Աշխարհը կառուցված է շատ պարզ եւ միաժամանակ անհասկանալի կերպով: Նրանք, ովքեր առանձնապես մտահոգ չեն իրենց ֆինանսական դրությամբ, շահում են վիճակախաղում. թեթեւամիտ սիրեկաննները մեկը մյուսի հետեւից գերում են գեղեցկուհիների, հնարամիտ սրիկաները հաջողում են զբաղեցնել ամենաբարձր պաշտոնները: Ինչու՞ է այդպես եւ ինչպե՞ս կարելի է ավելի բախտավոր եւ հաջողակ լինել: Մեխանիզմը բավականին պարզ է. պետք է թեթեւ քայլով գնալ դեպի նպատակը` վստահ լինելով անվերապահ հաղթանակին:
Բայց ասելն ավելի հեշտ է, քան իրագործելը: Սկզբի համար պետք է հասկանալ, թե ինչ է հաջողությունը եւ որտեղից է այն գալիս: Հաջողությունը հանգամանքների լավագույն հաջորդականությունն է, որը հնարավոր է մեզանից յուրաքանչյուրի համար այս կամ այն իրավիճակում: Հաջողությանը գայթակղել չի ստացվի, որովհետեւ այդ արարածը շատ երկչոտ է: Հիշեք կապույտ թռչունի մասին երգը, որին բռնելը ոչ մեկին չի հաջողվում, բայց մի գեղեցիկ օր նա ինքը կարող է նստել քո ուսին: Համեմատությունը շատ գեղեցիկ ու աներեւակայելի տեղին է. հաջողությունը տուն բերել` կարելի է միայն ջանքերը նրա վրա չկենտրոնացնելով:
Լավատեսությունը ամենաարդյունավետ խայծն է հաջողության համար:
Պատկերացրեք, որ աշխարհը մեծ հայելի է, որն արտացոլում է ձեր հոգեվիճակը եւ այն նյութականացնում է իրականության մեջ: Եթե դուք ձեզ ճնշված եք զգում, ամեն ինչի մեջ տեսնում եք բացասականը, խարդախություն, դավադրություն, դա կարտացոլվի ձեր անձնական հայելու մեջ եւ ճիշտ այդպիսի գորշ պատկեր կստանաք իրականության մեջ: Հաջողության հետք անգամ այս դեպքում չի լինի: Այլ է, երբ մարդն ամեն ինչին վերաբերվում է թեթեւ սրտով եւ հումորով: Կվերջանա բենզինը կես ճանապարհին՝ հիանալի է, քանի որ քայլելու եւ վերջապես հեծանիվ ձեռք բերելու ավելի հիմնավոր առիթ չես մտածի: Ազատել են աշխատանքից՝ հիանալի է, քանի որ հիմա իմ առջեւ բացվել են այնքան նոր հնարավորություններ, եւ ոչինչ չի խանգարի ինձ փորձել ինչ-որ նոր բան: Զգո՞ւմ եք տարբերությունը: Ահա այսպիսի աշխարհայացքով կարելի է դեպի քեզ գրավել հաջողությունը:
Ոտքից գլուխ
Սովորել լավատես լինել այնքան էլ հեշտ չէ, հատկապես երբ դուք միշտ գտնվում եք հասարակության ազդեցության տակ, նայում եք նորություններ, շրջապատված եք գովազդներով եւ այլ տեղեկատվական «աղբով»: Իրավիճակը «ոտքից գլուխ» շրջելն ամենագործուն միջոցներից մեկն է «շտկելու», իսկ երբեմն նույնիսկ բարձրացնելու քո եւ շրջապատի տրամադրությունը: Մեր իրավիճակում այդ մեթոդը կարելի է կիրառել հետեւյալ կերպ. մտածված չափազանցնել, սաստկացնել եւ դրամատիզացնել իրադարձությունը այնքան ժամանակ, մինչեւ այն չթվա անհեթեթ, ծիծաղելի, անմիտ եւ աննշան:
Օրինակ, դուք ճաշի ժամանակ աշխատավայրում սուրճ եք թափել վերնաշապիկին: Օ, ահավոր է: Այդ զզվելի սեւ հեղուկը, այդ սատանայական ջրիկ խյուսը խլեց ողջ օրս: Ինչպե՞ս երեւամ գործընկերներիս աչքին, ի՞նչ կասի ղեկավարությունը: Հավանաբար կկանչեն եւ կպատժեն փնթիության համար, ձեռքս կտան թաս ու օճառ, եւ ես ստիպված կլինեմ բոլորի աչքի լվալ շապիկս… Արդեն ծիծաղելի է եւ անհթեթ, տրամադրությունս բացվեց, սուրճի հետքը չի թվում այդքան մեծ եւ անտանելի, եւ ընդհանրապես, կարելի է վերնաշապիկի վրա պիջակ հագնել եւ ավելի կոկիկ տեսք ունենալ: Սովորեք գտնել հաճելի մանրուքնր ցանկացած իրավիճակում կամ գոնե չքայքայել նյարդերը դատարկ բաների վրա, եւ հաջողությունը ձեզնից քայլ չի հեռանա:
Աղբյուրը` MyJane.ru
Հետևեք NEWS.am STYLE-ին Facebook-ում, Twitter-ում և Instagram-ում
14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով