Հայոց ցեղասպանության մասին պատմող «Խոստում» ֆիլմը շարունակում է քննարկման թեմա մնալ համաշխարհային մամուլում: Սեպտեմբերի 11–ին Տորոնտոյի միջազգային կինոփառատոնի շրջանակում ներկայացված ֆիլմի առաջին ցուցադրությունից (ռեժիսոր՝ Թերի Ջորջ, գլխավոր դերակատարներ՝ Օսկար Այզեք, օսկարակիր Քրիստիան Բեյլ, Շարլոտ Լե Բոն, Շոհրե Աղդաշլու, Անժելա Սարաֆայան) եւ մամլո ասուլիսից հետո բազմաթիվ պարբերականներ հարցազրույցներ են անցկացնում ֆիլմի ստեղծագործական խմբի անդամների հետ՝ խոսելով կինոնկարի ստեղծման, նպատակի եւ Հայոց ցեղասպանության մասին։
Ամերիկյան Variety կայքը զրուցել է «Խոստում»-ի պրոդյուսերներ Էրիկ Էսրաիլյանի եւ Մայք Մեդեվոյի հետ՝ հետաքրքրվելով ֆիլմի ֆինանսական կողմի եւ առկա ու սպասվող դժվարությունների մասին։
«Ֆիլմը կարեւոր նշանակություն ուներ ամերիկահայ գործարար Քըրք Քըրքորյանի համար։ Նա միշտ ցանկացել է նկարահանել ֆիլմ՝ լավագույն դերասանական կազմով, որպեսզի այն լոկ պատմության դաս չհիշեցնի։ Եվ նրա տեսլականը էժան չէր։ «Խոստում» ֆիլմի նկարահանման համար պահանջվել է 100 միլիոն դոլար, որը Քըրքը վճարել է Survival Pictures-ի միջոցով»,- պատմել է Էսրաիլյանը՝ նշելով, որ ֆիլմը դեռ տարածման եւ ավելի լայն զանգվածներին հասանելի դարձնելու խնդիր ունի։ Էրիկը ենթադրում է, որ պատճառը ֆիլմի թեման է, ինչը վախեցնում է որոշ գնորդների.
«Ես ուղղակի կասեմ՝ կան շատ ստուդիաներ, որոնք բիզնես շահեր եւ հետաքրքրություններ ունեն Թուրքիայում, իսկ դուք կազմեք ձեր կարծիքը»։
Իսկ Մեդեվոյը բարձրաձայնել է այն մասին, թե ինչպես են հազարավոր մարդիկ «լծվել» ֆիլմը տարբեր հարթակներում վարկաբեկելու գործին.
«Տորոնտոյի կինոփառատոնի օրերին բողոքի ակցիաներ չեղան, բայց «Խոստում»-ի առաջին ցուցադրությունից հետո 70000 օգտատեր Ինտերնետային ֆիլմադարանում (Internet Movie Database – IMDb) նշել են, որ «իրենց դուր չի եկել ֆիլմը»։ Սակայն դա պարզապես հնարավոր չէր, քանզի այդքան մարդ դեռ չի դիտել ֆիլմը։ Կինոթատրոնում այդքան տեղ չկար»,- խոսքը եզրափակել է Մայքը։
Հետևեք NEWS.am STYLE-ին Facebook-ում, Twitter-ում և Instagram-ում
14:23, 3 մայիսի
Քրիստեն Ստյուարտը եւ Օսկար Այզեքը կնկարահանվեն 80-ականների վամպիրների մասին հեդոնիստական թրիլլերում13:55, 3 մայիսի
Դերասանուհի Անյա Թեյլոր-Ջոյը պրեմիերային ներկայացել էր այնպիսի զգեստով, որով անհնար էր նստել13:17, 3 մայիսի
Էմիլի Ռատակովսկին եւ Իրինա Շեյքը փայլել են The King's Trust 2024 Global Gala-ին12:23, 3 մայիսի
Սոֆյա Վերգարան մտադիր է ամեն կերպ պայքարել տարիքի հետ11:15, 3 մայիսի
Բրիթնի Սփիրսի շոկային լուսանկարները մտահոգություն են առաջացրել նրա հոգեկան առողջության վերաբերյալ10:52, 3 մայիսի
«Լադանիվա»-ից Ժակլինի եւ Հունաստանի ներկայացուցչի աշխույժ պարը՝ «Եվրատեսլ 2024»-ի ետնաբեմում (վիդեո)10:20, 3 մայիսի
Քիմ Քարդաշյանը կիսվել է իր վերջին ֆոտոշարքի «բեքսթեյջային» կադրերով09:00, 3 մայիսի
ՄԱՅԻՍԻ 3-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:02, 2 մայիսի
Ֆիլմերում սեքսը կտրուկ նվազել է, բայց դարձել է ավելի բացահայտ22:18, 2 մայիսի
Armflix Էքսկլյուզիվ ֆիլմեր և սերիալներ՝ առանց սահմանափակումների, առանց գովազդի և ֆանտաստիկ որակի21:34, 2 մայիսի
1968 թվականի Grand Seiko ժամացույցն աճուրդում վաճառվել է ավելի քան 90,000 դոլարով20:18, 2 մայիսի
Միայնակ ամերիկացին, որը հուսահատ սեր է փնտրում, շաբաթական 400 դոլար արժողությամբ գովազդային վահանակ է տեղադրել