• Իտալական տոն կամ հայկական կենսաոճ

  Այսօր չշտապելու կամ դանդաղկոտության համաշխարհային օրն է․․․

• Ամանորյա նվերներ՝ ոճային, համեղ, օրիգինալ

  Նախաամանորյա եռուզեռը հոգնեցուցիչ է, բայց չնայած դրան՝ հաճելի շրջան է․․․

• Գարեջրի Օրերը կզովացնեն Զաքյան փողոցը

  Հուլիսի  22-ին և 23-ին՝ ժամը 14։00-ից մինչև 22։30-ը, Երեւանի Զաքյան փողոցում տեղի կունենա տարվա մենափրփրուն իրադարձությունը՝ «Գարեջրի Օրերը», որի կազմակերպում է «Երևանի Գինու Օրեր» փառատոնի հիմնադիր «ԷվենտՏուրա» ընկերությունը....

• Ժիզել Բյունդխենը եւ Ալեսանդրա Ամբրոսիոն իրենց ժամանցն են վայելում Ռիո դե Ժանեյրոյի աշխարհահռչակ կառնավալում

  Դիմակներ, շքեղ հագուստներ, լույսեր, հրավառություն․․․

• Ռիո դե Ժանեյրոյում մեկնարկել է աշխարհի ամենամեծ դիմակահանդեսը

  Միլիոնավոր մարդիկ ուղիղ եթերում դիտելու են այն․․․

• STYLEMake-up. դիմահարդարման 3 գաղափար Վալենտինի օրվա համար

  Կիսվում է փորձառու դիմահարդար Մելինե Մանուկյանը․․․

• Սրբուկի ու Վիկտորյա Սահակյանի երազները․ իսկ դուք ո՞ւմ եք տեսել երազում Սուրբ Սարգիսի տոնին

  Այս տոնը Հայաստանում նշել եւ նշում են նաեւ ժողովրդական ավանդույթներով...

• Տոնական ուղեցույց․ որտե՞ղ խմել գինի փետրվարի 14-ին

  Սուրբ Վալենտինի օրը սիրելիի հետ մի գավաթ գինու շուրջ ռոմանտիկ երեկո անցկացնելու լավագույն առիթներից մեկն է․․․

Փետրվարի 14-ին ամբողջ աշխարհում նշում են Վալենտինի օրը: Ինչպես նախորդ տարիներին, սիրահարներին տանջում է մի հարց՝ ինչ նվիրել Նրան: Ընդ որում՝ այս տոնին առավելագույնս պատրաստվում են կանայք եւ փորձում են անել հնարավորինս ամեն ինչ՝ յուրօրինակ, անկրկնելի, տարբերվող եւ հաճելի անակնկալ մատուցելու համար, չէ որ այդպես նրանք ցույց են տալիս այն սերն ու նվիրվածությունը, որը տածում են իրենց միակի նկատմամբ:

Առաջարկում ենք նվերների մի քանի տարբերակ, որոնցից կարող եք ընտրել այն մեկը, որը ավելի դուրեկան, բնորոշ եւ համապատասխան կլինի ձեր սիրելիին:

Բարձրորակ ականջակալներ

Այսօր ականջակալները մեր կյանքի անբաժանելի մասն են կազմում եւ բարձրորակ ականջակալը կուրախացնի գրեթե ցանկացած երիտասարդի:

Նրա սիրելի խմբի համերգի կամ սպորտային իրադարձության տոմս

Սովորաբար տղաները, չնայած մեծ ցանկության, հաճախ չեն գնում իրենց սիրելի խմբի համերգի կամ սպորտային իրադարձության տոմսը: Սակայն միշտ հաճելի է ստանալ նման նվեր, որը հնարավորություն կտա լիարժեք հաճույք վայելել եւ մի քանի ժամ կտրվել առօրյա հոգսերից:

Խրախուսիր նրա մարզական հաջողությունները

Եթե ձեր սիրելին կանոնավոր կերպով գնում է մարզասրահ, ուրեմն Նրա համար անգնահատելի նվեր կլինի նորագույն սարքավորումները, որոնք հաշվում են նրա քայլերը, գրանցում սրտի ռիթմը, այրված կալորիաները եւ այլն:

Նվեր՝ պայմանավորված Նրա հոբբիով

Եթե նա ազատ ժամանակ սիրում է կիթառ նվագել կամ վիդեո խաղեր խաղալ, ապա նա հաստատ կգնահատի, եթե իրեն նոր կիթառ կամ վերջերս թողարկված վիդեո խաղ նվիրեք: Այդպես դուք ոչ միայն կցուցադրեք ձեր սերն ու ջերմությունը, այլեւ ուշադրությունը:

Գիրք, որը նա վաղուց էր փնտրում

Եթե ունեք ընթերցասեր ընկեր, ապա դժվար չէ մի քանի ժամ անցկացնել գրախանութում եւ գտնել այն գիրքը, որը նա վաղուց էր փնտրում:

Ռոմանտիկ երեկո

Ուսումնասիրությունները ցույց են տվել, որ հաճախ ուժեղ սեռի ներկայացուցիչները Վալենտինի օրվա համար նյութական ոչինչ չեն ցանկանում, այլ ուզում են իրենց սիրելիի կողքին լինել եւ երեկոն նրա հետ անցկացնել իր նախընտրած ռեստորանում: Ավելացնելու ոչինչ չկա, պարզապես պետք է նման հաճույք պարգեւել Նրան:

Իրեր, որոնք կգեղեցկանցեն Նրա կյանքը

Ցանկացած տղամարդ ունի հետաքրքրությունների իր շրջանակը եւ Նրա համար հաճելի կլինի ստանալ մի բան, որը եւ օգտակար կլինի իր համար, եւ կգեղեցկացնի Նրա կյանքը: Կարելի է նվիրել գերհզոր տեսախցիկ, համակարգչի կամ հեռախոսի պատյաններ՝ հավելյալ ֆունկցիաներով:

Ժամացույց

Գեղեցիկ եւ որակյալ ժամացույցը ցանկացած տղամարդուն ավելի առնական տեսք է տալիս: Հետեւաբար հաշվի առնելով նրա ճաշակը՝ համապատասխան ընտրություն կատարեք:

Ուղեւորություն

Նվերների ցանկում վերջին տեղը հատկացրել ենք ուղեւորությանը, քանի որ ոչ բոլորը կարող են նման նվեր մատուցել: Ընտրեք այն ուղղությունը, որի մասին նա հաճախ է պատմել ձեզ՝ նշելով, որ կցանկանար այնտեղ գնալ:

Պատրաստեց՝ Յանա

Հետևեք NEWS.am STYLE-ին Facebook-ում, Twitter-ում և Instagram-ում