Արքայազններ Ուիլյամն ու Հարին ներկա կլինեն մոր՝ արքայադուստր Դիանային նվիրված հուշարձանի բացմանը։ Սակայն եղբայրները որոշել են նվազագույնի հասցնել շփումը. նրանք միջոցառման ընթացքում առանձին ելույթ կունենան։ «Նրանցից յուրաքանչյուրը պնդել է, որ պատրաստի իր առանձին տեքստը»,- հայտարարել է ինսայդերը։
Անկախ տարաձայնություններից, Ուիլյամն ու Հարին միասին են ընտրել ու պատվիրել արձանը։ Այն կբացվի Դիանայի լոնդոնյան տան դիմաց հուլիսի 1-ին՝ նրա ծննդյան օրը․ Դիանան 60 տարեկան կդառնար։ «Նրանց համար դա շատ կարեւոր է։ Իհարկե, հույս կա, որ մոր մասին հիտաշակը կարող է վերականգնել շփումը նրանց միջեւ, սակայն հիմա դա չափազանց անկայուն է երեւում։ Առայժմ նրանց մարմինների լեզուն խոսում է այն մասին, որ նրանց մոտ դեռ ամեն ինչ հարթ չէ, եւ նրանք չեն կարողանա ելույթ ունենալ մի ճակատով»,- հավելել է աղբյուրը։
Արքայազնների հարաբերությունները փչացել են, երբ Հարին կնոջ՝ Մեգան Մարքլի հետ թողել է թագավորական պարտականություններն ու հեռացել Մեծ Բրիտանիայից։ Իրավիճակը սրել է հարցազրույցը, որում Մեգանը հայտարարել է, որ ամուսնու հարազատներն իրեն ստիպել են արտասվել եւ նվաստացրել։ Արքայազնի կնոջ խոսքով՝ ամուսնությունից առաջ իր ու Քեյթ Միդլթոնի միջեւ կոնֆլիկտ է սկսվել։ Նրանք չէին կարողացել լուծել հարցը, որը կապված էր հարսանիքի մասնակիցների հագուստների հետ։
«Ես սա չեմ ասում ինչ-որ մկին նվաստացնելու համար, քանի որ դա, իսկապես, ծանր նախահարսանեկան շաբաթ էր։ Եվ Քեյթն ինձ ստիպել է արտասվել, քանի որ վշտացած էր ինչ-որ բանից, բայց խոստովանել է դա ու ներողություն խնդրել։ Եվ նա ինձ ծաղիկներ է բերել ու ներողություն պարունակող երկտող։ Դժվար էր հաշտվել նրա հետ, որ ինձ մեղադրում են ոչ միայն նրան,ւմ, ինչ չեմ արել, այլեւ նրանում, ինչ տեղի է ունեցել ինձ հետ»,- Օփրա Ուկինֆրիի հետ զրույցում անկեղծացել էր նա։
Հարցազրույցը բազմաթիվ վեճերի առիթ է դարձել։ Սկզբնական շրջանում Եղիսաբեթ Երկրորդը լռություն էր պահպանում, սակայն ավելի ուշ Բուքինգհեմյան պալատը հայտարարություն է արել թագուհու անունից։ «Ամբողջ ընտանիքը տխրել է՝ իմանալով, թե որքան դժվար են եղել վերջին մի քանի տարիները Մեգանի ու Հարիի համար։ Բարձրացրած հարցերը, հատկապես ռասսայականը, անհանգստություն են առաջացնում։ Թեեւ որոշ հիշողություններ կարող են տարբերվել, դրանց շատ լուրջ են վերաբերում։ Հարին, Մեգանն ու Արչին միշտ ընտանիքի սիրելի անդամներ կլինեն»,- ասված էր դրանում։
Աղբյուրը՝ StarHit
Լուսանկարները՝ Getty Images
Հետևեք NEWS.am STYLE-ին Facebook-ում, Twitter-ում և Instagram-ում
20:05, 5 մայիսի
Երեւանյան շաուրման. տեղական սիրված եւ քիչ հայտնի վայրերը19:26, 5 մայիսի
«Լադանիվա»-ն՝ «Եվրատեսիլ 2024»-ի բացման պաշտոնական արարողությանը19:13, 5 մայիսի
Ինչպես շունը ձեռք բերեց իր տիրոջը, կամ «Արթուր, դու թագավոր ես» ժապավենը18:33, 5 մայիսի
Տարօրինակ կանոններ, որոնց պետք է հետեւեն Met Gala-ի մասնակիցները16:18, 5 մայիսի
Լորեն Սանչեսին Met Gala-ի համար հանդերձանք ընտրելիս կօգնի հենց ինքը՝ Աննա Վինտուրը14:02, 5 մայիսի
Ջենիֆեր Լոպեսն իրեն «չհասկացված» է զգում՝ ինստագրամհան ատելության պատճառով12:15, 5 մայիսի
Շերոն Սթոունի որդին գնում է մոր՝ դերասանական հետքերով11:39, 5 մայիսի
«ԴԴՏ» կուլտային խմբի մեծ համերգը՝ Երեւանում10:30, 5 մայիսի
Մադոննան կրքոտ համբուրել է պարուհուն՝ Բրազիլիայում իր Celebration շրջագայության փորձի ժամանակ09:00, 5 մայիսի
ՄԱՅԻՍԻ 5-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:20, 4 մայիսի
Գուրգեն Դաբաղյանի 3-ամյա դուստրը եւս միացել է TikTok-ում ամենատարածված հնդկական թրենդին (VIDEO)19:30, 4 մայիսի
Հարաբերությունների խորհրդատուն բացահայտել է երկու բան, որոնք կանայք երբեք չպետք է անեն