• Ֆիլմերում սեքսը կտրուկ նվազել է, բայց դարձել է ավելի բացահայտ

  Ըստ նոր հետազոտության՝ ֆիլմերում սեքսը կտրուկ նվազել է, բայց դարձել է ավելի բացահայտ․․․

• Հանուն սեքսի ճանապարհորդությունը 2024 թվականի թրենդն է

  Ոմանք ճամփորդում են, որպեսզի հանգստանան։ Մյուսները ճամփորդում են, որպեսզի նոր վայրեր տեսնեն եւ ուսումնասիրեն աշխարհը։ Բայց ճանապարհորդների մեծ մասը ճամփա է ընկնում հանուն սեքսի...

• Դավաճանություն՝ քնած ժամանակ. ի՞նչ են նշանակում անհավատարմության մասին երազները

  Ամուսնուն/կնոջը դավաճանելը ոմանց համար մղձավանջային սցենար է…

• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

• Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն

  Սեքսի դեպքում գեղեցկությունը հաճախ կենտրոնական տեղ է զբաղեցնում․․․

• Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով

  Կալիֆորնիայում բնակվող անգլիացին տարված է ամուսնացած կանանց՝ հատկապես իր բիզնես գործընկերների եւ ընկերների կանանց հետ սեքսով…

• Միջնադարյան առեղծվածային ձեռագիրը կարող է լինել սեքսի հնագույն ձեռնարկ

  Տարօրինակ նկարներով միջնադարյան ձեռագիրը կարող է լինել սեքսի մասին շատ հնագույն ձեռնարկ կամ գոնե դրա մի մասը․․․

• Forbes. Սեքսը՝ գեներատիվ արհեստական ​​ինտելեկտի դարում

  Սեքսը եւ տեխնոլոգիաները վաղուց փոխկապակցված են. միլիոնավոր մարդիկ օգտագործում են ծանոթությունների հավելվածներ՝ զուգընկերներ գտնելու համար․․․

Այսօր համացանցը լի է կայքերով, որոնք վիտուալ ծանոթություն եւ հարաբերություններ սկսելու հնարավորություն են տալիս: Բայց, ցավոք, մարդիկ չեն հասկանում, թե ինչպիսի լուրջ հետեւանքների այն կարող է հանգեցնել: Եթե մարդը դիտում է բաց լուսանկարներ եւ տեսանյութ՝ դրանից օրգազմ ապրելով, հնարավոր է, որ որոշ ժամանակ անց այլեւս չի ձգտի իրական հարաբերությունների, իրական սեքսի: Այս մասին ապրիլի 23-ին «ANI PLAZА» հյուրանոցում լրագրողների հետ հանդիպման ժամանակ նշեց սեքսոպաթոլոգ Վրեժ Շահրամանյանը:

Հոգեբան Միհրդատ Մադաթյանն իր հերթին հայտարարեց. «Վիրտուալ ծանոթությունները մարդկանց առավելապես գրավում են նրանով, որ նրանք կարող են անանուն մնալ: Հենց դրա շնորհիվ էլ մարդիկ կարող են անել այն, ինչ ցանկանան, իրենց ներկայացնել այն կերպարով, որի մասին միշտ երազել են: Հենց վիրտուալ աշխարհում ենք կարողանում շփվել տարբեր երկրներից մարդկանց հետ, ինչը շատ հաճախ իրական կյանքում հնարավոր չէ: Ստացվում է, որ վիրտուալ աշխարհը թեթեւացնում է մեր պահանջների բավարարումը»:

Մասնագետների խոսքով, վիրտուալ սեքսին ավելի շատ դիմում են տղամարդիկ, քան կանայք: Վրեժ Շահրամանյանը դրա համար հետեւյալ բացատրությունն ունի. «Իհարկե, այստեղ մեծ դեր է խաղում տղամարդու բնույթը: Վիրտուալ աշխարհը շատ ժամանակ չի պահանջում, եւ կնոջը սիրահետելու անհրաժեշտություն էլ չկա: Այստեղ ամեն ինչ շատ պարզ է, այդ պատճառով տղամարդը ձգտում է արագորեն բավարարել իր ցանկությունները: Եկեք նաեւ չմոռանանք այն մասին, որ վիրտուալ ծանոթության պարագայում տղամարդը ստիպված չէ վճարել ինչ-որ բանի համար: Ստացվում է, որ տղամարդը, առանց առանձնակի ջանքերի եւ ծախսերի, բավարարում է սեռական ցանկությունները»:

Ներկաներին նաեւ հետաքրքրում էր հարցը, թե, ընդհանրապես, ինչո՞ւ է անհրաժեշտ դիմել վիրտուալ սեքսի:

«Վիրտուալ սեքսին դիմում են մարդիկ, ովքեր այնքան էլ ինքնավստահ չեն: Նրանք իրենց սեքսուալ չեն համարում եւ չեն կարծում, որ հակառակ սեռի ներկայացուցչի հետ կարող են կապ հաստատել իրական կյանքում: Կամ եթե օր ու գիշեր աշխատում եք, ապա, բնականաբար, իրական սեքսի համար ֆիզիկապես ուժ չունեք»,- պատասխանեց Վրեժ Շահրամանյանը:

Միհրդատ Մադաթյանն ավելացրեց. «Այսօր էրոտիկան շատ լավ է ցուցադրված եւ ներկայացված: Հենց ա՛յդ է գրավում մարդկանց: Եվ այն, ինչ նրանք չեն կարողանում գտնել տանը, ընտանիքում, գտնում են համացանցում»:

NEWS.am STYLE-ի թղթակցի հարցին, թե ինչո՞ւ է Հայաստանը, Google-ի հաշվարկներով, առաջատարի դիրք զբաղեցնում այն երկրների ցանկում, որոնք պոռնոգրաֆիա են դիտում եւ ինչի՞ հետ է դա կապված, սեքսոպաթոլոգը պատասխանեց. «Մեր դպրոցներում սեռական կյանքի մասին տեղեկություններ չեն տալիս, ընտանիքում նույնպես այդ չկա: Որտեղի՞ց պետք է անչափահասները եւ ընդհանրապես սեքսով հետաքրքրված մարդիկ իմանան այդ մասին: Իհարկե, համացանցից: Դա միակ արագ աղբյուրն է, որտեղից կարող ես իմանալ՝ ինչ անհրաժեշտ է»: Իսկ հոգեբանը հումորով ավելացրեց. «Եկեք չմոռանանք այն մասին, որ հայերը հիմնականում օգտվում են Google-ի, իսկ, օրինակ, ռուսները՝ Yandex-ի ծառայություններից: Իսկ այդ հաշվարկները միայն Google-ի տեղեկություններն են: Ու նաեւ մի մոռացեք, որ արաբներն ընդհանրապես նման կայքեր չունեն: Պատկերացրեք, եթե դրանք լինեին նրանց մոտ, ինչ կկատարվեր…»:

Պատրաստեց Եվա Մակվեցյանը

Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում