• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

• «Բարձրաձայն կարոտ»․ Վարդուհի Վարդանյանին նվիրված երեկոյին բեմում էին նաև որդին, թոռնուհին ու քույրերը (ֆոտո/վիդեո)

  Ապրեց ընդամենը 30 տարի, սակայն Վարդուհի Վարդանյանը հասցրեց ստեղծել մի ժառանգություն, որն այսօր էլ շարունակում է ապրել նրա երգերում, կատարումներում ու իրեն ճանաչողների հիշողություններում․․․

• Ռաֆայել Երանոսյանը խոստանում է «թեթևացնել» կյանքի ծանրությունները. նոր մոնոներկայացման պրեմիերան՝ հոկտեմբերի 19-ին

  Ռաֆայել Երանոսյանը կրկին բեմ է բարձրանալու մոնոներկայացմամբ, այս անգամ՝ «Ծանր ու թեթև» խորագրով...

• Ռոմեոն ու Ջուլիետը՝ Սունդուկյանի բեմում․ երկու դերակատարների անկեղծ պատասխանները

  Ռոմեոն ու Ջուլիետը համաշխարհային թատրոնի ամենաճանաչված սիրահարներից են...

• Սամվել Հայրապետյան. վիրտուոզ ջութակահար, որը համատեղում է դասականը, ռոքը և ջութակագործության արվեստը

  Երբեմն ուրիշի մասնագիտական ​​սխալը լիովին փոխում է կյանքի ընթացքը: Սամվել Հայրապետյանը մանկուց դատապարտված էր դաշնակահար դառնալու, բայց հանձնաժողովը նայեց նրա ձեռքերին և մտածեց՝ մատները չափազանց կարճ են…

• Անահիտի փայլուն ելույթը՝ ռուսական նախագծում, Լիլիթ Հովհաննիսյանի շքեղ համերգը՝ Երևանում, Վարդուհի Վարդանյանին նվիրված համերգին ընդառաջ․ Instagram-ը՝ այս շաբաթ

  Այս շաբաթ եկեք միասին ամփոփենք հայ արտիստների՝ արդեն իրականություն դարձած փայլուն ելույթները, և մեկ շատ կարևոր համերգ, որը նվիրված է սիրված երգչուհի Վարդուհի Վարդանյանին...

• Կես դար Հայաստանի ազգաին ֆիլհարմոնիկի կազմում. տավղահարուհի Ժաննա Հովհաննիսյանի պատմությունը

  Ծնողներս համարում էին որ երաժշտությունը՝ հոգու համար է, իսկ ավելի «կոնկրետ» մասնագիտություն ստանալը պարտադիր է․․․

• Մեծամտությունից, իրար չլսելուց, խաբելուց, բողոքելուց հայերը պետք է հրաժարվեն

  «Բլոկադա» ներկայացումը պատմում է արցախցի ընտանիքի մասին, որի կյանքը փոխվում է շրջափակման հետևանքով, և Երևանից Արցախ հասած ընտանիքի հետ հանդիպման մասին...

Գրիշա Աղախանյանի գեղեցկուհի կինը` Շողեր Թովմասյանը, մանագիտությամբ դերասանուհի է: Սակայն շուտով Շողերը կստանա եւս մեկ մասնագիտություն: Սեպտեմբերից դերասանուհին շարունակելու է ուսումը Բժշկական համալսարանում: Բոլորովին վերջերս Շողերը սկսեց հանդես գալ նաեւ որպես դիմահարդար:

Մասնագհիտական հաջողությունների եւ անձնական կյանքի մասին զրուցեցինք դերասանուհու հետ:

-Շողեր, եթե չեմ սխալվում, նշել էիք, որ Ձեր մանկության երազանքը բժիշկ դառնալն էր. ինչպե՞ս ստացվեց, որ ընդունվեցիք Երեւանի  թատրոնի եւ կինոյի պետական ինստիտուտ:

-Բժշկությունն ինչ-ինչ պատճառներով շարունակական բնույթ չկրեց: Թատերական ընդունվեցի, որովհետեւ սիրում եմ եւ կինոն, եւ թատրոնը, եւ իմ վարպետին` Նիկոլայ Ծատուրյանին:

-Գիտեմ, որ սեպտեմբերից պետք է հաճախեք Բժշկական համալսարան: Ստացվո՞ւմ է իրականացնել այդ երազանքը:

-Այո, Բժշկական համալսարանում ուսումս շարունակելու եմ սեպտեմբերի 1-ից: Ընթացքում հասկացա, որ արհեստն ու արվեստը համատեղելի են ու փոխարինում են մեկը մյուսին:

-Ձեր էջում տեսնում եմ նաեւ, որ հանդես եք գալիս որպես դիմահարդար: Վաղո՞ւց եք զբաղվում այդ մասնագիտությամբ:

-Դիմահարդարումն էլ է արվեստ եւ արհեստ: Իմ կարծիքով յուրաքանչյուր կին պետք է տիրապետի գեղեցիկ դիմահարդարմանը: Մի քանի ամիս է, ինչ զբաղվում եմ դրանով: Մեծ հաճույքով եմ դա անում, քանի որ սիրում եմ գեղեցկությունը: Առանձնապես ժամանակ չի հերիքում, որպեսզի դիմահարդարմամբ գումար վաստակեմ: Դա անում եմ զուտ ինքս ինձ համար, բայց եթե լինում է ժամանակ, սիրով աշխատում եմ:

-Շողեր, համոզված եմ` շատերին կհետաքրքրի` ինչպե՞ս եք ծանոթացել Ձեր ամուսնու` Գրիշա Աղախանյանի հետ:

-Գրիշայի հետ ծանոթացել եմ նկարահանման հրապարակում:

-Կբնութագրե՞ք` ինչպիսի ամուսին եւ հայր է նա:

-Նա շատ լավ հայր է: Մինչեւ մեր երեխայի ծնվելը ես տեսել էի, թե ինչպիսի լավ եւ հոգատար հարաբերությունների մեջ է նա իր մեծ որդու հետ: Երբեք մտավախություն չի եղել, թե նա ինչպիսի հայր կլինի: Մեր տղան փոքր է, երկու տարեկան: Նրա հանդեպ սերն ու հոգատարությունը լրիվ այլ կերպ է արտահայտում` ավելի մեղմ եւ համբերատար: Մեկ-մեկ ասում եմ. «Գրիշ, ջղայնացիր…», բայց նա դա չի անում, հետո հասկանում եմ, թե ինչու… Գրիշան նաեւ լավ ամուսին է` բարի, լավ ու հանդուրժող անձնավորություն: Բոլորս էլ ունենք մեր թերությունները, բայց դա հասկանալ եւ զսպել է պետք:

 -Ի՞նչ ընտանեկան եւ անհատական երազանքներ ունեք:

-Երազաում եմ, որ լինենք առողջ, իսկ երկիրը` խաղաղ…

-Առաջիկայում հնարավո՞ր է` Ձեզ տեսնենք հեռուստաէկրաններին` որպես դերասանուհի:

-Այո, նոր հրավեր ունեմ, շուտով կսկսենք նկարահանումները, բայց դեռ չեմ կարող բացել փակագծերը…

Սյունե Առաքելյան

Լուսանկարները` Շողեր Թովմասյանի Facebook-ի էջից

Հետևեք NEWS.am STYLE-ին Facebook-ում, Twitter-ում և Instagram-ում