Վստահությունը, որ պահպանակը խանգարում է տղամարդու բնական զգացողություններին, խոսում է այն մասին, որ մենք պարզապես չենք կարողանում ճիշտ հակաբեղմնավորիչ ընտրել: Սխալ պահպանակ ընտրելու դեպքում երկար սպասված սիրո գիշերը կարող է վերածվել տղամարդու կատարյալ անհաջողությամբ: Մասնագետների պնդմամբ, տղամարդիկ հաճախ սխալվում են իրենց անհրաժեշտ ձեւի եւ չափսերի պահպանակի ընտրության հարցում, ինչն իր հերթին բերում է անցանկալի հետեւանքների:
NEWS.am Style-ը որոշեց օգնել այդ կարեւոր հարցում: Մենք նաեւ հետազոտեցինք երեւանյան շուրջ մեկ տասնյակ դեղատներն ու դրանց առաջարկած ապրանքը:
Պահպանակ գնելիս պետք է ուշադրություն դարձնել հետեւյալին. պահպանման ժամկետը, ապրանքի արտադրողը, չափսը եւ քսուքի առկայությունը:
Պահպանման ժամկետն ամենակարեւոր հանգամանքն է, որին պետք է ուշադրություն դարձնել առաջին հերթին: Պահպանակների մեծ մասի դեպքում այն 5 տարի է, ավելի պակաս որակյալների պարագայում (հնդկական կամ չինական)՝ 3 տարի: Հարկավոր է նաեւ հիշել, որ սովորաբար պահպանակները դեղատուն հասնում են պահեստներում 10-15 ամիս մնալուց հետո: Այդ պատճառով մի գնեք, եթե այն արտադրվել է ավելի քան մեկ տարի առաջ: Հարկ է նկատել, որ որոշ արտադրողներ չեն նշում պահպանման ընդհանուր ժամկետը կամ թողարկման ամսաթիվը: Նման արտադրանքից պետք է ընդհանրապես հրաժարվել:
Որակյալ պահպանակների արտադրության առաջատարներ են համարվում ԱՄՆ-ն, Մեծ Բրիտանիան եւ Գերմանիան: Արեւելյան արտադրության պահպանակի ընտրության հարցում պետք է զգույշ լինել:
Որպեսզի օգտագործման ժամանակ այն չվնասվի, հարկավոր է ճիշտ չափս ընտրել: Ներկայում առանց քսուքի պահպանակներ չեն վաճառվում: Սակայն, ամեն դեպքում, հարկավոր է ստուգել «Lubricated» մակագրության առկայությունը: Լուբրիկանտը ոչ միայն հղիությունը, այլեւ վեներական հիվանդությունների փոխանցումը կանխարգելելու լրացուցիչ միջոց է: Քսուքում առկա «Nonoxinol-9»-ն այնպիսի միջավայր է ստեղծում, որի արդյունքում սերմնահեղուկը մեռնում է:
Ինչ վերաբերում է Երեւանում պահպանակների ընտրությանը. առաջին հայացքից կարող է թվալ, որ մեր մայրաքաղաքում ընտրությունը մեծ է, սակայն դեղատներում առաջարկվող պահպանակները տարբերվում են միայն գույնով եւ քսուքի հոտով: Դեղատների մեծ մասում ներկայացված է 5-10 տարբեր արտադրողների պահպանակ:
Միայն մի քանի դեղատներում կարողացանք գտնել պահպանակների լայն ընտրանի: Բայց այս դեպքում խոսքը չափսերի մասին չէ: Հիմնականում դրանք չինական Contex եւ անգլիական Durex ընկերությունների արտադրանքն են, որոնք, ի դեպ, եվրոպական երկրներում առաջատարի դիրքերում են:
Պահպանակների գները տատանվում են 650-ից 2.500 դրամի սահմաններում: Սակայն մասնագետները խորհուրդ են տալիս խուսափել էժանագին արտադրանք գնելուց:
Ղեկավարվելով վերոնշյալ խորհուրդներով, հարկավոր է նախապատվությունը տալ այն պահպանակներին, որոնք կապահովեն ե՛ւ անվտանգությունը, ե՛ւ սեռական ակտից ստացվող առավելագույն հաճույքը:
Գրիգոր Ավետիսյան
Հետևեք NEWS.am STYLE-ին Facebook-ում, Twitter-ում և Instagram-ում
20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում14:11, 18 մայիսի
«Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես12:33, 18 մայիսի
Կապուչինոյի փորձարկում՝ Երեւանում. փնտրում ենք համեղ սուրճ10:23, 18 մայիսի
Բեն Աֆլեքն ու Ջենիֆեր Լոպեսը վերամիավորվել են ամուսնալուծության մասին լուրերի ֆոնին09:00, 18 մայիսի
ՄԱՅԻՍԻ 18-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:21, 17 մայիսի
Նոր սիրավե՞պ․ Անջելինա Ջոլին Բեռլինում ընթրել է «Վարպետը եւ Մարգարիտան» ֆիլմի աստղի հետ21:31, 17 մայիսի
Բիանկա Սենսորիի ընտանիքը վախենում է, որ Քանյե Ուեսթը նրան «կներքաշի» պոռնոգրաֆիայի մեջ20:05, 17 մայիսի
Չեխիայում կանցկացվեն հայ մշակույթի օրեր19:22, 17 մայիսի
«Բրիջերթոնի» աստղ Նիկոլա Քոգլանը՝ սերիալի հաջողության եւ 3-րդ եթերաշրջանի «բուռն» սեքսուալ տեսարաններից վախենալու մասին16:15, 17 մայիսի
«Հովեր» երգչախմբի առաջիկա համերգը նվիրված է Հակոբ Հակոբյանի 100-ամյակին