թե ներկայացում: Ստեղծագործող դերասանը նման բան չպիտի ասի: Նույնիսկ չպատկերացնելով կերպարը, պետք է ջանք թափես, ստեղծագործես… եթե անգամ չի ստացվելու աշխատանքը, դա քո ճամպրուկը լցնելու է նոր փորձով: Եթե կերպարը մարդասպան է կամ հարբեցող, դա չի նշանակում, որ նրան մարմնավորող դերասանն էլ է այդպիսին: Դու պարզապես ընտրում ես քեզ համար որեւէ օրինակ եւ, հիմնվելով դրա վրա, ստեղծում կերպարդ:

-Բացի նկարահանվելուց էլ ի՞նչ նախասիրություններ ունեք:

-Երգում եմ, երբեմն` ֆիլմեր դիտում, երաժշտություն եմ լսում, կարդում եմ: Շփվում եմ արվեստի մարդկանց հետ, լցնում եմ ինձ, որպեսզի ավելի ամուր կանգնեմ ոտքերիս վրա, հետաքրքիր լինեմ…Փորձում եմ բռնել իրական արվեստագետ դառնալու ճանապարհը:

Սյունե Առաքելյան

Լուսանկարները տրամադրել է էվա Խաչատրյանը


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search