«Ուրիշի հոգին» հեռուստասերիալի ավարտից հետո երկրպագուները Նարեկ Մակարյանին տեսան բոլորովին նոր կերպարով: Երգիչը ոչ միայն փոխել է սանրվածքը` կտրելով երկար մազերը, այլեւ իր համար նոր հոբբի է գտել: Այժմ Երեւանի փողոցներում հաճախ կարող եք տեսնել մոտոցիկլետով Նարեկ Մակարյանին:
Երգիչն իր «նոր ընկերոջ» հետ լուսանկարվեց NEWS.am STYLE-ի համար եւ մեզ հետ կիսվեց իր էքստրեմալ նախասիրությամբ:
-Նարեկ, վերջերս թե արտաքինումդ, թե նախասիրություններիդ մեջ մի շարք փոփոխություններ եղան: Սկսենք սանրվածքիդ փոփոխությունից: Ինչո՞ւ որոշեցիր կտրել մազերդ:
-Ուղղակի շատ անսպասելի որոշում էր: Նախ` շատ էի ուզում փոփոխություն կատարել, որովհետեւ հոգնել էի նույն իմիջից: Բավականին երկար ժամանակ մազերս երկար էին եւ պարզապես որոշեցի կարճացնել դրանք: Դա պահի ազդեցության տակ կատարված որոշում էր:
-Շատերը դժվարությամբ են հրաժարվում երկար մազերից: Քեզ մոտ ինչպե՞ս ստացվեց դա:
-Շատ հեշտ, առանց հիստերիաների:) Մի օր անգամ չեմ փոշմանել որոշմանս համար:
-Իսկ ի՞նչ կարծիքներ ես լսել կերպարանափոխությանդ մասին:
-Մի մասը գոհ էին, մի մասը` դժգոհ: Ոմանք ասում են` այսպես է լավ, ոմանք նախկին կերպարս են հավանում: Ես` ինքս, կարծում եմ, որ այսպես ավելի լավ է:
-Լավ, անցնենք քո նոր նախասիրությանը` մոտոցիկլետին…
-Փոքր տարիքից սիրել եմ մոտոցիկլետ: Այնպես ստացվեց, որ մի ֆիլմում պետք է հանդես գայի եւ պետք է մարմնավորեի մոտոցիկլետ վարող մարդասպանի: Այդպես որոշեցի մոտոցիկլետ վարել սովորել: Սովորելու ընթացքն ինձ շատ դուր եկավ եւ ես անհամբերությամբ սպասում էի այդ նկարահանումներին, որոնք, ցավոք սրտի, այդպես էլ չկայացան: Բայց փոխարենը սովորեցի մոտոցիկլետ վարել: Հետո արդեն գնեցի մոտոցիկլետս:
-Սա քեզ համար, պարզապես, հոբբի՞ է, թե՞ մոտոցիկլետը դարձել է քո հիմնական փոխադրամիջոցը:
-Բացի մոտոցիկլետից` ավտոմեքենա էլ եմ վարում, բայց կարծում եմ` մոտոցիկլետով ավելի հարմար է երթեւեկել մեր քաղաքում:
-Այլ էքստրեմալ նախասիրություններ ունե՞ս:
-Այո, բայց չեմ ասի…:) Իսկ եթե լուրջ, էքստրեմալ նախպասիրությունն առայժմ մոտոցիկլետն է: Առհասարակ, շատ եմ սիրում սպորտ: Օրինակ, մտածում եմ` ինչ կարելի է անել ձմռանը: Մոտոցիկլետ չեմ կարող վարել... Միգուցե, դահուկասպորտով զբաղվեմ:
-Հետաքրքիր է` ընկերներդ կամ մտերիմներդ երբեւէ ցանկություն չե՞ն հայտնում երթեւեկել քեզ հետ մոտոցիկլետովդ:
-Այո, բայց առանց սաղավարտի չեմ թողնում, որ նստեն մոտոցիկլետ: Առհասարակ, կարծում եմ` վտանգավոր է առանց սաղավարտի երթեւեկությունը: Այնպես որ` եթե մոտս սաղավարտ եմ ունենում, մեծ սիրով ընկերներիս նվիրում եմ այս գերագույն հաճույքը:
-Երբ փողոցում նկատում են մոտոցիկլետով Նարեկ Մակարյանին, ինչպիսի՞ արձագանքներ են լինում:
-Իրականում, չեն նկատում, որովհետեւ ինչպես նշեցի` սաղավարտով եմ երթեւեկում:) Դա հենց մոտոցիկլետի առավելություններից մեկն է, այն որ վարորդը չի երեւում…
-Նարեկ, խոսենք քո աշխատանքային նորություններից…
-Քանի որ հիմա ամառ է, ես կցանկանայի մի փոքր հանգստանալ: Սեպտեմբերից արդեն կսկսեմ աշխատել նոր երգերի եւ տեսահոլովակների վրա:
-Այս տարի քեզ նոր հեռուտասերիալում տեսնելո՞ւ ենք:
-Նոր սերիալների առաջարկներ եղել են, բայց այս տարի հակված եմ ավելի մեծ ուշադրություն դարձնել երգարվեստին, քանի որ նկարահանումները, հատկապես, հեռուստասերիալի նկարահանումները շատ ժամանակատար են: Այս տարի այդ ժամանակս կտրամադրեմ երաժշտությանը:
Սյունե Առաքելյան
Լուսանկարները` Արման Ղարիբյանի
Հետևեք NEWS.am STYLE-ին Facebook-ում, Twitter-ում և Instagram-ում
23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ13:14, 19 ապրիլի
Անզուգական Մոնիկա Բելուչին ասում է, որ «համակերպվել է ծերության հետ»