Ռուսական ճանաչված երգչուհի Ալսուն ռուսական HELLO ամսագրի 500-րդ հոբելյանական համարի հերոսուհին է դարձել: 30-ամյա աստղն ամսագրի նկարահանող խմբին հրավիրել է իր քաղաքամերձ առանձնատուն եւ ծանոթացրել աղջիկների` 7-ամյա Սաֆինայի եւ 5-ամյա Միքելլայի հետ: Ալսուն, մինչեւ դուստրերի «Kinder МУЗ Awards» մրցանակաբաշխությանը ներկայանալը, նրանց չէր ցուցադրում հանրությանը:
Ամսագրին տված հարցազրույցում երգչուհին պատմել է երեխաների դաստիարակության եւ ամանորյա նվերների մասին:
Մանկության ամանորի մասին.
Անկեղծորեն ասեմ. Նոր Տարին իմ սիրելի տոնն է: Այն միշտ ինձ համար ամենաուրախն ու երկար սպասվածն է եղել:
Ես հավատում էի հրաշքներին, Ձմեռ Պապին եւ Ձյունանուշին, իսկ ինչպես էի նվերների սպասում... Երբ փոքր էի, մենք վատ էինք ապրում, շատ բաներ չէին ճարվում, այդ պատճառով անկեղծ սպասում էի տոներին, գիտեի, որ ինչ-որ համեղ կոնֆետ ստանալու եմ հենց դեկտեմբերի 31-ին: Ամանորն ինձ համար մեծ իրադարձություն էր: Մենք նշում էինք՝ ինչպես հարկն էր: Այդ ժամանակ մենք Կոգալիմում էինք ապրում, այդ պատճառով տանը միշտ բնական եղեւնի էր լինում, որն ինքներս էինք կտրում հարեւան անտառից: Մայրս տոնական ընթրիք էր պատրաստում, իսկ մենք ինքնաշեն խաղալիքներով զարդարում էինք տոնածառը:
Դաստիարակության մասին.
Ինձ համար անդաստիարակ երեխաներից վատ բան չկա: Երբ տեսնում եմ, թե ինչպես են աղջիկներիս հասակակիցները կամակորություն անում, մեծերին կոպտում, բարկանում եմ: Այդ պատճառով դաստաիարակության մեջ ես ավելի շատ ուշադրություն եմ դարձնում քաղաքավարությանը: Ինձ սովորեցրել են հարգել մեծերին, միշտ բարեւել, ասել «շնորհակալություն», «խնդրում եմ», Դուք-ով դիմել եւ ես փորձում եմ նույն կերպ դաստիարակել նաեւ իմ դուստրերին: Ես մեր ընտանիքի ամենախիստ անդամն եմ, որովհետեւ հայրիկը մեզ հետ շատ ժամանակ չի անցկացնում, նա ավելի շատ երես է տալիս, ավելի շատ է նվերներ գնում: Բայց նա նույնպես նկատողություն է անում աղջիկներին, երբ նրանք մոռանում են ինչ-որ մեկին բարեւել: Այդ առումով ես եւ Յանը համակարծիք ենք:
Եվ հիմա, երբ աղջիկներս արդեն գիտակցական տարիքում են, մենք կարող ենք նրանց բացատրել, որ անծանոթ մարդկանց պետք է Դուք-ով դիմել: Թվում է՝ մանրուք է, բայց մեծ երեւույթները փոքրերից են կուտակվում: Ես Մոսկվայում նույնպես ամեն տարի մանկական տոներ եմ կազմակերպում տանը, երեխաներին Ամանորի տարբեր հանդեսների եմ տանում, թատրոններ, նվերներ եւ, իհարկե, ուտեստներ եմ պատրաստում: Թեեւ նրանց զարմացնելն այնքան էլ հեշտ չէ: Աղջիկներս երազանք ունեին, նրանք շուն էին ուզում: Հիմա նրանք շնիկ ունեն: Թվում էր՝ երազելու ոչինչ այլեւս չկա, բայց հիմա էլ նրանք Բոնիի համար ձագուկներ են ուզում:
Հետևեք NEWS.am STYLE-ին Facebook-ում, Twitter-ում և Instagram-ում
14:02, 5 մայիսի
Ջենիֆեր Լոպեսն իրեն «չհասկացված» է զգում՝ ինստագրամհան ատելության պատճառով12:15, 5 մայիսի
Շերոն Սթոունի որդին գնում է մոր՝ դերասանական հետքերով11:39, 5 մայիսի
«ԴԴՏ» կուլտային խմբի մեծ համերգը՝ Երեւանում10:30, 5 մայիսի
Մադոննան կրքոտ համբուրել է պարուհուն՝ Բրազիլիայում իր Celebration շրջագայության փորձի ժամանակ09:00, 5 մայիսի
ՄԱՅԻՍԻ 5-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:20, 4 մայիսի
Գուրգեն Դաբաղյանի 3-ամյա դուստրը եւս միացել է TikTok-ում ամենատարածված հնդկական թրենդին (VIDEO)19:30, 4 մայիսի
Հարաբերությունների խորհրդատուն բացահայտել է երկու բան, որոնք կանայք երբեք չպետք է անեն17:23, 4 մայիսի
Հյու Ջեքմանը եւ Ջոդի Քոմերը կնկարահանվեն «Ռոբին Հուդի մահը» ֆիլմի գլխավոր դերերում15:06, 4 մայիսի
Դերասանուհի Թիֆանի Հադիշը ցանկանում էր սեքսով զբաղվել Հենրի Քավիլի հետ, սակայն նրա հետ հանդիպելուց հետո մտափոխվել է13:29, 4 մայիսի
Քեւին Սփեյսի. նոր վավերագրական ֆիլմում 10 տղամարդ «անհոգի հրեշին» մեղադրում են սեռական ոտնձգության մեջ12:30, 4 մայիսի
Քլոե Քարդաշյանն ակնարկել է, որ բաց է կնոջ հետ հարաբերությունների համար12:08, 4 մայիսի
«Էթնո ջազ» խորագրով համերգը`նվիրված Սերգեյ Փարաջանովի 100-ամյա հոբելյանին (ֆոտո)