Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Եվրատեսիլ»-ում Մալթայի ներկայացուցիչը՝ Հայաստան այցի եւ Իվետա Մուկուչյանի մասին (ֆոտո)

20:25, 15 ապրիլի

«Եվրատեսիլ» 2016-ի Մալթայի ներկայացուցիչ Իրա Լոսկոն պրոմո-տուրի շրջանակներում ապրիլի 3-ին այցելել է Հայաստան։ NEWS.am STYLE-ի հետ զրույցում երգչուհին ասել է, որ նախքան թռիչքը տեղեկացել է Լեռնային Ղարաբաղում տիրող հակամարտության մասին, սակայն չի հետաձգել իր այցը։ 

«Ինձ տեղեկացրել էին ներկա իրավիճակի մասին, բայց ես հետ չկանգնեցի եւ ցանկացա գալ եւ լինել Հայաստանում։ Իհարկե, ինձ հաճելի չէ այս իրավիճակը, բայց շատ կարեւոր է, որ իմ երգի միջոցով ես քարոզեմ խաղաղություն: Ոչ միայն Հայաստանում, այլեւ ամբողջ աշխարհում ցանկանում եմ, որ խաղաղություն տիրի եւ պատերազմական իրավիճակներ չլինեն»,- ասել է երգչուհին, որը Հայաստան է եկել նաեւ Իվետային ավելի լավ ճանաչելու նպատակով:  Ի դեպ գեղեցկադեմ Իրան ձեռնունայն չէր եկել Հայաստան։ Նա Իվետայի համար Մալթայից գիրք է բերել, որը պատմում է Մալթայի մասին է։ 

Երգչուհին նշեց, որ շատ է հավանել մեր մասնակցին. «Իվետան շատ գեղեցիկ, տաղանդավոր, դինամիկ երգչուհի է։ Շատ ուրախ եմ, որ ճանաչում եմ նրան։ Երկուսիս մեջ էլ ընդանուր բաներ կան։ Իմ եւ Իվետայի գլխավոր նմանությունն այն է, որ երկուսս էլ մեծ ոգեւորությամբ ենք անում այն, ինչ անում ենք»։ 

Երգչուհին նաեւ երկու ազգությունների մեջ է տեսնում նմանություն։ Նրա խսքով՝ ինչպես Հայաստանում, այնպես էլ Մալթայում մարդիկ շատ հյուրընկալ են։ Երկու ազգերն էլ կարեւորում են ընտանեկան ջերմությունը։ 

«Իսկապես հրաշալի երկիր է Հայաստանը։ Եղել եմ Գառնիում, Գեղարդում։ Համտեսել եմ հայկական կերակրատեսակներ, որոնք անմահական համ ունեին։ Ինձ շատ է դուր եկել հայկական բանջարեղենի թարմությունը, մուրաբաները եւ հայկական լավաշը»,-ասել է Իրան։

Երգչուհին նշեց, որ արձակուրդներին մեծ սիրով նորից կգա Հայաստան, քանի որ տեղի բնությունը նրան շատ է դուր եկել։

«Իվետան շատ է պատմել Հայաստանի տեսարժան վայրերի մասին։ Նա ասել է, որ լեռներում կարող ենք պիկնիկի գնալ։ Իսկապես, կցանկանայի ավելի շատ բան տեսնել այստեղ»,- ավելացրել է երգչուհին։

Անդրադառնալով եվրատեսիլյան իր Walk on Water երգին` Իրան նշել է. «Երգն այն մասին է, որ անհնարին ոչինչ չկա եւ ամեն մարդ կարող է տեսնել այդ երգի մեջ իրեն։ Հաճույքով եւ մեծ զգացողությամբ եմ այն կատարում։ Կարծում եմ` հենց դրա համար էլ մարդիկ պետք է քվերակեն այս երգի օգտին»։ 

Իրան լսել է նաեւ Իվետայի «Love Wave» երգը. Իր իսկ խոսքով՝ շատ է հավանել թե երգը, թե տեսահոլովակը. «Շատ եմ հավանել։ Կարծում եմ, որ տարբերվող երգ է։ Այն ժամանակակից է եւ յուրահատուկ հնչողություն ունի, ինչը շատ է կարեւորվում վերջին շրջանում «Եվրատեսիլում»: Համոզված եմ՝ բեմականացումն էլ նույնքան յուրահատուկ կլինի։ Բնականաբար, չեմ կարող ասել, թե որ հորիզոնականները կզբաղեցնեն մեր երգերը, բայց վստահ եմ՝ տասնյակի մեջ կլինենք»,- ասել է երգչուհին։ 

Բացի Իվետայի երգից, Իրա Լոսկոն հավանել է նաեւ Ֆրանսիայի, Իսրայելի եւ Իսպանիայի ներկայացուցիչների կատարումները:

Լրագրող եւ Լուսանկարիչ՝ Մելինե Տոնոյան


Հետևեք NEWS.am STYLE-ին Facebook-ում, Twitter-ում և Instagram-ում




Print    |  In English

  • Related News

TV SHOWS PHOTO VIDEO


@NEWSam_STYLE

  • Archive
Search