Քիմ Քարդաշյանը վախենում էր, որ իրեն կբռնաբարեն, հայուհուն ընկերուհին է փրկել

Քիմ Քարդաշյանը Նյու Յորք է ժամանել, որտեղ հիմա իր ամուսնու՝ Քանյե Ուեսթի, մոր, քույրերի ու մտերիմների հետ է։ Մինչ հայուհին ուշքի է գալիս Փարիզում կատարվածից հետո, TMZ-ը նոր մանրամասներ է հայտնում կողոպուտի մասին, որի ժամանակ հեռուստաաստղից՝ տարբեր գնահատականներով 12-16 մլն դոլարի թանկարժեք իրեր են գողացել։

Եվ այսպես, Քիմը վերադարձել էր ոճաբան Ազզեդինա Ալայայի երեկույթից, իսկ նրա քույրերը՝ Քենդալն ու Քորթնին գնացել էին զվարճանալու Arc փարիզյան գիշերային ակումբ։ Նրանց անվտանգությանը հետեւում էր Քիմի թիկնապահը՝ Պասկալ Դյուվյեն։

Քիմը հանգիստ քնած է եղել, երբ գիշերը նրան արթնացրել են դիմակներ հագած հինգ չարագործներ ու ատրճանակով սպառնացել նրան։

Կայքի ինսայդերները հայտնում են, որ Քիմը վախեցել է, որ իրեն կբռնաբարեն։ Քիմից գողացել են երկու սմարթֆոններ, բայց պարզվում է Քիմը մենակ չէր։ Առաջին հարկում քնած էր նրա ընկերուհին՝ ոճաբան Սիմոնա Արուչչեն, որը մտել էր լոգարան, փակել դուռը ու արագ զանգել Պասկալ Դյուվյեին։

Աղբյուրը հայտնել է, որ Քիմը աղաչում էր չսպանել իրեն՝ անընդհատ կրկնելով, որ ինքը երկու երեխաների մայր է։ Հանցագործները, որոնք ոստիկանական համազգեստով էին, նրան կապկպել էին կպչուն ժապավենով ու փակել լոգարանում։

Քիմը ոստիկաններին պատմել է, որ չարագործները ֆրանսերեն էին խոսում։

Սակայն նրանք անընդհատ Քիմին հարցնում էին «ring, ring» (մատանին, մատանին), մինչեւ հայուհին հասկացել է, որ գողերը իր ամուսնական մատանին են որոնում (20 կատարանոց ադամանդյա մատանի Lorraine Schwartz–ից), որը նրան Քանյե Ուեսթն էր նվիրել։

Քիմը շուտով ցույց է տվել, թե ուր է դրել մատանին, որը 4 ու կես միլիոն դոլար արժե։
Հանցագործները նաեւ իրենց հետ տարել են Քիմի զարդատուփը (6 ու կես միլիոն դոլար արժողության), իսկ հետո փախուստի դիմել հեծանիվներով։

Ֆրանսիական ոստիկանությունը վստահ է, որ կողոպուտը կազմակերպվել էր ինսայդերի օգնությամբ։