Իզուր չէ, որ NEWS. am STYLE-ի խմբագիրը խելագարվում է Լինչի ֆիլմերի համար։
Դեւիդ Լինչի «Թվին Փիքս» սերիալի երրորդ եթերաշրջանը (ցնցող սաունդթրեքով) ճանաչվել է տարվա լավագույն սերիալը՝ Vulture ամսագրի վարկածով։
Նոր եթերաշրջանի 18 սերիաներն ավարտվել են նոր հանելուկներով եւ նորից հասկանալի է դարձել, որ հասկանալի չէ, թե ինչ է տեղի ունեցել Լորա Փալմերի հետ Թվին Փիքսում։
Երկրորդ հորիզոնականը զբաղեցրել է «Լքվածները» սերիալը, որը պատմում է
Մեյփլթոն քաղաքի արվարձանի համայնքի մասին, որտեղից անսպասելիորեն անհետացել է ավելի քան 100 մլն․ մարդ։
NEWS. am STYLE-ի խմբագրության կողմից սիրված The Young Pope («Երիտասարդ պապը») սերիալը՝ գեղեցկադեմ Ջուդ Լոուի մասնակցությամբ,
յոթերորդ տեղում է հայտնվել, չնայած մեր կարծիքով այն արժանի էր գոնե երկրորդ տեղին)))
Իսկ դրանից առաջ՝ եռյակի վերջին տեղում ամերիկյան «Ամեն ինչ բարելավվում է» սերիալն է։
Փամելա Ադլոնի ստեղծած տրագիկոմեդիան պատմում է միայնակ մայր Սեմի մասին։
Չորրորդը The Get Down սերիալն է ՝ 70-ականների վերջին դեռահասների կյանքի մասին։
Հինգերորդ հորիզոնականում «ԲոՋեք ձին» անիմացիոն նախագծի չորրորդ եթերաշրջանն է, որը պատմում է անտրոպոմորֆային ձիու արկածների մասին,
որը ժամանակին եղել է շոու բիզնեսի աստղ։
Լավագույն սերիալների վարկանիշում են հայտնվել նաեւ «Ջեք սամուրայը» մուլտսերիալի
հինգերորդ եթերաշրջանը, անցած տարվա «Ոսկե գլոբուսի» դափնեկիր «Խենթնախորդը» սերիալը, «Երկուսը» սերիալը ու «Կարմայքլի շոու» սիթքոմը։