Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Երազել եմ լինել արքայադուստր եւ գտնել իմ արքայազնին. NEWS.am STYLE-ի հեքիաթային ֆոտոշարքը` Եվա Բաղդասարյանի հետ

11:03, 21 հունիսի

Գունավոր տնակներ, հեքիաթային մթնոլորտ եւ գեղեցիկ արքայադուստր` հենց այսպիսի ֆոտոշարքում պատկերացրեցինք սերիալներից հայտնի դերասանուհի Եվա Բաղդասարյանին: Բայց դե, էլ ի՞նչ նկարահանում առանց անսպասելի միջադեպերի...

Մեր դեպքում դա հանկարծակի սկսված հորդառատ անձրեւն էր: Շատ ծիծաղելի պայմաններում հաղթահարեցինք ցանկացած դժվարություն եւ բարձր տրամադրությամբ շարունակեցինք Եվայի հետ մեր նկարահանումները. Արդյունքը սիրով ներկայացնում ենք ձեր ուշադրությանը:

Իր հեքիաթի, երազանքների եւ նկարահանման ընթացքում տեղի ունեցած զավեշտալի միջադապերի մասին Եվան պատմում է NEWS.am STYLE-ին :)

-Եվա, այսօր արքայադստեր կերպարով ես նկարահանվում: Հետաքրքիր է` երբեւէ երազե՞լ ես լինել արքայադուստր:

-Կարծում եմ` յուրաքանչյուր աղջիկ էլ փոքր տարիքում երազում է, գոնե, մեկ օր հայտնվել հեքիաթում, ապրել դղյակում, ունենալ գեղեցիկ զգեստներ եւ այլն: Դեռ փոքրուց երազել եմ լինել արքայադուստր եւ ինչպես մուլտֆիլմերի վերջում է լինում` հանդիպել իմ արքայազնին:

-Ո՞րն է եղել մանկությանդ ամենասիրելի հեքիաթը:

-Իմ ամենասիրելի հեքիաթը եղել է «Սպիտակաձյունիկն ու յոթ թզուկները»: Նաեւ մուլտֆիլմն եմ շատ սիրում: Ամեն անգամ այդ մուլտֆիլմը դիտելիս երազում էի, գոնե, մեկ անգամ հայտնվել այդ հեքիաթում` կենսուրախ թզուկների մոտ: Ուսմանս ընթացքում մեր թատրոնում բեմադրվել է համանուն ներկայացումը եւ ես հանդես եմ եկել եղնիկի դերում :)

-Ի՞նչ ես կարծում`  ի՞նչ է պետք աղջկան` իրեն հեքիաթում զգալու համար:

-Կարծում եմ` յուրաքանչյուր աղջիկ պետք է ստեղծի իր հեքիաթը եւ իրեն իսկական արքայադուստր զգա: Կապ չունի, թե քանի տարեկան ես… պետք է միշտ լինել խենթ, երազկոտ եւ նպատակասլաց:

-Ֆիլմերում, հիմնականում, մարմնավորում ես բարի, նուրբ եւ զուսպ աղջիկների. իրական կյանքում է՞լ ես այդպիսին:

-Վերջերս մի ռուսական ֆիլմում նկարահանվեցի, որտեղ կերպարս բոլորովին նուրբ եւ բարի չէր: Ինձ այդպիսի կերպարներն ավելի են դուր գալիս: Երբեմն պետք է նաեւ բացասական հերոսի մարմնավորես ու չվախենաս դիմացինի կարծիքից: Իրական կյանքում շուտ բռնկվող եմ: Կողքից նայողներին թվում է, թե շատ նուրբ աղջիկ եմ, բայց ինչպես հայրիկս է ասում` պետք է տղա ծնվեի:) Չեմ վախենում դժվարություններից:

-Այժմ կյանքիդ անբաժան մասն է նաեւ թատրոնը: Ո՞ր ներկայացման մեջ կցանկանայիր հանդես գալ:

-Դեռ փոքրուց շատ եմ երազել հայտնվել թատրոնում, գոնե, փոքրիկ դերով. Ինչպես ասում են` եթե մի բան շատ ես ցանկանում, անպայման կատարվում է: Հիմա իմ քայլերն եմ անում թատրոնում: Ունեմ փոքրիկ դերեր, բայց դեռ սովորում եմ եւ միշտ ձգտում ավելիին:

-Մեր նկարահանումը քիչ էր մնում խափանվեր անձրեւի պատճառով: Շա՞տ տխրեցիր: Նկարահանումների ընթացքում անսպասելի իրադարդզությունների հաճա՞խ ես բախվում:

-Այո, եթե նկատեցիք, շատ էի տխրել, երբ անձրեւ սկսվեց. այդպիսի բան դեռ չէր եղել իմ նկարահանումների ընթացքում: Բայց դա էլ իր հետաքրքրությունն ուներ. Մենք` աղջիկներով… այդպիսի եղանակին… մեքենայի մեջ…:) Շատ ծիծաղելի էր, երբ Արմինե Մարտիրոսյանի հեղինակած այդ հեքիաթային զգեստով խանութ մտանք, որովհետեւ նաեւ քաղցած էինք այդքան սպասելուց հետո…:) Բայց, բարեբախտաբար, ամեն ինչ շատ ուրախ եւ լավ անցավ:

-Եվա, խոսենք քո առաջիկա նորություններից: Մոտ ապագայում քեզ որեւէ սերիալում տեսնելո՞ւ ենք:

-Արդեն բավականին երկար ժամանակ է` չեմ երեւացել էկրաններին: Կարծում եմ` ժամանակն է, որ վերադառնամ: Մեր նախորդ հարցազրույցի ընթացքում նշել էի, որ  հեռուստասերիալներում չնկարահանվելուս պատճառը դասերն էին: Այժմ ունեմ նոր առաջարկ, արդեն զբաղվում եմ այդ ուղղությամբ: Մինչ տվյալ սերիալի մեկնարկը չեմ կարող շատ փակագծեր բացել. շուտով արդեն ավելի մանրամասն կխոսեմ այդ թեմայով:

-Ինչպես ավելի վաղ նշեցիր` յուրաքանչյուր աղջիկ երազում է հայտնվել հեքիաթում եւ գտնել իր արքայազնին: Դու արդեն գտե՞լ ես Նրան:

-Անձնական կյանքում դեռ լուրջ փոփոխություններ չկան. Ամեն ինչ իր ժամանակին կլինի…:)

Սյունե Առաքելյան

Լուսանկարները` Մելինե Տոնոյանի

Զգեստները` ArmiMarti/ դիզայներ` Արմինե Մարտիրոսյան

Դիմահարդար` Պայծառ Իսաղուլյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search