«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Սերգեյ Սլոնիմսկու «Հրեական Ռապսոդիա»-ի հայաստանյան պրեմիերան

10:41, 11 սեպտեմբերի

Կոմպոզիտոր Սերգեյ Սլոնիմսկու դաշնամուրի եւ նվագախմբի համար «Հրեական Ռապսոդիան» երեկ երեկոյան՝ սեպտեմբերի 10-ին, հնչել է Երեւանի «Արամ Խաչատրյան» համերգասրահում, Հայաստանի պետական երիտասարդական նվագախմբի համերգաշրջանի բացմանը:

Նվագախմբի հետ հանդես է եկել նաեւ աշխարհահռչակ դաշնակահարուհի Ջուլիա Զիլբերքվիթը, ում էլ նվիրված է Իսրայելի պետության 60-ամյակի կապակցությամբ գրված այս ստեղծագործությունը:

Համերգի մեկնարկից մեկ ժամ առաջ նվագախմբի գեղարվեստական ղեկավար եւ գլխավոր դիրիժոր Սերգեյ Սմբատյանը եւ Ջուլիա Զիլբերքվիթը հայ լրագրողներին ներկայացրեցին ստեղծագործությանը եւ իրենց համագործակցությանը վերաբերվող որոշ մանրամասներ:

«Առաջին անգամ չէ, որ մենք համագործակցում ենք հայտնի երաժիշտների հետ, եւ շատ ուրախալի է, երբ նրանք կրկին ցանկություն են հայտնում համագործակցել մեզ հետ: Այս ելույթը մեզ համար մեծ ձեռքբերում է, որովհետեւ Ջուլիան այն երաժիշտներից է, ով ձայնագրվել է լավագույն դիրիժորների եւ նվագախմբերի հետ: Եվ այսօր նա այստեղ է եւ կկատարի այդ ստեղծագործությունը: Կարծում եմ՝ սա մեր համերգաշրջանի համար շատ հետաքրքիր սկիզբ է, գալա-համերգ, եթե կարելի է այդպես ասել»,- նշել է Սմբատյանը:

Նա հավելել է, որ նվագախմբի համերգաշրջանը խոստանում է լինել չափազանց բովանդակալից եւ հետաքրքիր: Այդ ընթացքում նախատեսվում են ելույթներ շատ հետաքրքիր եւ տաղանդավոր երաժիշտների հետ: Իր հերթին դաշնակահարուհին նշել է, որ սա իր առաջին ելույթը չէ Հայաստանի պետական երիտասարդական նվագախմբի հետ: Նա ընդգծել է, որ նվագախումբը հրաշալիորեն զգում է ժամանակակից երաժշտությունը:

«Նվագախմբի հետ մենք ելույթ ենք ունեցել անցյալ տարի Օդեսայում: Շատ լավ նվագախումբ է: Երկու անգամ էլ շատ բարդ ստեղծագործություններ ենք կատարել: Հիանալի կապ ենք հաստատել մաեստրոյի հետ, եւ սրանք միայն խոսքեր չեն: Ես ելույթ եմ ունենում տարբեր դիրիժորների հետ: Կան դիրիժորներ, ովքեր այնքան էլ չեն սիրում հանդես գալ մենակատարների հետ: Նվագախումբը հիանալի է նվագում: Այն շատ պրոֆեսիոնալ է: Եվ ինչն է ինձ ամենից շատ դուր գալիս. նրանք շատ, շատ աշխատասեր են»,- նշել է Ջուլիա Զիլբերքվիթը:

Նրա խոսքով, ի տարբերություն բազմաթիվ այլ կոլեկտիվների, Հայաստանի պետական երիտասարդական նվագախումբը երբեք կամակորություն չի անում, երբ ինքը խնդրում է կրկնել ստեղծագործությունից որեւէ հատված:

«Ինքը՝ կոմպոզիտորը, չափազանց գոհ էր հայաստանյան պրեմիերայի կապակցությամբ: Ցավոք, նա արդեն տարեց մարդ է՝ 84 տարեկան: Այս ժանրը նա շատ է սիրում: Այս ստեղծագործությունը դաշնամուրի համար նրա առաջին կոնցերտն է»,- հավելել է դաշնակահարուհին:

Ջուլիա Զիլբերքվիթը մեծ համբավ է վայելում որպես մենակատար եւ նվագախմբի երաժիշտ: Նա հանդես է եկել հռչակավոր այնպիսի երաժշտական կոլեկտիվների հետ, ինչպիսիք են Բրուքլինի ֆիլհարմոնիկ, Վիեննայի կամերային, Գերմանիայի սիմֆոնիկ, Կահիրեի սիմֆոնիկ, «Մոսկվայի վիրտուոզներ» պետական կամերային եւ շատ ու շատ այլ նվագախմբերը: Զիլբերքվիթը ելույթ է ունեցել հայտնի այնպիսի բեմերում, ինչպիսիք են նյույորքյան «Քարնեգի Հոլլ»-ը եւ Լինքոլնի կենտրոնի «Էլլիս Հոլլ»-ը:

Դաշնակահարի առաջին ձայնագրությունը՝ The Mystery of Bagatelles-ը, թողարկել է Naxos ընկերությունը, 2007 թվականին: 2008-ին Լեոն Բոթշթայնի եւ Երուսաղեմի սիմֆոնիկ նվագախմբի հետ համատեղ Զիլբերքվիթը ներկայացրել է Սլոնիմսկու դաշնամուրի եւ նվագախմբի համար «Հրեական Ռապսոդիան», որ գրվել է Իսրայելի 60-ամյակի առիթով: Այս ստեղծագործությունը նվիրված է հենց իրեն՝ դաշնակահարուհուն:

Լիլիթ Պետրոսյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել